Kɛkolu 25:12 - Ala Ya Salatikan Kula Kitabu

¹² Fɛsitusi ni a lailibalu ka ban mingɛ ai kun bilinna i ɲɔɔ ma, a ka Pɔli javi, a vɛɛ: «Komi i y'a fɛ Sezale gbu le iya kiti tɛɛ, wo le kɛtɔ i taala Sezale fɛlɔ.»

Kɛkolu 25:12 ပူးပေါင်းရင်းမြစ်များ

Matiyu 22:17

Wo ma yi ne, i i miliya fɔ mɔ yɛ butu. Ka niisɔɔn sala Lɔmu masakɛba Sezale ma, wo ladaanyine mɔ ma, baa wo ladaannin tɛ?»

Kɛkolu 19:21

Ko wolu bɛ timinnin, Pɔli k'a latɛɛ ko a yi Maseduwani ni Akayi koovilu lɔtimin ka taa Jelusalɛmu. A do vɛɛ: «M̀'ɛ sena Jelusalɛmu, wo kɔ, fɔ ǹ'i se Lɔmu fana.»

Kɛkolu 23:11

Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»

Kɛkolu 25:11

Ni a k'a talan m̀'ɛ seliya dɔ tiɲa, ka ko dɔ kɛ min yi kɛ ǹ faa kun ne, ǹ tɛnala m̀ banna ǹ faako ma. Kɛɛ mɔɔ minu yi ǹ jalakila ko minu la yi ne, ni wolu tɛ tuɲa le, mɔɔ man kan ka ǹ don ai bolo. Wo lɔ saa, fɔ Lɔmu masakɛba Sezale gbu le yi ǹa kiti tɛɛ.»

Kɛkolu 25:13

Tele dana timinnin kɔ, Masakɛ Agilipa ni a dɔɔmoso Bɛlɛnisi ka na Sezale ka Fɛsitusi fo.

Kɛkolu 25:21

Kɛɛ Pɔli k'a fɔ ko Lɔmu masakɛba Sezale gbu y'aa kiti tɛɛ. Wo ma, ǹ ka jamali di ko ai y'a lamala kaso la, haan fɔɔ ǹ'i ɲa sɔlɔn a ma k'a lataa Sezale ma.»

Kɛkolu 26:32

Masakɛ Agilipa vɛɛ Fɛsitusi yɛ: «Ni kɛ́ min tɛɛ ma aa ko lase masakɛba Sezale ma, mɔ tɛɛ sene a bilala bi.»

Kɛkolu 27:1

Ai k'a latɛɛ mingɛ ko m'i taa Itali jamana lɔ kulunba kɔnɔ, ai ka Pɔli ni kasoden gbɛlɛlu don sɔdasi kuntii dɔ bolo, min tɔɔ tɛɛ ko Juliyusi. A fɛ tɛɛ sɔdasi kulu ba dɔ le la, ai tɛɛ a fɔla min ma ko masakɛba ya sɔdasi kulu.

Kɛkolu 28:16

Mɔ senin Lɔmu, ai ka diɲa ka Pɔli to a jɛlɛ ma bon dɔ la, ka sɔdasi kelen to a fɛ, wo v'a lakanala.

Filipikalu 1:20

Ǹ jii y'a ma le bubale ko foi tɛnala kɛla ǹa maloyako le, mafɔ m̀ wakalinin totɔ feu tandainɔ ani waate bɛ, fɔsa ǹ'i Masa Tɔɔmasenin buɲa ǹ falikolo bɛ le, ǹa niimaya lɔ, niwotɛ ǹa saya lɔ.