Kɛkolu 4:29 - Ala Ya Salatikan Kula Kitabu

²⁹ Wo lɔ saa mɔ Tii, i tolomalɔ aiya masiyannikannu la, ka see di ǹu iya bɔidennu ma fɔsa m'i to i kumakan lasena josolagbeleya boloma.

Kɛkolu 4:29 ပူးပေါင်းရင်းမြစ်များ

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 14:3

Wo bɛ n'a kɛ, Pɔli ni Baanabasi ka waate siyama kɛ je, ai vɛ kawanili kɛla josolagbeleya boloma, ado mɔ Tii gbu tɛɛ seleya dila ka bɛn aa nɛɛma kuma ma, kamasɔlɔn a ka see di ai ma tɔɔmase ni kawanankolu kɛko lɔ.

Kɛkolu 19:8

Kalo sawa kɔlɔ, Pɔli tɛɛ taala Aladalibon na ka kuma mɔɔlu fɛ josolagbeleya boloma, k'i lɔja k'ai lakunfa Ala ya masaya ma.

Kɛkolu 26:26

Ado Masakɛ Agilipa ka ko wo bɛ lɔn. Wo lɔ, ǹ'i sene kumala a fɛ lafɛlɛ boloma. Ǹ layine a la ko wo suu suu ma kɛ a ɲina ma, kamasɔlɔn ko wolu ma kɛ doon nɔ.

Kɛkolu 28:31

A do tɛɛ Ala ya masaya ko lasena josolagbeleya boloma, ka mɔɔlu kalan ka bɛn mɔ Tii Masa Tɔɔmasenin Isa ya ko ma, ado mɔɔ foi ma a dansii wo la.

Kɛkolu 4:13

Kititɛɛjama ka Piyɛli ni Yohana ya josolagbeleya ye mingɛ, k'a lɔn ai tɛɛ mɔɔ kalanbali jɛlɛla le le, ai bɛ vɛ kawakoyala. Ai do k'a ɲaye ko Isa taamaɲɔɔ kɔlɔ le ai le.

Kɛkolu 4:21

Wo lɔ, kititɛɛjama k'a dɔ la aiya masiyannikan kɔkan, ka ban k'ai bila. Ai ma ɲa sɔlɔn ka kolatɔn kɛ ai la, kamasɔlɔn mɔɔ bɛ tɛɛ Ala tanula ka bɛn ko min kɛnin.

Kɛkolu 4:31

Ai wɔlinin Ala dalila, aiya ladɛnkɛya vɛ jaajaala, ai bɛ do josola ka fa Nii Sɛnɛyanin la, ani ai ka Ala kumakan lase damina josolagbeleya boloma.

Kɛkolu 9:27

Kɛɛ Baanabasi le k'a bolo sii Sawuli kɔlɔ ka taa a le Isa ya keladennu fɛ. A do ka Sawuli ya ko ɲafɔ ai yɛ, a na mɔ Tii yena siya la teme, wo ka kuma a yɛ teme, ani Sawuli tɛɛ kawanili kɛla teme Isa tɔɔ lɔ josolagbeleya boloma Damase.

Kɛkolu 9:28

Wo boloɲa ma, Sawuli ka to ai fɛ ka kɛ ai bilankɔɲɔɔ dɔ le. A do tɛɛ kawanili kɛla ka bɛn mɔ Tii ya ko ma josolagbeleya boloma Jelusalɛmu.

1 Kolɛntikalu 14:13

Wo le y'a ma, mɔɔ min yi kumala kan gbɛlɛ lɔ, fɔ wo tii yi Ala dali fɔsa kan wo latimin see yi di a ma.

2 Kolɛntikalu 3:12

Komi jeisii wo suu yi mɔ bolo, wo lɔ, mɔ wakaliyine bubale.

Filipikalu 1:14

Ado ǹa kasolabilako vɛ kɛ sabu le, mɔ badenma fanba josola vɛ gbeleya mɔ Tii ya ko lɔ. Ai do yi Ala kumakan lasena wakali boloma ka timin a kunfɔlɔ ta la, ai tɛ siyanna.

1 Tɛsalonikakalu 2:2

Ài do k'a lɔn ne mɔ na tɔlɔya ni jɛvɛli masɔlɔnna teme Filipi so kɔnɔ jani mɔ tɛɛ se ài fɛlɔ. Hali mɔɔ siyama tɛɛ v'i wuli mɔ kanma, mɔ Tii Ala na mɔ josolagbeleyala ka aa Samakan Kein lase ài ma.

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.