Kɛkolu 26:16 - Ala Ya Salatikan Kula Kitabu

¹⁶ I wuli, i lɔ i sen na. M̀'ɛ bɔ gbɛ la i yɛ, fɔsa ǹ'i kɛ ǹa bɔiden ne ani ǹ sele le, ka bɛn i na ko min yena, ani ǹ kɛtɔ min jiyala i la.

Kɛkolu 26:16 ပူးပေါင်းရင်းမြစ်များ

Luka 1:2

iwo mɔɔlu n'a ɲafɔla mɔ yɛ teme, minu na ko wolu yena ai ɲa la ka ta a damina ma, ani minu kelayanin tɛɛ Ala kumakan lasenko lɔ.

Kɛkolu 1:17

A tɛɛ mɔ dɔ le le. A fɛ tɛɛ baale min na.»

Kɛkolu 1:25

Wo yi keladenya baale kɛ mɔ fɛ, kamasɔlɔn Judasi vɛ baale min bila ka taa dingila dɔ lɔ, min bɛnnin a ma.»

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 21:19

Pɔli k'ai fo ka dandɛɛli kɛ ai yɛ ka bɛn ko bɛ ma, Ala tɛɛ vɛ minu kɛ siboloma gbɛlɛ mɔɔlu tɛma ka bɛn aa baale ma.

Kɛkolu 22:10

Wo lɔ, ǹ k'a fɔ: ‹Ǹ Tii, ǹ'i mindɛ kɛ?› Ado ǹ Tii ka ǹ javi, a vɛɛ: ‹I wuli, i yi taa Damase. Ko min bɛ latɛɛnin i ma, wo bɛ fɔtɔ i yɛ je.›

Kɛkolu 23:11

Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»

Kɛkolu 26:15

Wo mɛn m̀ bolo, ǹ ka ɲiningali kɛ, ǹ ko: ‹Ǹ Tii, jene i le le?› A do vɛɛ: ‹Ǹe Isa le, i yi min jangatala.

Kɛkolu 6:4

Ǹu koni kɛtɔ mɔ gbaladonna Aladaliko la ani ka Ala kumakan lase.»

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

2 Kolɛntikalu 5:18

Wo bɛ bɔnin Ala le lɔ. A na mɔ ni ale gbu wotɛbɛnna Masa Tɔɔmasenin ne sabu la, ka wotɛbɛn baale kalifa mɔ la.

Galatiyakalu 1:12

M̀ m'a sɔlɔn mɔɔ suu suu la, ado mɔɔ mɔɔ ma ǹ kalan a la, kɛɛ Masa Tɔɔmasenin Isa gbu le na a lankɛnɛmayala ǹ yɛ.

Galatiyakalu 2:2

Ǹ ka taa je kamasɔlɔn Ala gbu tɛɛ v'a jiya ǹ na ko ǹ'i taa. Ǹ tɛɛ Samakan Kein min lasena siboloma gbɛlɛ mɔɔlu ma, ǹ ka wo dandɛɛli kɛ jama ɲamɔɔlu yɛ ai ta fan, fɔsa ǹ'i baale min na, ani ǹ tɛɛ min na kɔlɔman ne, wo kana kɛ kofuun ne.

Ɛfɛsikalu 3:3

A na aa gbonoko lankɛnɛmayala ǹ yɛ, iwo ǹ n'a sɛvɛla ài ma teme kuma lɔsulunya boloma.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:25

Limaniyajama ya bɔiden ne ǹ ne, kamasɔlɔn Ala vɛ baale min kalifa ǹ na àiya ko lɔ, ko ǹ'i Ala kumakan dafanin lase ài ma.

Kɔlɔsikalu 1:7

Ko wolu kalannin ài bolo mɔ diyanan bɔidenɲɔɔ Ɛpafalasi le bolo. Masa Tɔɔmasenin ya bɔiden lanande le a le, min yi baale kɛla àiya ko lɔ.

1 Tɛsalonikakalu 3:2

Wo lɔ, mɔ ka mɔ badenma Timote lataa ài ma, ale min yi mɔ baalekɛɲɔɔ le Ala ya baale lɔ Masa Tɔɔmasenin ya Samakan Kein lasenko lɔ, fɔsa a tɛɛ ài sɛmɛdon ani k'àiya limaniya lasawati,

1 Timote 1:12

Ǹ'i balika bɔla mɔ Tii Masa Tɔɔmasenin Isa yɛ, ale min na ǹ sɛmɛdonna, kamasɔlɔn a vɛ ǹ jate lanande le ka m̀ bila aa bɔidenya la.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.