Kɛkolu 4:26 - Ala Ya Salatikan Kula Kitabu

²⁶ Dunuɲa masakɛlu k'ai lɔbɛn kɛlɛkɛko lɔ. Ɲamɔɔlu k'ai ladɛn k'ai wuli mɔ Tii ni aa Masa Tɔɔmasenin kanma.›

Kɛkolu 4:26 ပူးပေါင်းရင်းမြစ်များ

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Hebululu 1:9

I na telenmandeya le ladiyaɲɛla ka koyon lagbeyaɲɛ, wo le y'a kɛla, Ala, i Tii Ala v'i ta ka kɔnɔlɔdiya tulu kɛ i kun nɔ, k'i kɔlɔta ka timin i bilankɔɲɔɔlu la.»

Ko Lankɛnɛmayanin 11:15

Mɛlɛka wolowulanna ka a ta buulu fɛ mingɛ, kumakan ba dɔlu ka bɔ haijɛnɛ kɔnɔ, wolu vɛɛ: «Dunuɲa masaya vɛ kɛ mɔ Tii ni aa Masa Tɔɔmasenin ta le. A do totɔle masaya la habadan!»

Ko Lankɛnɛmayanin 12:10

Wo kɔ, ǹ ka kumakan ba dɔ mɛn haijɛnɛ, a vɛɛ: «Tandainɔ yi ne, mɔ Tii Ala ya kisiko waate vɛ se, ani aa seetiiya ni aa masaya waate, ani aa Masa Tɔɔmasenin ya faamaya waate. Kamasɔlɔn ale min tɛɛ lɔnin Ala ɲakɔlɔ mɔ badenmalu jalakiko lɔ su ni tele, a la vɛ ben ka bɔ haijɛnɛ.

Ko Lankɛnɛmayanin 17:17

Kamasɔlɔn Ala gbu le na miliya wo bilala ai josokun nɔ aa kojatesiinin kɛko lɔ k'ai bɛn kan kelen ma, fɔsa ai aiya masaya see don soofali bolo, haan fɔɔ Ala kumakannu ma yi fa.