Kɛkolu 20:32 - Ala Ya Salatikan Kula Kitabu

³² «Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Kɛkolu 20:32 ပူးပေါင်းရင်းမြစ်များ

Malɛkɛ 10:17

Isa ka siya mina mingɛ, kɛ́ dɔ vɛ bɔlila ka na k'i majii a kɔlɔ. A do vɛɛ a yɛ: «Kalanmɔɔ ɲuma, ǹ ka kan ka mindɛ le kɛ fɔsa ǹ'i niimaya banbali sɔlɔn?»

Yohana 15:3

Àilu la vɛ sɛnɛya butu ka bɛn ǹ kumakan ma, ǹ na min fɔla ài yɛ.

Yohana 17:17

Ai bila ai ta fan i jɛlɛ yɛ ka bɛn tuɲandeya ma, kamasɔlɔn i kumakan yi tuɲa le le.

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 14:23

Pɔli ni Baanabasi ka ɲamɔɔlu lasii limaniyajama kelenkelenna bɛ kunna. Ai ka sun don ka Ala dali wolu yɛ, k'ai kalifa mɔ Tii la, ai tɛɛ vɛ limaniya min ma.

Kɛkolu 14:26

Ai ka don kulunba kɔnɔ Ataliya ka seikɔ Antiyɔsi, limaniyajama tɛɛ vɛ ai kalifa Ala ya nɛɛma la tɛɛminja ka bɛn baale ma, ai na min kɛla ka dafa.

Kɛkolu 14:3

Wo bɛ n'a kɛ, Pɔli ni Baanabasi ka waate siyama kɛ je, ai vɛ kawanili kɛla josolagbeleya boloma, ado mɔ Tii gbu tɛɛ seleya dila ka bɛn aa nɛɛma kuma ma, kamasɔlɔn a ka see di ai ma tɔɔmase ni kawanankolu kɛko lɔ.

Kɛkolu 15:40

Kɛɛ Pɔli ka Silasi ta ka bɔ je, limaniyamɔɔlu ban kɔ ai kalifala mɔ Tii ya nɛɛma la.

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Kɛkolu 9:31

Wo lɔ, limaniyajama minu tɛɛ Jude, ani Galile ni Samaliya, wolu ka waate dɔ kɛ josolajii lɔ, ai vɛ sawatila. Ai ka to taamana mɔ Tii ɲasiyanɲɛ lɔ, Nii Sɛnɛyanin tɛɛ ai sɛmɛdonna, ani k'ai lasiyaya.

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 6:10

sonnu, natabalu, gbɛtɔlu, jɛvɛlikɛbalu, ani gbanalu, wolu suu suu tɛnala donna Ala ya masaya lɔ.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

Ɛfɛsikalu 1:14

wo min kɛnin tɔima le mɔ yɛ, haan fɔɔ Ala v'a jɛlɛkanu mɔɔlu kunmakala lon min na, ka balayi di mɔ ma, a na min ladalola mɔ yɛ, fɔsa m'a tanu aa magbiliyali lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 4:12

A na wo kɛla fɔsa a yi mumininnu lɔbɛn Ala ya baaleko lɔ ani ka limaniyajama lasawati, min taanin kɛla Masa Tɔɔmasenin falikolo le.

Ɛfɛsikalu 4:16

Aa kuntiiya lɔ, falikolo fan bɛ la yi dɛnna k'ai tuun i ɲɔɔ na a tuunɲa bɛ le. Wo lɔ, falikolo fan kelenkelenna bɛ vɛ kɛla a ta baale kɛla a ɲa ma, falikolo lakunnin la yi sawatile kanundeya boloma.

Ɛfɛsikalu 5:5

Ài yi gbɛ a ma ko mɔɔ minu yi kanu kɛla, ani kokɔsɔninnu, ani natakolu (min ni joosɔko kaannin), wolu dɔ pa fɛ tɛ Ala ni Masa Tɔɔmasenin ya masaya la.

Kɔlɔsikalu 1:12

Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

Kɔlɔsikalu 3:24

Kamasɔlɔn ài k'a lɔn ne ko mɔ Tii yi balayi minu ladalola a jɛlɛkanu mɔɔlu yɛ, ài kɛtɔ wolu le sɔlɔnna ka kɛ ài sala le. Ài do yi mɔ Tii Masa Tɔɔmasenin Isa ya bɔidenya le la.

Hebululu 10:14

Salaka kelen wo na kɛla sabu le ka mɔɔlu ya ko dafa waate bɛ, a yi minu lasɛnɛyala.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

Hebululu 2:11

Isa min yi mɔɔlu lasɛnɛyala k'ai bɔ aiya julumbulu lɔ, a tɛ maloyala a fɔko le mɔɔ lasɛnɛyaninnu ma ko a badenmalu, kamasɔlɔn ai bɛ yi Fa kelen ne ma.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Jude 1:20

Kɛɛ àilu, ǹ diyananmɔɔlu koni, ài limaniyanin kuma sɛnɛyanin minu ma, ài y'ài ɲɔɔ lasawati wolu le, ka kɛ Ala dalila Nii Sɛnɛyanin sabu la.