Kɛkolu 28:20 - Ala Ya Salatikan Kula Kitabu

²⁰ Wo le n'a kɛla, ǹ n'ài kilila ka kuma ài fɛ, kamasɔlɔn ǹ silinin jɔlɔkɔ min na ka bɛn Bani Isilankalu jeisii le ma.»

Kɛkolu 28:20 ပူးပေါင်းရင်းမြစ်များ

Kɛkolu 10:29

Wo le n'a kɛla, ài na ǹ kilila mingɛ, m̀ ma sɔsɔyali bila a lɔ, mafɔ ka na. Ǹ'ài maɲiningala wo lɔ, ài na ǹ kilila mindɛ la?»

Kɛkolu 10:33

Wo le n'a kɛla, ǹ na mɔɔlu lataala i kɔ telemanin. Ado i nako vɛ iya ɲumaya jiya mɔ la. Mɔ Tii n'i lɔla ko minu fɔla mɔ yɛ, mɔ bɛ yi jan Ala ɲakɔlɔ ka mɔ tolomalɔ wolu bɛ ma.»

Kɛkolu 21:33

Sɔdasi kuntiiba ka na ka Pɔli mina, ka jamali di ko ai yi Pɔli sili jɔlɔkɔ fila le. Wo kɛ, a ka jama maɲininga, a vɛɛ: «Kɛ́ min yi jene le? A na mindɛ kɛla?»

Kɛkolu 23:6

Pɔli k'a ye ko kititɛɛjama falannin tɛɛ a ma, a dɔlu tɛɛ Sadusi le, a dɔlu tɛɛ Falisi le. Wo lɔ, Pɔli k'a kan labɔ k'a fɔ kititɛɛjama yɛ, a vɛɛ: «M̀ badenmalu, Falisi le ǹ ne. Ǹ fa fana yi Falisi le le. Kiti bilanin ǹ na bi kamasɔlɔn ǹ jei siinin fulenilu lawuliko le la.»

Kɛkolu 24:15

Ǹ jei siinin Ala le la, ado wo jeisii kelen ne yi mɔɔ minu bolo, k'a fɔ ko telenmandelu ni mɔɔ telenbalilu bɛ le la kɛtɔ wulila saya kɔ.

Kɛkolu 26:29

Pɔli do vɛɛ a yɛ: «A ka kɛ waate kulunni le o, a ka kɛ waate jaan ne o, ǹ'i Ala dalila ile ni ǹ lamɛnbalu bɛ yɛ bi ka bɛn wo ma, fɔsa ài yi kɛ ǹ ɲɔɔzii le. Kɛɛ jɔlɔkɔ kà bila ài la.»

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.

Ɛfɛsikalu 3:1

Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 6:20

ǹe min kɛnin keladen ne ka bɛn wo ma, hali ǹ silinin ka kɛ jɔlɔkɔ la yi ne. Wo lɔ, ài yi Ala dali ǹ yɛ, fɔsa ǹ'i se ka wo lase josolagbeleya boloma iwo ǹ ka kan k'a kɛ teme.

Filipikalu 1:13

Jamanatii ya bon lakanalibalu ani jan mɔɔ tɔ bɛ k'a lɔn ko ǹ silinin jɔlɔkɔ le ka bɛn Masa Tɔɔmasenin ya ko ma.

Kɔlɔsikalu 4:18

Ǹe Pɔli gbu le yi folikan minu sɛvɛla m̀ bolo le. Ài kà ɲina k'a fɔ ko ǹ silinin jɔlɔkɔ le. Ala ya nɛɛma yi kɛ ài yɛ.

2 Timote 1:10

Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

Filemɔn 1:10

Ǹ'i madiyala ka bɛn ǹ denkɛ Onɛsimu ma, m̀'ɛ kɛ min fa le limaniya lɔ kasobon na jan.

Filemɔn 1:13

A tɛɛ diyale ǹ yɛ a yi to ǹ fɛ ka to m̀ madɛmɛnna i nɔ lɔ kaso la jan, m̀ bilanin min na ka bɛn Samakan Kein ma.