Kɛkolu 22:18 - Ala Ya Salatikan Kula Kitabu

¹⁸ Ǹ ka ǹ Tii ye, a v'a fɔla ǹ yɛ: ‹I lateleja ka bɔ Jelusalɛmu ɲagba le, kamasɔlɔn jan mɔɔlu tɛnala ai bolo siila iya seleyakan kɔlɔ ka bɛn m̀ ma.›

Kɛkolu 22:18 ပူးပေါင်းရင်းမြစ်များ

Matiyu 10:14

Ni mɔɔ suu suu k'i ban ài lɔminako ma, ani k'i ban ai tolomalɔla ài kumakan na, wo vɛ kɛla, ài yi bɔ woja. Ài vɛ kɛla bɔla luu wo ma, niwotɛ so wo la, ài yi je gbangban bɔ ài sen ma, ka wo kɛ ai ban tɔɔmase le.

Matiyu 10:23

Ni ai k'ài tɔlɔya so dɔ la, ài yi bɔli ka taa so gbɛlɛ la. Ǹ'i tuɲa fɔ ài yɛ, ài tɛnala banna Isilan jamana so bɛ lɔtaamana, ni Mɔɔnivin Tanin m'a kɔsei.

Luka 21:21

Wo vɛ kɛla, mɔɔ minu yi Jude koovi lɔ, wolu yi bɔli ka taa tinima dingilalu lɔ. Mɔɔ minu do vɛ kɛla Jelusalɛmu so kɔnɔ, wolu yi bɔ je. Ado mɔɔ minu vɛ kɛla sɛnɛ lɔ, wolu kà don so kɔnɔ butu,

Kɛkolu 3:19

Wo lɔ saa, ài y'ài dajoo mafalin, k'ài fannɔsei Ala ma, fɔsa àiya julumbulu yi bɔ ài ma.

Kɛkolu 9:29

Jahudiya minu balakan tɛɛ Gɛlɛkikan ne, Sawuli tɛɛ kumala wolu fɛ k'ai sɔsɔ. Wo le k'a kɛ, ai tɛɛ a faako ɲaɲininna.

1 Kolɛntikalu 9:1

Jalasa ǹ tɛ mɔɔ lafɛlɛnin ne? Isa ya keladen tɛ ǹ ne? M̀ ma mɔ Tii Isa ye ǹ ɲa la? M̀'ɛ baale min kɛ mɔ Tii yɛ, àilu gbu tɛ ǹa baalenɔ dɔ le?