Kɛkolu 25:8 - Ala Ya Salatikan Kula Kitabu

⁸ Wo kɔ, Pɔli k'a kumanɔbɔ, a vɛɛ: «M̀ ma koyon foi kɛ min yi kɛ Jahudiyalu ya seliya tiɲako le, ani min yi kɛ lɔhɔlɔmabonba lakɔsɔko le, niwotɛ ka kuma yon fɔ Lɔmu masakɛba ma.»

Kɛkolu 25:8 ပူးပေါင်းရင်းမြစ်များ

Kɛkolu 23:1

Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.»

Kɛkolu 24:12

Ai ma ǹ ye mɔɔlu sɔsɔla lɔhɔlɔmabonba la, niwotɛ ka ǹ ye jama lamulutula Aladalibon suu suu la, niwotɛ so fan dɔ.

Kɛkolu 24:14

Kɛɛ ǹ'i ǹ lɔla min na i ɲana, wo le min ne: Ǹ'i mɔ bemanu Tii Ala batola ka bɛn Isa ya siya le ma. Mɔɔ minu do yi wo jatela diina kula le le. Kɛɛ minu sɛvɛnin Kela Musa ya Taulati ni kela dɔgbɛlɛlu ya kitabulu kɔnɔ, ǹ limaniyayine wo bɛ ma.

Kɛkolu 24:6

A do k'i lɔja hali ka maa lɔhɔlɔmabonba lakɔsɔ, kɛɛ mɔ k'a mina. Ni i ka Pɔli maɲininga, m'a jalakila ko minu la, ile gbu kɛtɔ wolu ɲayena.»

Kɛkolu 25:10

Kɛɛ Pɔli k'a javi, a vɛɛ: «Ǹ lɔnin Lɔmu masakɛba Sezale ya kititɛɛya le lɔ yi ne, ǹa kiti ka kan ka tɛɛ tɛɛminja. M̀ ma koyon pa kɛ Jahudiyalu la, iwo ile gbu k'a lɔn teme.

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.

Kɛkolu 28:21

Ai ka Pɔli javi, ai vɛɛ: «Judekalu ma sɛvɛ lana mɔ ma ka bɛn i ma. Mɔ badenma dɔ ma na ka bɔ je, k'iya ko lase mɔ ma, niwotɛ ka kuma yon fɔ i ma.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.