Kɛkolu 21:20 - Ala Ya Salatikan Kula Kitabu

²⁰ Wo mɛn ai bolo, ai vɛ Ala tanula. Ai do vɛɛ Pɔli yɛ: «Mɔ badenma, i v'a ye ko Jahudiya mɔɔ waa jilika vɛ limaniya Isa ma jan teme. Ai bɛ tɛsilinin Nabi Musa ya seliya lakanako la.

Kɛkolu 21:20 ပူးပေါင်းရင်းမြစ်များ

Matiyu 9:8

Jama ka wo ye mingɛ, ai ka siyan. Ai do ka Ala tanu, kamasɔlɔn ale le na seetiiya min suu dila adamadennu ma.

Luka 12:1

Wo waate lɔ, mɔɔ waa jilika k'ai ladɛn Isa laminin nɔ haan fɔɔ ai v'i lɔla i ɲɔɔ kɔkan. Isa do ka kuma a kɔbiladennu yɛ kunfɔlɔ le, a vɛɛ ai yɛ: «Ài y'ài jando ài jɛlɛ lɔ ka bɛn Falisilu ya bululafununsɛɛ ma, min yi filangafoya le.

Luka 15:32

Kɛɛ a bɛnnin m'i tolon kɛ ka sawa, kamasɔlɔn i dɔɔni tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› »

Yohana 12:24

Ǹ'i tuɲa fɔ ài yɛ, ni malo kama kelen ma sɛnɛ duu lɔ ka tunun, ale kelen ne totɔ. Kɛɛ ni a ka tunun duu lɔ, a yi fɛlɛnne ka sawati bɛlɛbɛlɛ kɛ.

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 15:1

Wo kɔ, kɛ́ dɔlu ka na Antiyɔsi ka bɔ Jude koovi lɔ, minu tɛɛ limaniyamɔɔlu kalanna, ai vɛɛ: «Ni ài ma kɛnɛkɛ ka bɛn Nabi Musa ya laana ma, ài tɛnala sena kisila.»

Kɛkolu 15:24

Mɔ n'a mɛnna ko mɔɔ dɔlu bɔnin mɔ tɛma ka taa ài ɲagba kuma dɔ le, min n'ài kɔnɔlɔfilila. Ǹu do ma wolu lataa ài ma.

Kɛkolu 15:5

Kɛɛ limaniyamɔɔ dɔlu tɛɛ je, minu fɛ tɛɛ Falisilu la. Ai do k'i lɔ k'a fɔ, ai vɛɛ: «Siboloma gbɛlɛ mɔɔ minu limaniyanin Isa ma, fɔ wolu lɔ kɛ́lu yi kɛnɛkɛ, ani m'ai jamali Nabi Musa ya seliya latelenko la.»

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Kɛkolu 22:3

«Jahudiya le ǹ ne, min sɔlɔnnin Talese so kɔnɔ, Silisiya koovi lɔ, kɛɛ m̀ buɲanin Jelusalɛmu jan ne. Ǹ tɛɛ kalanmɔɔ Gamaliyɛli le bolo. Ale le na ǹ kalanna kobɛn mɔ bemanu ya seliya la. Ǹe do tɛsilinin tɛɛ Ala ya ko la kosɛvɛ, iwo àilu gbu tɛsilinin a la teme bi.

Kɛkolu 4:21

Wo lɔ, kititɛɛjama k'a dɔ la aiya masiyannikan kɔkan, ka ban k'ai bila. Ai ma ɲa sɔlɔn ka kolatɔn kɛ ai la, kamasɔlɔn mɔɔ bɛ tɛɛ Ala tanula ka bɛn ko min kɛnin.

Kɛkolu 4:4

Kɛɛ wo bɛ n'a kɛ, mɔɔ minu na Ala kumakan mɛnna, wolu siyama ka limaniya, ka limaniyamɔɔlu kɛ mɔɔ waa loolu (5 000) jate le.

Kɛkolu 6:7

Wo ma, Ala kumakan ka to jɛzɛnna, ani Isa kɔbiladennu ka to siyayala kosɛvɛ Jelusalɛmu, ado salakalaseba siyama ka limaniya siya lataama.

Lɔmukalu 10:2

Ǹ taanin kɛla sele le ka bɛn aiya ko ma, ko ai tɛsiliyine ka bɛn Ala ko ma, kɛɛ koɲaye t'ai bolo.

Galatiyakalu 1:14

Ado ǹ tɛɛ vɛ timin ǹ kaɲa siyama la Jahudiya diina lɔ, kamasɔlɔn ǹ tɛsilinin tɛɛ m̀ bemanu ya laanalu lakanako la kosɛvɛ.

Galatiyakalu 1:24

Ai do ka Ala tanu ka bɛn ǹa ko ma.

2 Tɛsalonikakalu 1:10

Wo bɛ kɛtɔ mɔ Tii nalon ne, a vɛ nala fɔsa mumininnu y'a magbiliya ani limaniyamɔɔlu y'a buɲa kawakoya boloma. Àilu fana fɛ kɛtɔ wo la, kamasɔlɔn ài vɛ la maa seleyakan na.