Kɛkolu 27:1 - Ala Ya Salatikan Kula Kitabu

¹ Ai k'a latɛɛ mingɛ ko m'i taa Itali jamana lɔ kulunba kɔnɔ, ai ka Pɔli ni kasoden gbɛlɛlu don sɔdasi kuntii dɔ bolo, min tɔɔ tɛɛ ko Juliyusi. A fɛ tɛɛ sɔdasi kulu ba dɔ le la, ai tɛɛ a fɔla min ma ko masakɛba ya sɔdasi kulu.

Kɛkolu 27:1 ပူးပေါင်းရင်းမြစ်များ

Matiyu 27:54

Sɔdasi kuntii ni aa mɔɔ minu ɲa bɛnnin tɛɛ Isa ma, wolu ka duukolo jaajaatɔ ye mingɛ, ani ko minu bɛ kɛnin, ai ka siyan bubale. Ai do vɛɛ: «Tuɲa le, kɛ́ min tɛɛ Ala Denkɛ le le!»

Luka 23:47

Sɔdasi kuntii ka ko wolu ye mingɛ, a vɛ Ala tanula k'a fɔ, a vɛɛ: «Kɛ́ min tɛɛ mɔɔ telennin ne le feu!»

Luka 7:2

Lɔmu sɔdasi kuntii dɔ tɛɛ je, min diyanan bɔiden kɛnɛyanin tɛɛ tɛ haan fɔɔ a tɛɛ sa bolo le ma.

Kɛkolu 10:1

Wo k'a talan, kɛ́ dɔ tɛɛ Sezale so kɔnɔ, min tɔɔ tɛɛ ko Kɔɔnɛli. Lɔmu sɔdasi kuntii dɔ le tɛɛ a le, min siinin tɛɛ sɔdasi kɛmɛ (100) jate kunna, minu fɛ tɛɛ sɔdasi jama dɔ la, ai tɛɛ a fɔla min ma ko Itali kɛlɛkɛjama.

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 16:10

Ko wo la ka jɛlɛ Pɔli ɲa ma mingɛ, mɔ ka mɔ lɔbɛn telemanin ka Maseduwani siya mina, kamasɔlɔn mɔ ka la a la k'a fɔ ko Ala vɛ mɔ kela ko m'i Samakan Kein lase je mɔɔlu ma.

Kɛkolu 18:2

A do ka Jahudiya kɛ́ dɔ ye je, min tɔɔ tɛɛ ko Akuila, min sɔlɔnnin Pɔndu koovi lɔ. Ale ni a moso Pisila nanin kula le tɛɛ ka bɔ Itali jamana lɔ. Ai bɔnin tɛɛ je kamasɔlɔn Lɔmu masakɛba Kulodi tɛɛ vɛ jamali di ko Jahudiyalu bɛ yi bɔ Lɔmu so kɔnɔ. Pɔli ka taa ai ma,

Kɛkolu 19:21

Ko wolu bɛ timinnin, Pɔli k'a latɛɛ ko a yi Maseduwani ni Akayi koovilu lɔtimin ka taa Jelusalɛmu. A do vɛɛ: «M̀'ɛ sena Jelusalɛmu, wo kɔ, fɔ ǹ'i se Lɔmu fana.»

Kɛkolu 21:32

A do ka sɔdasi kuntii dɔlu ni sɔdasi dɔlu ta telemanin ka bɔli ka taa jama lɔ. Jama ka sɔdasi kuntiiba ni aa sɔdasilu ye mingɛ, ai ka Pɔli gbasi dabila.

Kɛkolu 22:26

Wo mɛn sɔdasi kuntii bolo, a ka taa aa kuntiiba fɛlɔ k'a fɔ a yɛ, a vɛɛ: «I kɛtɔ mindɛ kɛla kɛ́ min na yi ne? Lɔmu duulen ne a le!»

Kɛkolu 23:11

Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»

Kɛkolu 23:17

Wo lɔ, Pɔli ka sɔdasi kuntii dɔ kili k'a fɔ a yɛ, a vɛɛ: «I yi taa kavelen min ne sɔdasi kuntiiba fɛlɔ. Kuma dɔ y'a fɛ k'a fɔ a yɛ.»

Kɛkolu 24:23

A ka sɔdasi kuntii jamali Pɔli lamalala kaso la bene. A vɛɛ ko wo yi Pɔli dɔni lafɛlɛ ka diɲa a tɔvalu yi na, fɔsa ai y'a makolu laɲia.

Kɛkolu 25:12

Fɛsitusi ni a lailibalu ka ban mingɛ ai kun bilinna i ɲɔɔ ma, a ka Pɔli javi, a vɛɛ: «Komi i y'a fɛ Sezale gbu le iya kiti tɛɛ, wo le kɛtɔ i taala Sezale fɛlɔ.»

Kɛkolu 25:25

Ǹe do ma koyon suu suu ye a la min yi kɛ a faa kun ne. Kɛɛ komi a n'a fɔla ko fɔ masakɛba Sezale gbu y'aa kiti tɛɛ, wo le n'a kɛla, ǹ n'a latɛɛla, ǹ ko, k'a lataa wo ma.

Kɛkolu 27:11

Kɛɛ kuluntii ni kulunbɔliba ka sɔdasi kuntii kunfa ka timin Pɔli kumakan na.

Kɛkolu 27:43

Kɛɛ komi sɔdasi kuntii tɛɛ a fɛ ka Pɔli lakisi, wo le k'a kɛ, a k'ai dansii wo la. A vɛɛ ko mɔɔ minu senin ai nɛɛla, ko wolu yi kɛ kɔɔ la kunfɔlɔ le, k'ai nɛɛ ka taa gbele ma.

Kɛkolu 27:6

Sɔdasi kuntii ka kulunba dɔ ye je, min tɛɛ taala Itali ka bɔ Alɛzandele. Wo lɔ, a ka mɔ ladon wo kɔnɔ.

Kɛkolu 28:1

Mɔ ka kisi ka bɔ kɔɔji lɔ waate min nɔ, mɔ k'a mɛn ko kɔɔtɛmaduu wo tɔɔ le Malita.

Kɛkolu 28:16

Mɔ senin Lɔmu, ai ka diɲa ka Pɔli to a jɛlɛ ma bon dɔ la, ka sɔdasi kelen to a fɛ, wo v'a lakanala.

Hebululu 13:24

Ài y'ài ɲamɔɔlu bɛ fo, ani mumininnu bɛ. Mɔ badenma minu bɔnin Itali jamana lɔ, wolu y'ài fola.