Kɛkolu 20:7 - Ala Ya Salatikan Kula Kitabu

⁷ Sivililon wula la, mɔ ka mɔ ladɛn bulu lɔtalako lɔ waate min nɔ, Pɔli ka to kumala mɔɔlu fɛ haan fɔɔ su tala, kamasɔlɔn a jii tɛɛ a taako ma wo dusagbɛlon.

Kɛkolu 20:7 ပူးပေါင်းရင်းမြစ်များ

Malɛkɛ 16:9

Isa k'i wuli ka bɔ saya lɔ Lailon sɔɔmadanina. A wuli kɔ, a k'a jɛlɛ jiya Magidalaka Mɔyamu la kunfɔlɔ le, a tɛɛ vɛ jina wolowulan gbɛn ka bɔ min nɔ.

Luka 22:19

Wo fɔ Isa bolo, a ka bulu ta ka balika bɔ Ala yɛ, ka ban k'a lɔkalikali k'a di ai ma. A do vɛɛ: «Ǹ falikolo le min ne, min dinin àiya ko lɔ. Ài yi min kɛ k'ài hangili to ǹ nɔ.»

Luka 24:35

Wo kɛ, kɛ́ fila wolu k'a ɲafɔ ai yɛ min kɛnin ai la siya la, ani ai ɲanɔ ka to Isa ma teme bulu lɔkali waate.

Yohana 20:1

Lailon subanima, Mɔyamu Magidalaka ka taa kabulu dala ka kawakulun ba bɔnin ye kabulu da la.

Yohana 20:19

Wo lon kelen wula fɛ, min tɛɛ Lailon ne, Isa kɔbiladennu k'ai ladɛn bon dɔ la ka dalu sɔɔ, kamasɔlɔn ai tɛɛ siyanna Jahudiya kuntiilu ɲa. Wo kɛ, Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Yohana 20:26

Lɔɔtɛ kelen timinnin kɔ, Isa kɔbiladennu ladɛnnin ka to bon na kɔtunun, ado Tomasi fana tɛɛ je. Hali dalu sɔɔnin tɛɛ, kɛɛ Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Kɛkolu 16:10

Ko wo la ka jɛlɛ Pɔli ɲa ma mingɛ, mɔ ka mɔ lɔbɛn telemanin ka Maseduwani siya mina, kamasɔlɔn mɔ ka la a la k'a fɔ ko Ala vɛ mɔ kela ko m'i Samakan Kein lase je mɔɔlu ma.

Kɛkolu 2:42

Limaniyamɔɔlu k'ai sɛmɛdon kalan ma keladennu fɛ, ani ka ladɛn kɛ i ɲɔɔ fɛ iwo badenmalu, ani ka kɛ bulu lɔtalale i ɲɔɔ wotɛ, ani ka Ala dali i ɲɔɔ fɛ.

Kɛkolu 2:46

Lon lon, ai deinin tɛɛ ai ladɛnna lɔhɔlɔmabonba luu kɔnɔ, ka kɛ bulu lɔtalale i ɲɔɔ wotɛ aiya bonnu la, ani k'i ɲɔɔ sɔ sawa ni josolɔgbɛya boloma.

Kɛkolu 20:11

Wo fɔ, Pɔli ka jɛlɛ sangasobon na kɔtunun. Ale ni limaniyamɔɔlu ka bulu lɔtala i ɲɔɔ wotɛ, ka dɔnni kɛ. A ka to kumala ai fɛ haan fɔɔ kɛnɛ ka bɔ, a do ka taa.

Kɛkolu 20:31

Wo le y'a ma, ài yi to ài ɲana, k'ài hangili to a lɔ ko san sawa kɔlɔ, su ni tele, m̀ ma ǹ nɔningɛ ài kelenkelenna bɛ lalila, ǹ ɲaji vɛ ǹ ɲa kɔlɔ.

Kɛkolu 20:5

Kɛ́ wolu ka taa mɔ ɲa ka mɔ makɔnɔ Tolohasi so kɔnɔ.

Kɛkolu 20:9

Kavelen dɔ siinin tɛɛ je funɛtɛlɛ la, min tɔɔ tɛɛ Yutikusi. Pɔli ka mɛn kumala haan fɔɔ sunɔɔ ka kavelen wo mina. A ka to sunɔɔ lɔ ka ɲina a jɛlɛ kɔ, a ka bɔ sangaso siingan sawana la ka ben duu ma. Ai k'a ta k'a talan a tɛɛ vɛ sa.

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

1 Kolɛntikalu 10:16

M'i balika bɔla Ala yɛ duwawu jiyafɛ min ya ko lɔ, mɔ vɛ kɛla mɔ minna wo lɔ, jalasa wo tɛ mɔ dɛnko le le Masa Tɔɔmasenin jeli la? M'i bulu min lɔkalikalila, mɔ vɛ kɛla wo dɔnna, jalasa wo tɛ mɔ dɛnko le le Masa Tɔɔmasenin falikolo la?

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

1 Kolɛntikalu 16:2

Lai o Lai, ài kelenkelenna bɛ y'a dɔ bɔ ài sɔlɔnfennu la ka wo ladalo. Wo vɛ kɛla, m̀'ɛ nala lon min na, bololadɛn tɛnala kɛla.

2 Timote 4:2

i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.

Ko Lankɛnɛmayanin 1:10

Mɔ Tii bato lon, Nii Sɛnɛyanin ka jii ǹ kɔkan, ado ǹ ka kan ba dɔ mɛn ǹ kɔma, iwo buulufɛkan.