Kɛkolu 28:31 - Ala Ya Salatikan Kula Kitabu

³¹ A do tɛɛ Ala ya masaya ko lasena josolagbeleya boloma, ka mɔɔlu kalan ka bɛn mɔ Tii Masa Tɔɔmasenin Isa ya ko ma, ado mɔɔ foi ma a dansii wo la.

Kɛkolu 28:31 ပူးပေါင်းရင်းမြစ်များ

Matiyu 4:23

Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Malɛkɛ 1:14

Yaya bila kɔ kaso la, Isa ka taa Galile koovi lɔ, a vɛ Ala ya Samakan Kein lasena.

Luka 8:1

Wo timinnin kɔ, Isa tɛɛ timintiminna so ni toodalu la ka mɔɔlu kawani, ani ka Samakan Kein lase ka bɛn Ala ya masaya ma. Ado aa keladen mɔɔ tan ni fila (12) tɛɛ a fɛ.

Kɛkolu 1:3

Aa tɔlɔya kɔ, a ɲɛnɛma ka bɔ gbɛ la ai ɲana boloɲa siyama ma, ani k'a jɛlɛ jiya ai la tele binaani (40) kɔlɔ, ka kuma ka bɛn Ala ya masaya ma.

Kɛkolu 20:25

«M̀'ɛ taama àilu minu tɛma Ala ya masaya lasenko lɔ, m̀'ɛ a lɔn butu ko ài suu suu tɛnala ǹ yena kɔtunun.

Kɛkolu 23:11

Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 28:30

Pɔli ka san fila dafanin kɛ aa bon na Lɔmu, a tɛɛ min salala koni. Mɔɔ minu tɛɛ nala a fɛlɔ, a tɛɛ a bolo siila wolu bɛ kɔlɔ.

Kɛkolu 4:29

Wo lɔ saa mɔ Tii, i tolomalɔ aiya masiyannikannu la, ka see di ǹu iya bɔidennu ma fɔsa m'i to i kumakan lasena josolagbeleya boloma.

Kɛkolu 4:31

Ai wɔlinin Ala dalila, aiya ladɛnkɛya vɛ jaajaala, ai bɛ do josola ka fa Nii Sɛnɛyanin la, ani ai ka Ala kumakan lase damina josolagbeleya boloma.

Kɛkolu 5:42

Lon bɛ, ai tɛɛ mɔɔlu kalanna lɔhɔlɔmabonba luu kɔnɔ ani mɔɔlu ya bonnu la, ka to Samakan Kein lasena ko Isa le Masa Tɔɔmasenin ne.

Kɛkolu 8:12

Kɛɛ Samakan Kein ka bɛn Ala ya masaya ma ani Masa Tɔɔmasenin Isa tɔɔ, Filipe ka wo lase ai ma mingɛ, ai ka limaniya. A do k'ai mako ji kɔlɔ, kɛ́ ni mosolu.

Filipikalu 1:14

Ado ǹa kasolabilako vɛ kɛ sabu le, mɔ badenma fanba josola vɛ gbeleya mɔ Tii ya ko lɔ. Ai do yi Ala kumakan lasena wakali boloma ka timin a kunfɔlɔ ta la, ai tɛ siyanna.

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.