Kɛkolu 3:15 - Ala Ya Salatikan Kula Kitabu

¹⁵ Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Kɛkolu 3:15 ပူးပေါင်းရင်းမြစ်များ

Luka 24:48

Àilu gbu le ko minu masele le.

Yohana 1:4

Niimaya yi sɔlɔnna ale le fɛ, ado niimaya wo na kɛla kɛnɛya le adamadennu yɛ.

Yohana 10:28

Ǹ'i niimaya banbali dila ai ma, ai do tɛnala halakila tuun, ado mɔɔ foi tɛnala sena ai jasola m̀ bolo.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 5:26

Kamasɔlɔn Fa yi niimayatii le teme, a v'a Denkɛ kɛ niimayatii le wo boloɲa kelen ne ma.

Kɛkolu 1:22

ka damina a mako waate ma Yaya bolo, haan fɔɔ a kɔlɔ ka ta mɔ tɛma lon min na. Wo tii yi kɛ sele dɔ le mɔ fɛ ka bɛn mɔ Tii Isa lawuliko ma ka bɔ saya lɔ.»

Kɛkolu 2:24

Kɛɛ Ala ka a lawuli ka bɔ saya lɔ, k'a lafɛlɛ ka bɔ saya fanga kɔlɔ, kamasɔlɔn saya tɛɛ tɛ se nɔ sɔlɔnna a ma.

Kɛkolu 2:32

«Ala na Isa wo le lawulila ka bɔ saya lɔ. Ǹu gbu yi min sele le.

Kɛkolu 4:2

Wolu josolakunanin tɛɛ bubale, kamasɔlɔn Piyɛli ni Yohana tɛɛ mɔɔlu kalanna ko Isa n'a wulila ka bɔ saya lɔ teme, ko wo v'a jiya ko fulenilu wulitɔ ka bɔ saya lɔ ten ne.

Kɛkolu 5:31

Ala n'a kɔlɔtala k'a lasii a bolokini fannɔ, k'a kɛ Ɲamɔɔ ni Lakisilikɛba le, fɔsa Bani Isilankalu y'a ɲa sɔlɔn k'ai dajoo mafalin aiya julumbulu lɔkotoko lɔ.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

Ɛfɛsikalu 1:20

Ala ka foniseleya kelen wo le labaale, a ka Masa Tɔɔmasenin lawuli waate min nɔ ka bɔ saya lɔ, ka ban k'a lasii a bolokini fannɔ haijɛnɛ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 2:10

Fen bɛ bɔnin Ala min nɔ, ani fen bɛ yi je ale min yɛ, a tɛɛ a fɛ ka den siyama fɛ bila aa magbiliyali la. A ka bɛn a ma ka Isa ya ko dafa tɔlɔyalu lɔ, min kɛnin ɲabila le aiya kisiko lɔ.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

Ko Lankɛnɛmayanin 21:6

A k'a fɔ ǹ yɛ kɔtunun, a vɛɛ: «A vɛ dafa! Ǹe le Alifa ni Omɛga le, a damina ni a laban. Ni minkɛlɔɔ ka kɛ mɔɔ mɔɔ si la, ǹ kɛtɔ wo tii sɔla ka bɔ niimaya falakɔɔ lɔ, min tɛ sanna.

Ko Lankɛnɛmayanin 22:1

A laban nɔ, mɛlɛka ka kɔɔ dɔ jiya ǹ na min yi niimaya ji le. A lakɛnɛyanin tɛɛ iwo sani. Kɔɔ wo tɛɛ bɔla Ala ni Saa Bolan ya masayasiifen kɔlɔ,

Ko Lankɛnɛmayanin 22:17

Nii Sɛnɛyanin ni kɔɲɛmoso vɛɛ: «Na!» Mɔɔ min vɛ kuma minu mɛnna, wo tii y'a fɔ, a vɛɛ: «Na!» Ni minkɛlɔɔ ka kɛ mɔɔ min na, wo tii yi na. Ni mɔɔ min ka kɛ niimaya ji fɛ, wo tii y'a dɔ min, a tɛ sanna.