Kɛkolu 25:25 - Ala Ya Salatikan Kula Kitabu

²⁵ Ǹe do ma koyon suu suu ye a la min yi kɛ a faa kun ne. Kɛɛ komi a n'a fɔla ko fɔ masakɛba Sezale gbu y'aa kiti tɛɛ, wo le n'a kɛla, ǹ n'a latɛɛla, ǹ ko, k'a lataa wo ma.

Kɛkolu 25:25 ပူးပေါင်းရင်းမြစ်များ

Luka 23:14

A vɛɛ ai yɛ: «Ài nanin kɛ́ min ne ǹ fɛ, k'a fɔ ko a yi mɔɔlu lafilila. Wo ma, ǹ n'a maɲiningala ài ɲakɔlɔ mingɛ, ǹ n'a yena ko ài jo tɛ a jalakiko suu suu lɔ.

Luka 23:4

Wo kɛ, Pilati k'a fɔ salakalase kuntiibalu ni jama bɛ yɛ, a vɛɛ: «M̀ ma ko ko ye kɛ́ min ya ko lɔ min yi kɛ a latɔn kun ne.»

Yohana 18:38

Pilati do vɛɛ a yɛ: «Mindɛ gbu yi tuɲa le?» Wo fɔ Pilati bolo, a ka taa Jahudiyalu fɛlɔ kɛnɛma kɔtunun. A do vɛɛ ai yɛ: «M̀ ma kɛ́ min faa kun ye a la.

Kɛkolu 23:29

Ǹ k'a ye ko a ma ko kɛ min yi kɛ a faa kun ne, niwotɛ aa kasolabila kun ne. Mafɔ, ai tɛɛ a jalakila ka bɛn ai ta seliyakolu le ma dein.

Kɛkolu 23:9

Wo ka kɛ sɔɔnsɔɔn ba le. Seliya kalanmɔɔ minu tɛɛ Falisilu tɛma, wo dɔlu v'i wulila ka sɔsɔyali kɛ kosɛvɛ, ai vɛɛ: «Mɔ ma koyon foi ye kɛ́ min na. Tumadɔ nii niwotɛ mɛlɛka dɔ le na kumala a fɛ.»

Kɛkolu 25:26

Kɛɛ m̀ m'a lɔn ǹ'i min sɛvɛ ka bɛn a ma k'a lataa ǹ kuntii ma. Wo lɔ, ǹ n'a lanala ài bɛ ɲakɔlɔ, ile Masakɛ Agilipa bɛlɛbɛlɛ, fɔsa mɔ vɛ banna a maɲiningala, ǹ'i ko dɔ sɔlɔn k'a sɛvɛ.

Kɛkolu 26:31

Ai bɔnin je, ai vɛɛ i ɲɔɔ yɛ: «Kɛ́ min ma foi kɛ min yi kɛ a faa kun ne, niwotɛ aa kasolabila kun.»

Kɛkolu 27:1

Ai k'a latɛɛ mingɛ ko m'i taa Itali jamana lɔ kulunba kɔnɔ, ai ka Pɔli ni kasoden gbɛlɛlu don sɔdasi kuntii dɔ bolo, min tɔɔ tɛɛ ko Juliyusi. A fɛ tɛɛ sɔdasi kulu ba dɔ le la, ai tɛɛ a fɔla min ma ko masakɛba ya sɔdasi kulu.

Kɛkolu 28:18

Ai ban m̀ maɲiningala, ai tɛɛ a fɛ ka m̀ bila, kamasɔlɔn ai ma foi ye ǹ na min yi kɛ ǹ faa kun ne.