Kɛkolu 24:14 - Ala Ya Salatikan Kula Kitabu

¹⁴ Kɛɛ ǹ'i ǹ lɔla min na i ɲana, wo le min ne: Ǹ'i mɔ bemanu Tii Ala batola ka bɛn Isa ya siya le ma. Mɔɔ minu do yi wo jatela diina kula le le. Kɛɛ minu sɛvɛnin Kela Musa ya Taulati ni kela dɔgbɛlɛlu ya kitabulu kɔnɔ, ǹ limaniyayine wo bɛ ma.

Kɛkolu 24:14 ပူးပေါင်းရင်းမြစ်များ

Matiyu 10:32

«Ni mɔɔ min k'i lɔ a la mɔɔlu ɲakɔlɔ ko ǹe le ta yi a le, ǹe fana kɛtɔ ǹ lɔla a la ǹ Fa ɲakɔlɔ min yi haijɛnɛ, ǹ ko, ǹe le ta yi wo tii le.

Matiyu 22:40

Nabi Musa ya Taulati ani kela dɔgbɛlɛlu ya kitabulu bɛ jusiinin seliya fila wolu le kɔkan.»

Matiyu 7:12

«Ni ài y'a fɛ mɔɔlu yi ko min bɛ kɛ ài yɛ, àilu gbu yi wo suu dɔ kɛ ai yɛ, kamasɔlɔn a sɛvɛnin ten ne Nabi Musa ya Taulati lɔ, ani kela dɔgbɛlɛlu ya kitabulu lɔ.»

Luka 1:70

A n'a fɔla aa lɔhɔlɔma kelalu lɔ kɔlɔkɔlɔ le,

Luka 16:16

«Nabi Musa ya Taulati ni kela dɔgbɛlɛlu ya kitabulu ka na kunfɔlɔ le, jani Makolikɛba Yaya tɛɛ na. Ka ta wo waate ma, Ala ya masaya ko Samakan Kein la yi sena, ado bɛ y'i lɔjala kosɛvɛ ka don a lɔ.

Luka 16:29

Kɛɛ Nabi Ibulahima do vɛɛ a yɛ: ‹Nabi Musa ya Taulati ni kela dɔgbɛlɛlu ya kitabulu y'ai bolo. Wo ma, ai y'ai tolomalɔ wolu la.›

Luka 24:27

Wo kɔ, kuma minu sɛvɛnin kitabulu kɔnɔ ka bɛn a ma, Isa vɛ wo bɛ ɲafɔla ài yɛ, ka damina Nabi Musa ya Taulati ma ka sii kela dɔgbɛlɛlu ya kitabulu bɛ la.

Luka 24:44

Wo kɔ, a vɛɛ ai yɛ: «Ǹ tɛɛ ko minu le fɔla ài yɛ mɔ tɛɛ i ɲɔɔ fɛ waate min nɔ, ǹ ko, kuma minu bɛ sɛvɛnin ka bɛn m̀ ma Nabi Musa ya Taulati ni Zabuli lɔ, ani kela dɔgbɛlɛlu ya kitabulu lɔ, fɔ wolu bɛ ma yi fa.»

Yohana 1:45

Filipe ka Nataniyɛli ye mingɛ, a do vɛɛ a yɛ: «Mɔɔ min ya ko sɛvɛnin Nabi Musa ya Taulati ni kela dɔgbɛlɛlu ya kitabulu kɔnɔ, mɔ na wo tii yena. Nazalɛtika Isa le, Jusufu denkɛ.»

Kɛkolu 10:43

Seleya dinin ka bɛn a ma kelalu bɛ bolo, ko ni mɔɔ mɔɔ ka limaniya a ma, wo tii ya julumbulu lɔ yi kotole a tɔɔ sabu la.»

Kɛkolu 13:15

Mɔɔ dɔ vɛ Nabi Musa ya Taulati fan dɔ kalanna, ka kelalu ya kitabu fan dɔ fana kalan. Kalan wo bannin, Aladalibon ɲamɔɔlu ka kela lataa Pɔli ni Baanabasi ma, ai vɛɛ: «Mɔ badenmalu, ni kuma ka kɛ ài bolo k'a fɔ jama sɛmɛdonko lɔ, ài yi wo fɔ.»

Kɛkolu 15:5

Kɛɛ limaniyamɔɔ dɔlu tɛɛ je, minu fɛ tɛɛ Falisilu la. Ai do k'i lɔ k'a fɔ, ai vɛɛ: «Siboloma gbɛlɛ mɔɔ minu limaniyanin Isa ma, fɔ wolu lɔ kɛ́lu yi kɛnɛkɛ, ani m'ai jamali Nabi Musa ya seliya latelenko la.»

Kɛkolu 19:23

Wo waate lɔ, so la ka maamaa bakɛ ka bɛn Isa ya siya ma.

Kɛkolu 19:9

Kɛɛ a dɔlu kunnɔ ka gbeleya ka to limaniyabaliya lɔ, ka kuma yon fɔ Isa ya siya ma jama ɲakɔlɔ. Wo lɔ, Pɔli ka bɔ ai fɛ, ka taa Isa kɔbiladennu le Tilanusi ya kalankɛbon na, ka to ai kalanna je lon bɛ.

Kɛkolu 22:14

A do vɛɛ ǹ yɛ: ‹Mɔ bemanu Tii Ala na i tala, fɔsa i y'a sawo lɔn, ka aa Mɔɔ Telennin ye, ani k'a dalakan mɛn.

Kɛkolu 24:22

Komi Felisi tɛɛ ko siyama ɲayena ka bɛn Isa ya siya ma, wo lɔ, a ka jama labila k'a fɔ, a vɛɛ: «Sɔdasi kuntiiba Lisiya vɛ nala, ǹ kɛtɔ àiya kiti tɛɛla.»

Kɛkolu 24:5

Mɔ v'a ye ko kɛ́ min yi tiɲalikɛba le le, min yi Jahudiyalu lamulutula dunuɲa fan bɛ lɔ. Ai y'a fɔla diina kula min ma ko Nazalɛtikalu, wo kuntii dɔ le a le.

Kɛkolu 25:8

Wo kɔ, Pɔli k'a kumanɔbɔ, a vɛɛ: «M̀ ma koyon foi kɛ min yi kɛ Jahudiyalu ya seliya tiɲako le, ani min yi kɛ lɔhɔlɔmabonba lakɔsɔko le, niwotɛ ka kuma yon fɔ Lɔmu masakɛba ma.»

Kɛkolu 26:22

Kɛɛ Ala vɛ to m̀ madɛmɛnna haan fɔɔ ka na sii bi la. Wo lɔ, ǹ lɔnin jan ka seleya di mɔɔ bɛ ma, fandanni ni seetiilu bɛ. Nabi Musa ni kela tɔlu ka ko natɔ minu fɔ, ǹe do ma ko gbɛlɛ fɔ ka timin wolu la.

Kɛkolu 26:27

Masakɛ Agilipa, kelalu na min fɔla, i limaniyayine wo ma? Ǹ k'a lɔn i limaniyanin.»

Kɛkolu 26:4

«Jahudiyalu bɛ k'a lɔn ǹ tɛɛ ǹa dunuɲalɔtɛɛ kɛla teme ǹ fɛso ni Jelusalɛmu, ka ta ǹ denniya waate ma.

Kɛkolu 26:6

Ǹ lɔnin kititɛɛya lɔ bi, kamasɔlɔn ǹ jei siinin Ala ya lahedi le la, a na min tala mɔ bemanu yɛ.

Kɛkolu 28:22

Kɛɛ m'a fɛ k'ile gbu lamɛn k'i miliya lɔn, kamasɔlɔn mɔ k'a lɔn i yi diina kula siya min kɔkan, mɔɔlu yi wo tɔɔ yon ne fɔla fan bɛ lɔ.»

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 3:13

Mɔ bemanu Tii Ala, min yi Ibulahima ni Isiyaka ani Janguba Tii le, wo le na ko ba min kɛla ka bɛn aa bɔiden Isa magbiliyako ma. Àilu le na a donna mɔɔlu bolo a faako lɔ, k'ài ban a lɔ Pilati ɲakɔlɔ, k'a talan a tɛɛ v'a latɛɛ ko a a bila.

Kɛkolu 5:30

Mɔ bemanu Tii Ala na Isa lawulila ka bɔ saya lɔ, ài na min gbaanna kɔlɔman ma k'a faa.

Kɛkolu 7:32

A vɛɛ: ‹Ǹe le i bemanu Tii le, min yi batola Ibulahima ni Isiyaka ani Janguba bolo.› Musa do lɔ ka jaajaa siyan boloma. A do m'a wakali k'i ɲa kaa a lɔ.

Kɛkolu 9:2

k'a maɲininga sɛvɛli dɔlu ma, fɔsa a yi taa wolu jiya Aladalibon ɲamɔɔlu la Damase so kɔnɔ. Wo lɔ saa, ni a tɛɛ ka kɛ́ ni moso dɔlu ye je, minu tɛɛ Isa ya siya kɔkan, a tɛɛ wolu minale ka na ai silinin ne Jelusalɛmu.

Lɔmukalu 1:9

Ǹ'i baalela Ala min yɛ ǹ josokun bɛ le a Denkɛ ya Samakan Kein lasenko lɔ, wo le ǹ sele le k'a fɔ ko ǹ'àiya ko lasena a ma waate bɛ lɔ

Lɔmukalu 3:21

Kɛɛ tandainɔ yi ne, Ala v'a jiya mɔ la a yi mɔɔlu jatela telenmande le teme, hali ni seliya sen t'a lɔ, k'a talan seliya kitabu ani kela dɔgbɛlɛlu ya kitabulu vɛ seleya kelen min di.

1 Kolɛntikalu 11:19

Tuɲa le, fɔ lɔtalali yi don ài wotɛ, fɔsa mɔɔ sɔvɛlu yi se lɔnna ài tɛma.

Galatiyakalu 5:20

joosɔko, subaya, lagbeyaɲɛ, sɔsɔyali, keleya, josobaya, ɲangbeya, bɛnbaliya, falanɲɔɔya,

2 Timote 1:3

M̀'ɛ kɛla Ala dalila waate o waate, ǹ hangili yi tola i lɔ su ni tele. Ado ka bɛn iya ko ma, ǹ'i balika bɔla Ala yɛ, ǹ'i baale kɛla min yɛ jososɛnɛyanin boloma iwo m̀ bemanu tɛɛ a kɛla teme.

Tite 3:10

Ni mɔɔ dɔ ka kɛ je min yi falanɲɔɔya ladonna mɔɔlu wotɛ, i yi wo tii lali siɲa fila le, wo kɔ, i i mataa a la.

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.