Kɛkolu 24:24 - Ala Ya Salatikan Kula Kitabu

²⁴ Tele dana timinnin, Felisi ni a moso Dulusila ka na, min tɛɛ Jahudiya le. Felisi do ka Pɔli kili k'a tolomalɔ a la ka bɛn Masa Tɔɔmasenin Isa malimaniyako ma.

Kɛkolu 24:24 ပူးပေါင်းရင်းမြစ်များ

Malɛkɛ 6:20

kamasɔlɔn a kɛ́ Helodi tɛɛ siyanna Yaya ɲa k'a lakana kobɛn. A tɛɛ k'a lɔn ko wo tɛɛ mɔɔ telennin ne le, ani mɔɔ sɛnɛyanin. Helodi tɛɛ v'a tolomalɔla Yaya la kotan, a hangili tɛɛ ɲaami. Wo bɛ n'a kɛ, Yaya kumakan diyayine tɛɛ a yɛ.

Luka 19:3

A lɔɔ tɛɛ a la k'a ɲa la Isa kan ani k'a lɔn. Kɛɛ a tɛɛ tɛ se ka bɛn aa sulunya ma ani jama wala jate.

Luka 23:8

Helodi ka Isa ye mingɛ, a ka sawa kosɛvɛ, kamasɔlɔn a tɛɛ v'a mangutu mɛn, ani ka ta waate jaan ma, a yenlɔɔ tɛɛ a la fɔsa wo tɛɛ kawananko dɔ kɛ a ɲana.

Kɛkolu 16:31

Pɔli ni Silasi k'a javi, ai vɛɛ: «I yi limaniya mɔ Tii Isa ma. Wo vɛ kɛla, i yi kisile, ile ni iya bonnamɔɔlu bɛ.»

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Kɛkolu 24:25

A do ka to kumala ka bɛn telenmandeyako ni jɛlɛlɔminako ani kititɛɛlon ko ma, haan fɔɔ Felisi ka siyan. A do vɛɛ Pɔli yɛ: «A to ten, taa bene. M̀'ɛ waate sɔlɔnna, ǹ kɛtɔ i kilila kɔtunun.»

Kɛkolu 26:22

Kɛɛ Ala vɛ to m̀ madɛmɛnna haan fɔɔ ka na sii bi la. Wo lɔ, ǹ lɔnin jan ka seleya di mɔɔ bɛ ma, fandanni ni seetiilu bɛ. Nabi Musa ni kela tɔlu ka ko natɔ minu fɔ, ǹe do ma ko gbɛlɛ fɔ ka timin wolu la.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Galatiyakalu 3:2

Ǹ'a fɛ k'ài maɲininga ko kelen min na, wo le ne: Ài na Nii Sɛnɛyanin sɔlɔnna ka bɛn àiya seliya latelenko le ma, baa ài na Samakan Kein le mɛnna ka limaniya a ma?

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.

Ko Lankɛnɛmayanin 14:12

Wo le y'a ma, fɔ mumininnu y'ai sawali, ailu minu yi Ala ya jamalilu latelenna k'ai bolo kɛ aiya limaniya la Isa ma.