Kɛkolu 26:24 - Ala Ya Salatikan Kula Kitabu

²⁴ Pɔli ka to a kumanɔbɔla, Fɛsitusi ka gbanɔ a ma, a vɛɛ: «Ɛɛ Pɔli, fa l'i lɔ! I vɛ kalan kɛ haan fɔɔ ka fa bila i lɔ!»

Kɛkolu 26:24 ပူးပေါင်းရင်းမြစ်များ

Malɛkɛ 3:21

Isa balamɔɔlu ka wo mɛn mingɛ, ai vɛ taala a minaya lɔ, kamasɔlɔn ai tɛɛ a fɔ yi la, ko: «Fa vɛ bila a lɔ!»

Yohana 7:15

Jahudiya kuntiilu ka kawakoya, ai vɛɛ: «Kɛ́ min na lɔnni min sɔlɔnna min ne, k'a talan a ma kalan foi kɛ?»

Yohana 8:48

Jahudiya kuntiilu k'a fɔ Isa yɛ, ai vɛɛ: «Mɔ jo y'a lɔ k'a fɔ ko Samaliyaka le i le, ani jinatɔ, kɛlɛ?»

Yohana 8:52

Jahudiya kuntiilu vɛɛ a yɛ: «Mɔ v'a lɔn butu k'a fɔ ko jinatɔ le i le. Nabi Ibulahima ka sa, ani kelalu fana. Ile do y'a fɔla ko ni mɔɔ min k'i kumakan labato, wo tii tɛnala saya masɔlɔnna tuun.

Kɛkolu 17:32

Ladɛnmɔɔlu ka fulenilu lawuliko mɛn Pɔli da mingɛ, a dɔlu v'a majɛlɛla. Kɛɛ a dɔgbɛlɛlu vɛɛ: «M'a fɛ i y'a dɔ la kuma min kɔkan lon gbɛlɛ.»

Kɛkolu 22:1

A vɛɛ: «M̀ badenmalu ni ǹ fanu, ài y'ài tolomalɔ ǹ na butu, ǹ'i ǹ kumanɔbɔ ài yɛ.»

Kɛkolu 24:25

A do ka to kumala ka bɛn telenmandeyako ni jɛlɛlɔminako ani kititɛɛlon ko ma, haan fɔɔ Felisi ka siyan. A do vɛɛ Pɔli yɛ: «A to ten, taa bene. M̀'ɛ waate sɔlɔnna, ǹ kɛtɔ i kilila kɔtunun.»

Kɛkolu 24:27

San fila timinnin, mɔɔ kula k'i sii Felisi nɔ lɔ jamanatiiya la, min tɔɔ tɛɛ ko Pɔlisusi Fɛsitusi. Komi Felisi tɛɛ a fɛ ka Jahudiyalu ladiyananko le kɛ, wo le k'a kɛ, a ka Pɔli to kaso la.

Kɛkolu 26:11

Ǹ ka taa Aladalibonnu la siɲa siyama lɔ, k'ai latɔn, ani k'ai lɔ kuma yon fɔla Isa ma fangamaya boloma. Mɔnɛya boloma ai kanma, ǹ tɛɛ taala jamana gbɛlɛ solu gbu la ai jangatako lɔ.

1 Kolɛntikalu 1:23

Kɛɛ Masa Tɔɔmasenin gbaanko kɔlɔman ma, m'i wo le kawanili kɛla. Wo do kɛnin kunnɔtɛɛko le le Jahudiyalu ɲakɔlɔ, ani ka kɛ kofuun ne siboloma gbɛlɛ mɔɔlu ɲakɔlɔ.

1 Kolɛntikalu 4:10

Mɔɔ hangilindan ne mɔ le Masa Tɔɔmasenin ya ko lɔ, kɛɛ hangilima le àilu le Masa Tɔɔmasenin ya kafonɲɔɔya lɔ. Fangandan ne mɔ le, kɛɛ àilu do yi fangama le le. Mɔɔlu y'ài minala buɲali boloma, ka ǹu lafeya.

2 Kolɛntikalu 5:13

Ni mɔ ka kɛ hangilindan ne, wo kɛnin Ala le yɛ. Kɛɛ ni hangili ɲuma ka kɛ mɔ la, wo kɛnin àilu le yɛ.

2 Timote 3:15

Ka ta iya denniya waate ma, i vɛ lɔhɔlɔma kitabulu lɔn, minu yi se ka hangilimaya di i ma kisiko lɔ ka bɛn limaniya ma Masa Tɔɔmasenin Isa ma.