Kɛkolu 27:2 - Ala Ya Salatikan Kula Kitabu

² Mɔ ka kulun dɔ talan je, min bɔnin tɛɛ Adalimite so kɔnɔ. Kulun wo tɛɛ taala kɔɔji dafɛ solu la Esiya koovi lɔ. Mɔ ka don wo kɔnɔ ka taa. Ado Maseduwanika kɛ́ dɔ tɛɛ mɔ fɛ ka bɔ Tɛsalonika so kɔnɔ, min tɔɔ tɛɛ ko Alisitakusi.

Kɛkolu 27:2 ပူးပေါင်းရင်းမြစ်များ

Luka 8:22

Lon dɔ, Isa ni a kɔbiladennu ka don kulun kɔnɔ. A do vɛɛ ai yɛ: «Ài ndaa kɔɔ kɔma.» Wo lɔ, ai vɛ taala.

Kɛkolu 16:17

A do vɛ bilala mɔ ni Pɔli nu kɔ ka to gbanɔla, a vɛɛ: «Masa Taala ya bɔidennu le ne, minu yi kisiko siya lasena ài ma.»

Kɛkolu 17:1

Pɔli ni Silasi wɔlinin Amfipolisi ni Apoloni solu lɔtiminna, ai ka se Tɛsalonika sɔ kɔnɔ, Jahudiyalu ya Aladalibon dɔ tɛɛ tɛɛminja.

Kɛkolu 19:19

Mɔɔ minu tɛɛ wɔimaya kɛla, wolu siyama ka na aiya wɔimaya sɛvɛlu le ka wolu ɲɛnin jama ɲakɔlɔ. Sɛvɛ wolu sɔɔn bɛ lakunnin ka bɛn wɔligbɛ gbana waa biloolu (50 000) jate le ma.

Kɛkolu 19:29

Wɔyɔkan wo ka so fan bɛ lamaamaa. Pɔli taamaɲɔɔ fila minu tɛɛ Gayusi ni Alisitakusi le ka bɔ Maseduwani, jama k'i kɛ wolu kan telemanin k'ai fɔnfɔn ka taa ai le so ladɛnkɛya lɔ.

Kɛkolu 2:9

Paatiyankalu yi jama min nɔ, ani Medekalu ni Elamukalu ni Mesopotamikalu ni Judekalu ni Kapadɔsiyakalu ni Pɔndukalu ni Esiyakalu

Kɛkolu 21:5

Kɛɛ mɔ taa lon senin, mɔ ka bɔ je ka taa. Ailu ni ai mosolu ni ai dennu ka bɔ so kɔnɔ ka taa mɔ lɔsiya kulunba dala. Mɔ bɛ ka mɔ kumɛlɛni bila duu ma kɔɔji kawun na ka Ala dali.

Kɛkolu 28:10

Ai do tɛɛ nala buɲalifen suu bɛ dɔ le mɔ fɛ. Mɔ taa waate senin, mɔ mako tɛɛ fen fen si la, ai ka na wo bɛ le mɔ fɛ.

Kɛkolu 28:12

Mɔ ka taa ka mɔ lɔ so dɔ la, min tɔɔ yi ko Silakusi, ka tele sawa kɛ je.

Kɛkolu 28:16

Mɔ senin Lɔmu, ai ka diɲa ka Pɔli to a jɛlɛ ma bon dɔ la, ka sɔdasi kelen to a fɛ, wo v'a lakanala.

Kɛkolu 28:2

Je duulennu k'ai bolo sii mɔ kɔlɔ kobɛn. Ai ka taa ba bila ka mɔ bɛ kili je, kamasɔlɔn sanji tɛɛ nala, nɛnɛ vɛ bɔla.

Kɔlɔsikalu 4:10

Alisitakusi min yi kaso la ǹ fɛ, wo y'ài fola ani Malɛkɛ, Baanabasi bainkɛ den koni. M̀'ɛ ban ài lɔla ka bɛn Malɛkɛ ya ko ma, ǹ ko, a vɛ nala ài fɛlɔ, ài y'ài bolo sii a kɔlɔ kobɛn.

Filemɔn 1:24

M̀ baalekɛɲɔɔ tɔlu, Malɛkɛ, ani Alisitakusi, ani Demasi, ani Luka, wolu fana y'i fola.