Kɛkolu 3:16 - Ala Ya Salatikan Kula Kitabu

¹⁶ Kawananko min kɛnin limaniya le fɛ Isa tɔɔ lɔ. Ài ɲa yi kɛ́ min nɔ, ài do ka min lɔn, Isa tɔɔ le na fanga dila a ma. Limaniya min falannin Isa tɔɔ la, wo le kɛnin sabu le, ài y'a kɛnɛyanin dafanin yena yi ne.

Kɛkolu 3:16 ပူးပေါင်းရင်းမြစ်များ

Matiyu 14:29

Isa do vɛɛ a yɛ: «Na!» Wo fɔ, Piyɛli vɛ jiila ka bɔ kulun kɔnɔ ka taama damina kɔɔ kɔkan ka taa Isa ma.

Matiyu 9:22

Isa k'i ɲa tilimin mingɛ ka moso ye a kɔma, a vɛɛ a yɛ: «Ǹ denmoso, i jei kà tɛɛ. Iya limaniya v'i lakɛnɛya.» Moso do ka kɛnɛya telemanin.

Yohana 14:12

Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Yohana 7:23

Ni ài y'ài denkɛlu makɛnɛkɛla Nɔningɛlon fɔsa Nabi Musa ya seliya kana tiɲa, a yi di vɛ ài mɔnɛnin m̀ ma kamasɔlɔn m̀'ɛ mɔɔ falikolo lakunnin lakɛnɛya Nɔningɛlon?

Kɛkolu 14:9

A tolomalɔnin ka to Pɔli la, wo do k'i ɲa kaa a lɔ k'a ye ko aa limaniya yi sene a lakɛnɛyala.

Kɛkolu 16:18

Singbili ka to wo la tele siyama kɔlɔ. Kɛɛ lon dɔ, Pɔli josola ka kuna a ma. A do k'i ɲa tilimin k'a fɔ jina yɛ, a vɛɛ: «Ǹ'i jamalila Masa Tɔɔmasenin Isa tɔɔ lɔ, ǹ ko, i yi bɔ a lɔ!» Jina do ka bɔ singbili lɔ telemanin.

Kɛkolu 3:6

Kɛɛ Piyɛli vɛɛ a yɛ: «Sanu tɛ m̀ bolo, niwotɛ wɔligbɛ. Kɛɛ min yi m̀ bolo, ǹ'i wo le dila i ma. I wuli, i yi taama Masa Tɔɔmasenin Isa Nazalɛtika tɔɔ lɔ.»

Kɛkolu 3:8

A do v'i gbanna k'i lɔ a sen na ka taama damina. Wo kɛ, a ka don lɔhɔlɔmabonba luu kɔnɔ Piyɛli ni Yohana fɛ, a vɛ taamana ka to a gbanna ka kɛ Ala tanule.

Kɛkolu 4:10

Wo lɔ saa, àilu ni Bani Isilankalu bɛ y'a lɔn ko Masa Tɔɔmasenin Isa Nazalɛtika, ài na min gbaanna kɔlɔman ma, kɛɛ Ala n'a lawulila ka bɔ saya lɔ, wo le tɔɔ kɛnin sabu le kɛ́ min lakɛnɛyanin lɔnin ài ɲakɔlɔ.

Kɛkolu 4:30

I iya foniseleya jiya fɔsa m'i mɔɔlu lakɛnɛya, ani ka tɔɔmase ni kawanankolu kɛ iya bɔiden sɛnɛyanin Isa tɔɔ lɔ.»

Kɛkolu 4:7

Ai do ka Piyɛli ni Yohana lalɔ ai tɛma k'ai maɲininga, ai vɛɛ: «Ài na ko min kɛla fanga suu mindɛ le lɔ, niwotɛ jene tɔɔ lɔ?»

Lɔmukalu 3:22

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je,

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.