Kɛkolu 23:1 - Ala Ya Salatikan Kula Kitabu

¹ Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.»

Kɛkolu 23:1 ပူးပေါင်းရင်းမြစ်များ

Matiyu 5:22

Kɛɛ ǹ'a fɔ ài yɛ, mɔɔ min vɛ mɔnɛla a badenma ma, kiti bilatɔ wo tii la. Ni do mɔɔ min v'a badenma dɔɔyala, ai yi taa wo tii le kititɛɛbalu ɲakɔlɔ. Ni do mɔɔ min v'a fɔla a badenma ma ko ‹mɔɔ kolon›, wo la yi fili jahanama taa lɔ.

Kɛkolu 22:1

A vɛɛ: «M̀ badenmalu ni ǹ fanu, ài y'ài tolomalɔ ǹ na butu, ǹ'i ǹ kumanɔbɔ ài yɛ.»

Kɛkolu 22:30

Wo kɛnɛbɔ lon, sɔdasi kuntiiba tɛɛ a fɛ ka dailu gbugbu lɔn Jahudiyalu tɛɛ Pɔli jalakila min nɔ. Wo lɔ, a ka jɔlɔkɔ bɔ Pɔli la, ka salakalase kuntiibalu ni kititɛɛjama bɛ kili ladɛnya lɔ, ka ban ka Pɔli lalɔ ai ɲakɔlɔ.

Kɛkolu 22:5

Salakalase kuntiiba ni kititɛɛjama kɛmɔbalu bɛ yi ǹ sele le wo lɔ. Ǹ ka sɛvɛ dɔlu sɔlɔn ai la, fɔsa ǹ'i taa wolu le ai badenmalu fɛ Damase so kɔnɔ. Wo boloɲa ma, ǹ ka Damase siya mina, fɔsa ǹ'i mɔɔ wolu mina ka na ai silinin ne Jelusalɛmu ai latɔnko lɔ.»

Kɛkolu 23:15

Wo le y'a ma, fɔ àilu ni kititɛɛjama yi samakan lataa sɔdasi kuntiiba ma k'a dali ko a yi Pɔli lana ài ma, fɔsa ài y'aa ko ɲabɔ kobɛn. Mɔ kɛtɔ mɔ lɔbɛnna a faako lɔ jani a yi se jan.»

Kɛkolu 23:20

Kavelen do vɛɛ a yɛ: «Jahudiya dɔlu vɛ bɛn kan kelen ma ko ai kɛtɔ i dalila sinin, ko i yi taa Pɔli le kititɛɛjama fɛ fɔsa ai y'aa ko ɲabɔ kobɛn.

Kɛkolu 23:28

Jahudiyalu tɛɛ a jalakila kun min na, ǹ tɛɛ a fɛ ka wo lɔn. Wo lɔ, ǹ ka taa a le aiya kititɛɛjama fɛ.

Kɛkolu 23:6

Pɔli k'a ye ko kititɛɛjama falannin tɛɛ a ma, a dɔlu tɛɛ Sadusi le, a dɔlu tɛɛ Falisi le. Wo lɔ, Pɔli k'a kan labɔ k'a fɔ kititɛɛjama yɛ, a vɛɛ: «M̀ badenmalu, Falisi le ǹ ne. Ǹ fa fana yi Falisi le le. Kiti bilanin ǹ na bi kamasɔlɔn ǹ jei siinin fulenilu lawuliko le la.»

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

Kɛkolu 6:15

Mɔɔ minu bɛ tɛɛ siinin kititɛɛya lɔ, wolu k'ai ɲa lɔ Etiyɛn nɔ k'a ye ko a ɲakɔlɔla tɛɛ vɛ kɛ iwo mɛlɛka.

1 Kolɛntikalu 4:4

Ǹe do josolɔgbɛyine ka bɛn ǹa baale ma, kɛɛ wo bɛ n'a kɛ, wo tɛnala kɛla ǹ joko le. Min yi ǹa kiti tɛɛla, wo le mɔ Tii gbu le.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

2 Timote 1:3

M̀'ɛ kɛla Ala dalila waate o waate, ǹ hangili yi tola i lɔ su ni tele. Ado ka bɛn iya ko ma, ǹ'i balika bɔla Ala yɛ, ǹ'i baale kɛla min yɛ jososɛnɛyanin boloma iwo m̀ bemanu tɛɛ a kɛla teme.

Hebululu 13:18

Ài yi to Ala dalila mɔ yɛ. Mɔ lanin a la k'a fɔ mɔ josolɔgbɛyine, kamasɔlɔn a lɔɔ yi mɔ la mɔ taamaɲa yi bɛn ko bɛ lɔ.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.