Kɛkolu 22:25 - Ala Ya Salatikan Kula Kitabu

²⁵ Ai do ka Pɔli lɔsama a gbasiko lɔ mingɛ, a k'a fɔ sɔdasi kuntii yɛ, min lɔnin tɛɛ je, a vɛɛ: «Ka Lɔmu duulen gbasi gbusan na k'a talan aa kiti ma tɛɛ ba bene, wo ladaanyine?»

Kɛkolu 22:25 ပူးပေါင်းရင်းမြစ်များ

Matiyu 10:17

Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na aiya Aladalibonnu la,

Matiyu 27:54

Sɔdasi kuntii ni aa mɔɔ minu ɲa bɛnnin tɛɛ Isa ma, wolu ka duukolo jaajaatɔ ye mingɛ, ani ko minu bɛ kɛnin, ai ka siyan bubale. Ai do vɛɛ: «Tuɲa le, kɛ́ min tɛɛ Ala Denkɛ le le!»

Matiyu 8:8

Sɔdasi kuntii vɛɛ: «Ǹ Kuntii, hɔlɔ tɛ ǹ ne k'a fɔ i yi don ǹa bon na. I do vɛ kuma kelen fɔla dein, ǹa bɔiden yi kɛnɛyale.

Kɛkolu 10:1

Wo k'a talan, kɛ́ dɔ tɛɛ Sezale so kɔnɔ, min tɔɔ tɛɛ ko Kɔɔnɛli. Lɔmu sɔdasi kuntii dɔ le tɛɛ a le, min siinin tɛɛ sɔdasi kɛmɛ (100) jate kunna, minu fɛ tɛɛ sɔdasi jama dɔ la, ai tɛɛ a fɔla min ma ko Itali kɛlɛkɛjama.

Kɛkolu 16:37

Kɛɛ Pɔli k'a fɔ sɔdasilu yɛ, a vɛɛ: «Hali Lɔmu duulen ka kɛ mɔ le, ai na mɔ gbasila bala le lɔ, k'a talan ai ma maa kiti tɛɛ, ka ban ka mɔ bila kaso la. A yi di vɛ, ai y'a fɛ ka mɔ bila doon nɔ? Wo tɛ bɛn feu! Fɔ ailu gbu yi na ka mɔ labɔ jan!»

Kɛkolu 22:26

Wo mɛn sɔdasi kuntii bolo, a ka taa aa kuntiiba fɛlɔ k'a fɔ a yɛ, a vɛɛ: «I kɛtɔ mindɛ kɛla kɛ́ min na yi ne? Lɔmu duulen ne a le!»

Kɛkolu 23:17

Wo lɔ, Pɔli ka sɔdasi kuntii dɔ kili k'a fɔ a yɛ, a vɛɛ: «I yi taa kavelen min ne sɔdasi kuntiiba fɛlɔ. Kuma dɔ y'a fɛ k'a fɔ a yɛ.»

Kɛkolu 23:27

Jahudiyalu na kɛ́ min minala. Ai tɛɛ a faa boloma mingɛ, ǹ ka taa ǹa sɔdasilu fɛ k'a lakisi, kamasɔlɔn ǹ n'a mɛnna ko Lɔmu duulen ne a le.

Kɛkolu 25:16

Ǹ k'ai javi, ǹ ko, ǹu Lɔmukalu deinin tɛ mɔɔ latɔnna, ni ale ni a jalakibalu ɲa ma bɔ gbɛ kelen nɔ, fɔsa a a jɛlɛ kumanɔbɔ.

Kɛkolu 27:1

Ai k'a latɛɛ mingɛ ko m'i taa Itali jamana lɔ kulunba kɔnɔ, ai ka Pɔli ni kasoden gbɛlɛlu don sɔdasi kuntii dɔ bolo, min tɔɔ tɛɛ ko Juliyusi. A fɛ tɛɛ sɔdasi kulu ba dɔ le la, ai tɛɛ a fɔla min ma ko masakɛba ya sɔdasi kulu.

Kɛkolu 27:3

Wo dusagbɛlon, mɔ ka se Sidɔn so kɔnɔ. Mɔ lɔnin ka to je, Juliyusi ka kokein kɛ Pɔli yɛ ka diɲa a yi taa bɔ a tɔvalu ma, fɔsa ai y'a madɛmɛn.

Kɛkolu 27:43

Kɛɛ komi sɔdasi kuntii tɛɛ a fɛ ka Pɔli lakisi, wo le k'a kɛ, a k'ai dansii wo la. A vɛɛ ko mɔɔ minu senin ai nɛɛla, ko wolu yi kɛ kɔɔ la kunfɔlɔ le, k'ai nɛɛ ka taa gbele ma.