Kɛkolu 4:31 - Ala Ya Salatikan Kula Kitabu

³¹ Ai wɔlinin Ala dalila, aiya ladɛnkɛya vɛ jaajaala, ai bɛ do josola ka fa Nii Sɛnɛyanin la, ani ai ka Ala kumakan lase damina josolagbeleya boloma.

Kɛkolu 4:31 ပူးပေါင်းရင်းမြစ်များ

Matiyu 21:22

Ni ài ka ko ko dali Ala la limaniya boloma, ài yi wo sɔlɔnne.»

Yohana 14:12

Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 15:7

Ni ài kafonnin ka to ǹ kan, ani ǹ kumakannu ka sawati ài josokun nɔ bɛlɛbɛlɛ kɛ, ài vɛ ko ko si dalila, wo yi kɛle ài yɛ.

Kɛkolu 14:3

Wo bɛ n'a kɛ, Pɔli ni Baanabasi ka waate siyama kɛ je, ai vɛ kawanili kɛla josolagbeleya boloma, ado mɔ Tii gbu tɛɛ seleya dila ka bɛn aa nɛɛma kuma ma, kamasɔlɔn a ka see di ai ma tɔɔmase ni kawanankolu kɛko lɔ.

Kɛkolu 2:1

Tele Biloolunanlon selilon senin, limaniyamɔɔ bɛ k'ai ladɛn dingila kelen nɔ.

Kɛkolu 2:2

Ado mangan dɔ vɛ bɔla sanma telemanin iwo fɔɲɛ ba dɛgbɛ, ka bon lafa, ai tɛɛ siinin min kɔnɔ.

Kɛkolu 2:4

Ai bɛ josola ka fa Nii Sɛnɛyanin la, ai do ka kuma damina kan gbɛlɛlu lɔ iwo Nii Sɛnɛyanin ka see di ai ma teme.

Kɛkolu 4:13

Kititɛɛjama ka Piyɛli ni Yohana ya josolagbeleya ye mingɛ, k'a lɔn ai tɛɛ mɔɔ kalanbali jɛlɛla le le, ai bɛ vɛ kawakoyala. Ai do k'a ɲaye ko Isa taamaɲɔɔ kɔlɔ le ai le.

Kɛkolu 4:29

Wo lɔ saa mɔ Tii, i tolomalɔ aiya masiyannikannu la, ka see di ǹu iya bɔidennu ma fɔsa m'i to i kumakan lasena josolagbeleya boloma.

Filipikalu 1:14

Ado ǹa kasolabilako vɛ kɛ sabu le, mɔ badenma fanba josola vɛ gbeleya mɔ Tii ya ko lɔ. Ai do yi Ala kumakan lasena wakali boloma ka timin a kunfɔlɔ ta la, ai tɛ siyanna.

Filipikalu 1:20

Ǹ jii y'a ma le bubale ko foi tɛnala kɛla ǹa maloyako le, mafɔ m̀ wakalinin totɔ feu tandainɔ ani waate bɛ, fɔsa ǹ'i Masa Tɔɔmasenin buɲa ǹ falikolo bɛ le, ǹa niimaya lɔ, niwotɛ ǹa saya lɔ.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.