Kɛkolu 21:33 - Ala Ya Salatikan Kula Kitabu

³³ Sɔdasi kuntiiba ka na ka Pɔli mina, ka jamali di ko ai yi Pɔli sili jɔlɔkɔ fila le. Wo kɛ, a ka jama maɲininga, a vɛɛ: «Kɛ́ min yi jene le? A na mindɛ kɛla?»

Kɛkolu 21:33 ပူးပေါင်းရင်းမြစ်များ

Kɛkolu 12:6

Jani Helodi tɛɛ aa kiti tɛɛ wo dusagbɛlon, su wo lɔ, Piyɛli ka to sunɔɔ lɔ sɔdasi fila tɛma, jɔlɔkɔlu v'a bolo fila bɛ la, ado lakanaliba dɔlu lɔnin tɛɛ da la.

Kɛkolu 20:23

Kɛɛ ǹ ka min lɔn, wo le ne: Nii Sɛnɛyanin yi ǹ lalɔnnila ko kaso ni gbalokolu yi m̀ makɔnɔna so bɛ la.

Kɛkolu 21:11

A nanin mɔ fɛlɔ, a ka Pɔli ya tɛsililan ta k'a jɛlɛkanu sen ni a bolo sili wo le. A do vɛɛ: «Nii Sɛnɛyanin vɛɛ ko boloɲa kelen min ne ma, Jahudiya kuntiilu kɛtɔ tɛsililan min tii minala Jelusalɛmu, k'a sili k'a don siboloma gbɛlɛ mɔɔlu bolo.»

Kɛkolu 22:29

Wo lɔ, mɔɔ minu nanin tɛɛ a gbasiya lɔ ani k'a maɲininga, wolu k'ai mataa a la telemanin. Ado sɔdasi kuntiiba ka kɛ Pɔli ya Lɔmu duulenya ko kalama mingɛ, a ka siyan, kamasɔlɔn a tɛɛ vɛ ban a silila jɔlɔkɔ le.

Kɛkolu 22:30

Wo kɛnɛbɔ lon, sɔdasi kuntiiba tɛɛ a fɛ ka dailu gbugbu lɔn Jahudiyalu tɛɛ Pɔli jalakila min nɔ. Wo lɔ, a ka jɔlɔkɔ bɔ Pɔli la, ka salakalase kuntiibalu ni kititɛɛjama bɛ kili ladɛnya lɔ, ka ban ka Pɔli lalɔ ai ɲakɔlɔ.

Kɛkolu 25:16

Ǹ k'ai javi, ǹ ko, ǹu Lɔmukalu deinin tɛ mɔɔ latɔnna, ni ale ni a jalakibalu ɲa ma bɔ gbɛ kelen nɔ, fɔsa a a jɛlɛ kumanɔbɔ.

Kɛkolu 26:29

Pɔli do vɛɛ a yɛ: «A ka kɛ waate kulunni le o, a ka kɛ waate jaan ne o, ǹ'i Ala dalila ile ni ǹ lamɛnbalu bɛ yɛ bi ka bɛn wo ma, fɔsa ài yi kɛ ǹ ɲɔɔzii le. Kɛɛ jɔlɔkɔ kà bila ài la.»

Kɛkolu 28:20

Wo le n'a kɛla, ǹ n'ài kilila ka kuma ài fɛ, kamasɔlɔn ǹ silinin jɔlɔkɔ min na ka bɛn Bani Isilankalu jeisii le ma.»

Ɛfɛsikalu 6:20

ǹe min kɛnin keladen ne ka bɛn wo ma, hali ǹ silinin ka kɛ jɔlɔkɔ la yi ne. Wo lɔ, ài yi Ala dali ǹ yɛ, fɔsa ǹ'i se ka wo lase josolagbeleya boloma iwo ǹ ka kan k'a kɛ teme.

Filipikalu 1:7

Ado ǹ jo le a lɔ ka m̀ mili tan ka bɛn ài ma, kamasɔlɔn àiya ko gbaanyine ǹ josokun na. Kamasɔlɔn àilu le ǹ lankan ne Ala ya nɛɛma lɔ, m̀'ɛ kɛla kaso la, niwotɛ m̀'ɛ ǹ lɔla Samakan Kein kɔ kɔlɔ k'a lasawati.

2 Timote 1:16

Mɔ Tii yi hena Onesifɔli ya bonnamɔɔlu la, kamasɔlɔn a vɛ ǹ sɛmɛdon siɲa siyama le. A do ma maloya ǹa ko lɔ, hali ǹ silinin ka kɛ jɔlɔkɔ la yi ne.

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!