Kɛkolu 5:24 - Ala Ya Salatikan Kula Kitabu

²⁴ Lɔhɔlɔmabonba lakanabalu ya kuntii ni salakalase kuntiibalu ka kuma wo mɛn mingɛ, ai kɔnɔlɔ ka fili bubale, ai v'i ɲɔɔ maɲiningala ka bɛn ko wo laban ma.

Kɛkolu 5:24 ပူးပေါင်းရင်းမြစ်များ

Luka 22:4

Judasi do ka taa salakalase kuntiibalu ma, ani lɔhɔlɔmabonba lakana kuntiibalu, ka kuma ai fɛ ka bɛn Isa donko ma ai bolo.

Luka 22:52

Wo kɛ, Isa k'a fɔ salakalase kuntiibalu yɛ, ani lɔhɔlɔmabonba lakana kuntiibalu, ani kɛmɔbalu minu nanin tɛɛ a minaya lɔ, a vɛɛ: «Mindɛ kɛnin ài nanin m̀ minaya lɔ siyamifan ni kɔlɔmankulunnu le iwo mɔɔlu yi bɔla benkannikɛba kanma teme?

Yohana 12:19

Wo lɔ, Falisilu k'a fɔ i ɲɔɔ yɛ, ai vɛɛ: «Ài y'a ye, ài tɛ se foi ɲiala butu, kamasɔlɔn dunuɲa bɛ vɛ bila a kɔ!»

Kɛkolu 2:12

Ai bɛ ka kawakoya fɔɔ k'ai kɔnɔlɔfili. Ai do v'i ɲɔɔ maɲiningala, ai vɛɛ: «Min kɔlɔ yi mindɛ le?»

Kɛkolu 4:1

Piyɛli ni Yohana ka to kumala jama yɛ, salakalasebalu ni lɔhɔlɔmabonba lakanabalu ya kuntii ni Sadusilu ka na ai ma.

Kɛkolu 4:21

Wo lɔ, kititɛɛjama k'a dɔ la aiya masiyannikan kɔkan, ka ban k'ai bila. Ai ma ɲa sɔlɔn ka kolatɔn kɛ ai la, kamasɔlɔn mɔɔ bɛ tɛɛ Ala tanula ka bɛn ko min kɛnin.

Kɛkolu 5:23

«Mɔ senin kaso la, mɔ na a sɔɔnin yena kobɛn, ka lakanalibalu lɔnin talan dalu la, kɛɛ mɔ na da lakala mingɛ, mɔ ma mɔɔ ye a kɔnɔ.»

Kɛkolu 5:25

Wo kɛ, mɔɔ dɔ ka na k'a fɔ ai yɛ, a vɛɛ: «Ài na kɛ́ minu bilala kaso la, wolu lɔnin mɔɔlu kalanna lɔhɔlɔmabonba luu kɔnɔ!»

Kɛkolu 5:26

Wo fɔ, lakanalibalu ya kuntii ni aa mɔɔlu ka taa keladennu ta, ka na ai le. Kɛɛ wo ma kɛ fanga la, kamasɔlɔn ai tɛɛ siyanna k'a fɔ ko jama kan'i wuli ai kanma k'ai bon kawa la.