Kɛkolu 28:14 - Ala Ya Salatikan Kula Kitabu

¹⁴ Mɔ do ka limaniyamɔɔ dɔlu ye je, minu ka mɔ madiya ko m'i lɔɔtɛ kelen kɛ ai fɛ. Mɔ ka se Lɔmu wo boloɲa le ma.

Kɛkolu 28:14 ပူးပေါင်းရင်းမြစ်များ

Matiyu 10:11

«Ni ài ka don so suu suu la, ài yi mɔɔ ɲinin min yi diɲa k'ài jiya. Ài yi to wo tii fɛlɔ haan fɔɔ ài taa waate.

Yohana 21:23

Kuma wo ka jɛzɛn Isa kɔbiladennu tɛma ko wo tii tɛnala sala. Kɛɛ Isa tɛɛ m'a fɔ a yɛ ko a tɛnala sala, mafɔ a vɛɛ: «Ni ǹ'a fɛ a yi to a nii la haan fɔɔ m̀'ɛ ǹ kɔseila lon min na, iya ko mindɛ le wo lɔ?»

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 19:1

Apolosi tɛɛ Kolɛnti waate min nɔ, Pɔli ka Esiya koovi lɔtimin ka taa se Ɛfɛsi so kɔnɔ. A do ka limaniyamɔɔ dɔlu ye je,

Kɛkolu 20:6

Bulufununbali Selilon bannin, mɔ ka bɔ Filipi so kɔnɔ kulun kɔnɔ. Mɔ ka tele loolu kɛ kɔɔji kɔkan ka na ai fɛlɔ Tolohasi, ka lɔɔtɛ kelen kɛ je.

Kɛkolu 21:4

Mɔ ka Isa kɔbiladen dɔlu talan je mingɛ, mɔ ka lɔɔtɛ kelen kɛ ai fɛ. Ai do tɛɛ mɔ lalila Nii Sɛnɛyanin fɛ ko Pɔli kà taa Jelusalɛmu.

Kɛkolu 28:13

Mɔ ka bɔ je ka taa si Legiyo so kɔnɔ. Wo kɛnɛbɔlon, fɔɲɛ ba ka bɔ damina bolokini fannɔ ka kɛ mɔ kan. Ado mɔ ka tele fila kɛ jani m'i se Puzɔli so kɔnɔ.

Kɛkolu 28:15

Mɔ nako k'a fɔ Lɔmu limaniyamɔɔlu yɛ mingɛ, a dɔlu k'i wuli ka na mɔ labɛn Apiyusi Lɔɔfɛ lɔ. A dɔgbɛlɛlu ka na ka mɔ labɛn dingila dɔ lɔ, ai y'a fɔla tɛɛminja ma ko Lona Jiyabon Sawa. Pɔli ka wolu ye mingɛ, a ka balika bɔ Ala yɛ, a do sɛmɛ ka don.

Kɛkolu 28:21

Ai ka Pɔli javi, ai vɛɛ: «Judekalu ma sɛvɛ lana mɔ ma ka bɛn i ma. Mɔ badenma dɔ ma na ka bɔ je, k'iya ko lase mɔ ma, niwotɛ ka kuma yon fɔ i ma.

Kɛkolu 6:3

Wo ma, mɔ badenmalu, ài yi kɛ́ wolowulan ta ài tɛma, minu mangutu ɲuma yi fɔla ko ai joso lafanin Nii Sɛnɛyanin la, ani ko hangilima le ai le. Ài m'i wolu lasii baale wo kunna.

Kɛkolu 9:30

Limaniyamɔɔlu ka wo mɛn mingɛ, ai ka taa Sawuli le Sezale so kɔnɔ ka ban k'a lataa Talese.

Lɔmukalu 1:13

M̀ badenmalu, ǹ'a fɛ ài y'a lɔn ko m̀'ɛ a latɛɛ siɲa siyama le ko ǹ natɔ ài fɛlɔ, kɛɛ m̀ ma siya sɔlɔn ba bene hali bi. Ǹ'a fɛ ǹ'i na fɔsa àilu fana yi ǹa baale nafa dɔ sɔlɔn, iwo siboloma gbɛlɛ mɔɔ tɔlu na a nafa sɔlɔnna teme.