Kɛkolu 23:6 - Ala Ya Salatikan Kula Kitabu

⁶ Pɔli k'a ye ko kititɛɛjama falannin tɛɛ a ma, a dɔlu tɛɛ Sadusi le, a dɔlu tɛɛ Falisi le. Wo lɔ, Pɔli k'a kan labɔ k'a fɔ kititɛɛjama yɛ, a vɛɛ: «M̀ badenmalu, Falisi le ǹ ne. Ǹ fa fana yi Falisi le le. Kiti bilanin ǹ na bi kamasɔlɔn ǹ jei siinin fulenilu lawuliko le la.»

Kɛkolu 23:6 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Matiyu 22:23

Wo lon kelen, Sadusi dɔlu ka na Isa ma. Wolu le y'a fɔla ko fulenilu lawuliko tɛ tuɲa le. Ai do ka Isa maɲininga, ai vɛɛ:

Matiyu 3:7

Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Kɛkolu 22:3

«Jahudiya le ǹ ne, min sɔlɔnnin Talese so kɔnɔ, Silisiya koovi lɔ, kɛɛ m̀ buɲanin Jelusalɛmu jan ne. Ǹ tɛɛ kalanmɔɔ Gamaliyɛli le bolo. Ale le na ǹ kalanna kobɛn mɔ bemanu ya seliya la. Ǹe do tɛsilinin tɛɛ Ala ya ko la kosɛvɛ, iwo àilu gbu tɛsilinin a la teme bi.

Kɛkolu 22:30

Wo kɛnɛbɔ lon, sɔdasi kuntiiba tɛɛ a fɛ ka dailu gbugbu lɔn Jahudiyalu tɛɛ Pɔli jalakila min nɔ. Wo lɔ, a ka jɔlɔkɔ bɔ Pɔli la, ka salakalase kuntiibalu ni kititɛɛjama bɛ kili ladɛnya lɔ, ka ban ka Pɔli lalɔ ai ɲakɔlɔ.

Kɛkolu 22:5

Salakalase kuntiiba ni kititɛɛjama kɛmɔbalu bɛ yi ǹ sele le wo lɔ. Ǹ ka sɛvɛ dɔlu sɔlɔn ai la, fɔsa ǹ'i taa wolu le ai badenmalu fɛ Damase so kɔnɔ. Wo boloɲa ma, ǹ ka Damase siya mina, fɔsa ǹ'i mɔɔ wolu mina ka na ai silinin ne Jelusalɛmu ai latɔnko lɔ.»

Kɛkolu 23:1

Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.»

Kɛkolu 23:15

Wo le y'a ma, fɔ àilu ni kititɛɛjama yi samakan lataa sɔdasi kuntiiba ma k'a dali ko a yi Pɔli lana ài ma, fɔsa ài y'aa ko ɲabɔ kobɛn. Mɔ kɛtɔ mɔ lɔbɛnna a faako lɔ jani a yi se jan.»

Kɛkolu 23:20

Kavelen do vɛɛ a yɛ: «Jahudiya dɔlu vɛ bɛn kan kelen ma ko ai kɛtɔ i dalila sinin, ko i yi taa Pɔli le kititɛɛjama fɛ fɔsa ai y'aa ko ɲabɔ kobɛn.

Kɛkolu 23:7

Wo fɔ Pɔli bolo, sɔsɔyali k'i wuli Falisilu ni Sadusilu tɛma, ado jama lɔ ka tala fila le.

Kɛkolu 24:15

Ǹ jei siinin Ala le la, ado wo jeisii kelen ne yi mɔɔ minu bolo, k'a fɔ ko telenmandelu ni mɔɔ telenbalilu bɛ le la kɛtɔ wulila saya kɔ.

Kɛkolu 24:21

Fɔ ni ai josolakunanin ka kɛ m̀ ma ka bɛn ko kelen min ma, ǹ na min fɔla kan ba lɔ ai ɲakɔlɔ, ǹ ko: ‹Kiti bilanin ǹ na bi kamasɔlɔn ǹ jei siinin fulenilu lawuliko le la.› »

Kɛkolu 28:20

Wo le n'a kɛla, ǹ n'ài kilila ka kuma ài fɛ, kamasɔlɔn ǹ silinin jɔlɔkɔ min na ka bɛn Bani Isilankalu jeisii le ma.»

Filipikalu 3:5

Ai na m̀ makɛnɛkɛla ǹ sɔlɔn tele seinna le ma. Bani Isilanka le ǹ ne ka bɔ Bɛnjamin kabila lɔ. Ǹ jilijaa bɛ tɛɛ Hebulu le le. Nabi Musa ya seliya ta fannɔ, ǹ fɛ tɛɛ Falisilu le la.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

Hebululu 6:19

Jeisii wo kɛnin mɔ bolo fen ne le, mɔ nii bamanin min kɔkan, min yi donna daladɛnfaani kɔma ka se lɔhɔlɔmabonba kɔnɔlɔbon ma,