Kɛkolu 27:41 - Ala Ya Salatikan Kula Kitabu

⁴¹ Kɛɛ kulun ka taa se kɔɔkɔlɔkiɲɛ ma, ado kulun ɲafɛla ka gbalin kiɲɛ lɔ. A ma se bɔla feu. Kulun lɔnin ka to ten, kɔɔji kilinkilin ka to gbasigbasila a la haan fɔɔ a kɔfɛla vɛ kalikalila.

Kɛkolu 27:41 ပူးပေါင်းရင်းမြစ်များ

Kɛkolu 27:17

Ai wɔlinin a ladonna, ai ka kulunba tɛsili julu la k'a lɔja kpekpe. Ai tɛɛ siyanna ko ai kana gbalin kɔɔkɔlɔkiɲɛ lɔ Libiya jamana kawun dafɛ. Wo lɔ, ai ka faaniba lajii min yi kulun lataala. Ai ka kulun to fɔɲɛ bolo ten ne, mɔ vɛ taala.

Kɛkolu 27:30

Wo kɔ, kulunbɔlibalu ka kulundenni lajii kɔɔji kɔkan, k'a kɛ iwo ai taatɔ kulunlalɔnɛɛlu le lajiila kulun ɲafɛla lɔ, k'a talan ai tɛɛ bɔli bolo le ma.

Kɛkolu 27:40

Wo lɔ, ai ka kulunlalɔnɛɛlu jululu lɔtɛɛtɛɛ ka wolu to kɔɔji lɔ. Kulunkala silinin tɛɛ julu minu le, ai ka wolu fɔlin, ka ban ka kulun ɲafɛla faaniba lajɛlɛ, fɔsa a tɛɛ fɔɲɛ ta teme. Wo kɛ, ai ka kulun lataa kiɲɛ kawun fannɔ.

Kɛkolu 27:42

Sɔdasilu ka jatesii ko ai yi kasodennu faa, alako ai kana ai nɛɛ kɔɔ la ka bɔli.

1 Kolɛntikalu 15:58

Wo le y'a ma, ǹ diyanan badenmalu, ài y'ài lɔgbeleya. Foi kà ài laseikɔ. Ài y'ài sɛmɛdon mɔ Tii ya baale ma waate bɛ, kamasɔlɔn ài k'a lɔn ne ko ài yi baale min kɛla mɔ Tii ya kafonɲɔɔya lɔ, wo tɛnala kɛla kofuun ne.