Kɛkolu 20:35 - Ala Ya Salatikan Kula Kitabu

³⁵ Ǹ n'a jiyala ài la ko minu bɛ lɔ, mɔ ka kan ka baale gbɛlɛn kɛ teme fandannilu madɛmɛnko lɔ, ani ka mɔ hangili to mɔ Tii Isa gbu kumakan nɔ, ko: ‹Koɲumakɛba ya duwawu walayine ka timin koɲuma yi kɛla mɔɔ min yɛ.› »

Kɛkolu 20:35 ပူးပေါင်းရင်းမြစ်များ

Matiyu 10:8

Ài yi jangalotɔlu lakɛnɛya, ka fulenilu lawuli, ka kunatɔlu lasɛnɛya, ka jinalu gbɛn k'ai bɔ mɔɔlu lɔ. M̀'ɛ seetiiya di ài ma, ài ma min sala. Wo lɔ, ài vɛ ko min kɛla mɔɔlu yɛ, ai kà fen sala.

Kɛkolu 20:20

Ài k'a lɔn ǹ tɛɛ ài kalanna bala lɔ ani àiya bonnu la waate min nɔ, m̀ ma ko ko si doon ài ma min yi kɛ ài nafako le.

Kɛkolu 20:27

Kamasɔlɔn m̀'ɛ Ala ya kolatɛɛnin bɛ fɔ ài yɛ, m̀ ma a suu suu doon ài ma.

Kɛkolu 20:34

Àilu gbu k'a lɔn ǹ na baale kɛla m̀ bolo la ǹe ni ǹ taamaɲɔɔlu makolu laɲiako lɔ.

Kɛkolu 20:36

Pɔli wɔlinin wo fɔla, a k'a kumɛlɛni bila duu ma ka Ala dali ai fɛ.

Lɔmukalu 15:1

Ǹu minu sawatinin limaniya lɔ, mɔ ka kan ka mɔ bolo sii dɔlu kɔlɔ minu ya limaniya dɔɔyanin, jani m'i gbala mɔ jɛlɛkanu diyanankolu le dein.

1 Kolɛntikalu 9:12

Ni jo ka kɛ dɔlu bolo ko ai yi balo sɔlɔn ài la, jalasa jo tɛ ǹu bolo ka timin wolu la? Kɛɛ wo bɛ n'a kɛ, mɔ na mɔ joko tola ten. Mɔ do yi ko bɛ minala mɔ ma, fɔsa foi kana Masa Tɔɔmasenin ya Samakan Kein lasenko dansii.

2 Kolɛntikalu 11:12

Ado ǹ'i min na yi ne, ǹ totɔle wo la fɔsa ǹ'i wasokɛba wolu kɔlɔbɔ, minu y'a ɲaɲininna k'a fɔ ko aiya baale ni mɔ ta lɔkaanyine.

2 Kolɛntikalu 11:9

Ǹ tɛɛ ài fɛlɔ waate min nɔ, m̀ mako tɛɛ fen na, wo bɛ n'a kɛ, m̀ ma kɛ mɔɔ kundoni ne. Kamasɔlɔn mɔ badenma minu ka na m̀ ma ka bɔ Masaduwani, wolu le ka m̀ makolu laɲia. Wo ma, m̀ ma diɲa ka ǹ doni sii ài kun boloɲa suu suu ma. A do kɛtɔ ten ne kɔtunun.

2 Kolɛntikalu 12:13

Ǹ na limaniyajama tɔlu lafisayala ài le boloɲa mindɛ ma? Fɔ ko kelenpesa min, m̀ ma ǹ doni la ài kun. Ài jon jaani, ài yi hakɛ to ǹ yɛ ka bɛn wo ma!

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

1 Tɛsalonikakalu 4:11

Ài y'ài lɔja k'àiya dunuɲalɔtɛɛ kɛ josolajii boloma, ka gbala ài jɛlɛkanu kunkolu le, ani k'ài bolo bila baale nafata dɔ lɔ, iwo mɔ n'ài jamalila teme.

1 Tɛsalonikakalu 5:14

Mɔ badenmalu, m'a fɔla ài yɛ k'a magbeleya ko ài yi baalekɛbalilu lali, ka mɔɔ jeitɛɛninnu sɛmɛdon, ani ka fangandannu madɛmɛn. Ài yi mɔɔ minu bɛ mina sawali boloma.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

Hebululu 13:3

Ài y'ài hangili to kasodennu lɔ, k'a kɛ iwo àilu gbu le bilanin kaso la ai fɛ, ani mɔɔ jangataninnu fana iwo àilu ni wolu yi tɔlɔya kelen ne lɔ.

3 Yohana 1:7

Kamasɔlɔn ai yi taama min na Masa Tɔɔmasenin tɔɔ le lɔ. Ai do tɛ ai bolo siila limaniyabalilu ya madɛmɛlifen foi kɔlɔ.