Kɛkolu 24:25 - Ala Ya Salatikan Kula Kitabu

²⁵ A do ka to kumala ka bɛn telenmandeyako ni jɛlɛlɔminako ani kititɛɛlon ko ma, haan fɔɔ Felisi ka siyan. A do vɛɛ Pɔli yɛ: «A to ten, taa bene. M̀'ɛ waate sɔlɔnna, ǹ kɛtɔ i kilila kɔtunun.»

Kɛkolu 24:25 ပူးပေါင်းရင်းမြစ်များ

Matiyu 22:5

Kɛɛ ai suu suu ma masakɛ ya kililikan ta foi le. A dɔ vɛ bɔla ka taa aa sɛnɛ lɔ. A dɔ fana vɛ bɔla ka taa aa julayakɛya lɔ.

Yohana 16:8

A do vɛ nala, a kɛtɔ dunuɲamɔɔlu ya filibandeya jiyala ai la ka bɛn julumbuko ma, ani telenmandeyako, ani kititɛɛko.

Kɛkolu 10:42

Ado Isa ka mɔ lɔ kawanilila ani ka seleya di ko Ala v'a lasii k'a kɛ kititɛɛba le niima ni fulenilu bɛ kunna.

Kɛkolu 17:13

Kɛɛ Tɛsalonika Jahudiyalu k'a mɛn mingɛ ko Pɔli yi Ala kumakan lasena Beleya, ai vɛ taala je ka jama lɔsun ka mangan lawuli.

Kɛkolu 17:2

Wo lɔ, Pɔli ka taa je Nɔningɛlon, iwo a deinin tɛɛ a kɛla teme. A do ka Nɔningɛlon sawa kɛ je, a vɛ kumala mɔɔlu yɛ ka bɛn kitabulu ma,

Kɛkolu 17:32

Ladɛnmɔɔlu ka fulenilu lawuliko mɛn Pɔli da mingɛ, a dɔlu v'a majɛlɛla. Kɛɛ a dɔgbɛlɛlu vɛɛ: «M'a fɛ i y'a dɔ la kuma min kɔkan lon gbɛlɛ.»

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Kɛkolu 24:15

Ǹ jei siinin Ala le la, ado wo jeisii kelen ne yi mɔɔ minu bolo, k'a fɔ ko telenmandelu ni mɔɔ telenbalilu bɛ le la kɛtɔ wulila saya kɔ.

Kɛkolu 24:26

A jii tɛɛ a ma fana ko Pɔli kɛtɔ divilɔfen dila a ma. Wo lɔ, a tɛɛ Pɔli kilila siɲa siyama le ka balo a fɛ.

Kɛkolu 26:28

Agilipa k'a javi, a vɛɛ: «A y'i kɔnɔ ko i yi sene ka ǹ kɛ Isa kɔbiladen ne waate kulunni min nɔ?»

Kɛkolu 9:6

I wuli, i yi taa so kɔnɔ. I ka kan ka min kɛ, wo fɔtɔ i yɛ je.»

Lɔmukalu 12:1

M̀ badenmalu, ǹ'ài madiyala ka bɛn Ala ya henandeya ba ma ài yɛ, ǹ ko, ài y'ài jɛlɛ di Ala ma iwo salaka ɲɛnɛma, Ala a bolo siila salaka sɛnɛyanin min suu kɔlɔ. Wo do yi batokɛɲa bɛlɛbɛlɛ le le, ài ka kan ka min kɛ.

Lɔmukalu 14:12

Wo boloɲa ma, mɔ kelenkelenna bɛ kɛtɔ mɔ jɛlɛkanu ya dandɛɛli kɛla Ala yɛ.

Lɔmukalu 2:16

Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

2 Kolɛntikalu 6:2

Kamasɔlɔn Ala n'a fɔla kitabu kɔnɔ, ko: «Waate bɛlɛ ka se mingɛ, ǹ k'àiya madailikan javi. Ado lakisili lon na, ǹ k'ài madɛmɛn.» Ài y'a ye! Waate bɛlɛ le ne. Ài y'a ye! Lakisili lon ne min ne.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Galatiyakalu 5:23

sɔniyali, ani jɛlɛlɔmina. Seliya pa tɛ je ko suu wolu kanma.

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

Tite 1:8

Kɛɛ fɔ a yi kɛ jetii ɲuma le le, ani koɲuma ladiyaɲɛba, ani hangilima, ani telenmande, ani mɔɔ sɛnɛyanin, ani jɛlɛlɔminamɔɔ.

Hebululu 12:21

Tuɲa le, ka bɛn ko wo yenko masiyan ba dɛgbɛ ma, Nabi Musa k'a fɔ, a vɛɛ: «M̀'ɛ siyan bubale haan fɔɔ ka ǹ lɔjaajaa!».

Hebululu 3:13

Kɛɛ do, ài yi to i ɲɔɔ sɛmɛdonna lon bɛ, damanda mɔɔ yi se a fɔla «bi», fɔsa julumbu kana ài suu suu manɛɛ k'ài josokun ja.

Hebululu 4:1

Komi Ala vɛ ban lahedi wo tala ko m'i sene donna aa nɔningɛ lɔ, wo le y'a ma, ài m'i jando mɔ jɛlɛ lɔ, alako mɔ suu suu kana koli a sɔlɔnko la.

Hebululu 6:2

ani kalan ka bɛn maa makoliko laanalu ma, ani bololankanko, ani fulenilu lawuliko, ani habadan kiti.

Hebululu 9:27

A latɛɛnin mɔɔlu ma teme ko ai yi sa siɲa kelen ne dein, wo kɔ, ka taa ai lɔ kititɛɛya lɔ,

Janguba 2:19

Jalasa i limaniyanin ko Ala kelenpesa le yi je? Wo bɛnyine feu! Hali jinalu gbu limaniyanin wo ma, ai do lɔ yi jaajaala siyan boloma.

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.

2 Piyɛli 1:6

ka jɛlɛlɔmina la àiya lɔnni kɔkan, ka sawali la àiya jɛlɛlɔmina kɔkan, ka Alaɲasiyanɲɛ la àiya sawali kɔkan,

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:7

Ǹ dennu, ài kà diɲa mɔɔ mɔɔ y'ài lafili. Mɔɔ min yi taamana telenmandeya lɔ, wo tii telenyine iwo Isa gbu telennin teme.