Kɛkolu 20:28 - Ala Ya Salatikan Kula Kitabu

²⁸ Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 20:28 ပူးပေါင်းရင်းမြစ်များ

Matiyu 16:18

Ǹ'a fɔla i yɛ fana, ile le Piyɛli le, min kɔlɔ yi ko falakolo. Ǹ kɛtɔ ǹa limaniyajama lɔla falakolo wo le kɔkan. Hali saya tɛnala see sɔlɔnna jama wo ma.

Matiyu 2:6

‹Ile Bɛtilɛhɛmu, ile min yi Jude koovi lɔ, i tɛ Jude solu lɔ dɔɔmanin ne dɛ! Kamasɔlɔn kuntii dɔ bɔtɔ i lɔ, min kɛtɔ a jandola ǹa Bani Isilankalu lɔ.› »

Malɛkɛ 13:9

«Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ.

Luka 12:32

Isa vɛɛ a kɔbiladennu yɛ: «Ǹa saa kulu dana, ài kà siyan, kamasɔlɔn a diyanin ài Fa Ala yɛ ka masaya di ài ma.

Luka 21:34

«Ài y'ài jando ài jɛlɛ lɔ fɔsa ài joso lɔ kana gbalin noomaya le, ani gbɛtɔya, ani dunuɲalɔtɛɛkolu hamin. Niwotɛ, wo lon kɛtɔ balala ài lɔ,

Kɛkolu 13:2

Lon dɔ, ai ka to mɔ Tii batola, ai vɛ sun nɔ, Nii Sɛnɛyanin ka kuma ai yɛ, a vɛɛ: «Ài yi Baanabasi ni Sawuli bila ai ta fan ǹa baalekɛko lɔ, ǹ n'ai kilila min kanma.»

Kɛkolu 14:23

Pɔli ni Baanabasi ka ɲamɔɔlu lasii limaniyajama kelenkelenna bɛ kunna. Ai ka sun don ka Ala dali wolu yɛ, k'ai kalifa mɔ Tii la, ai tɛɛ vɛ limaniya min ma.

Kɛkolu 20:17

Wo kɔ, Pɔli ka to Milɛtusi so kɔnɔ ka samakan lataa limaniyajama ɲamɔɔlu ma Ɛfɛsi ko ai yi na a fɛlɔ.

Kɛkolu 20:29

Ǹ k'a lɔn m̀'ɛ taala waate min nɔ, mɔɔ yonnu dontɔ ài tɛma iwo soofalilu, minu tɛnala saa kulu tola je.

Lɔmukalu 16:16

Ài i ɲɔɔ fo kanundeya foli sɛnɛyanin ne. Masa Tɔɔmasenin ya limaniyajamalu bɛ y'ài fola.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 10:32

Ài do ka kɛ mɔɔ suu suu kunnɔtɛɛko sabu le, ni a ka kɛ Jahudiyalu le o, niwotɛ siboloma gbɛlɛ mɔɔlu o, niwotɛ Ala ya limaniyajama,

1 Kolɛntikalu 11:22

A yi di vɛ? Bon tɛ ài bolo, ài yi dɔnni kɛ k'i min tɛɛminja? Jalasa ài y'a fɛ ka Ala ya limaniyajama lafeya ka bolokolonnu lamaloya? Ǹ'i mindɛ fɔ ài yɛ wo lɔ? Ǹ'ài matɔɔ wo lɔ? Ǹ tɛ wo kɛ feu!

1 Kolɛntikalu 15:9

Kamasɔlɔn ǹe le keladen bɛ lɔ dɔɔmanda le. Hali k'a fɔ m̀ ma ko keladen, ǹe ni wo kaannin tɛ, kamasɔlɔn ǹ na Ala ya limaniyajama jangatala.

1 Kolɛntikalu 6:20

Ala vɛ ban ài kunmaka sala dila. Wo ma, ài yi Ala magbiliya ài falikolo le.

Galatiyakalu 1:13

Ài ka m̀ mangan mɛn ǹ tɛɛ taamana teme Jahudiya diina siya kɔkan, m̀'ɛ Ala ya limaniyajama jangatala henabaliya boloma, ka ǹ lɔja ai halakiko lɔ.

Ɛfɛsikalu 1:14

wo min kɛnin tɔima le mɔ yɛ, haan fɔɔ Ala v'a jɛlɛkanu mɔɔlu kunmakala lon min na, ka balayi di mɔ ma, a na min ladalola mɔ yɛ, fɔsa m'a tanu aa magbiliyali lɔ.

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

Filipikalu 1:1

Ǹe Pɔli ni Timote le yi lɛtɛlɛ min sɛvɛla, ǹu minu kɛnin Masa Tɔɔmasenin Isa ya bɔiden ne. M'a lataala mumininnu ma minu kafonnin Masa Tɔɔmasenin Isa kɔkan Filipi so kɔnɔ, ani limaniyajama kunmafɛlɛnbalu ni ai makoɲabɔbalu.

Kɔlɔsikalu 1:14

wo min na mɔ kunmakala ka maa julumbulu lɔkoto.

Kɔlɔsikalu 4:17

Ài y'a fɔ Alisipi yɛ, ài vɛɛ: «Mɔ Tii na baale min dila i ma, fɔ yi wo kɛ k'a dafa.»

1 Timote 3:1

Kuma min yi tuɲa le le ko, ni mɔɔ dɔ y'a fɛ ka kɛ limaniyajama kunmafɛlɛnba le, wo tii yi baale ɲuma le kɔ wo le.

1 Timote 3:2

Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

1 Timote 3:5

Kamasɔlɔn ni mɔɔ min ma se a jɛlɛkanu ya bonnakolu ɲabɔla kobɛn, wo tii yi se a jandola Ala ya limaniyajama lɔ di?

1 Timote 4:14

I kà jɔ Ala ya senko ma min dinin i ma kelayakuma fɛ, limaniyajama ɲamɔɔlu n'ai bolo lala i kɔkan waate min nɔ.

1 Timote 4:16

I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.

1 Timote 5:17

Ɲamɔɔ minu yi kuntiiya kɛla kobɛn, wolu ka kan ka buɲalifen siiyama fila le sɔlɔn, minu yi kawanili ani kalan kɛla bɛlɛbɛlɛ le.

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 13:17

Ài y'ài ɲamɔɔlu kumakan labato k'ài fanmajii ai yɛ, kamasɔlɔn ai y'ai jandola ài nunakili lɔ, ai do kɛtɔ wo le dandɛɛli kɛla Ala yɛ. Wo le y'a ma, ài yi diɲa ɲamɔɔlu yi baale min kɛ sawa boloma. Ni ai do niila ka fin wo lɔ, wo tɛnala ài wunafala.

1 Piyɛli 2:25

Kamasɔlɔn ài kɛyine tɛɛ iwo saa tununninu, kɛɛ ài la vɛ seikɔ yi ne saakunnasiiba ma, min y'ài nunakili kunmafɛlɛnba le.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Yohana 1:7

Kɛɛ ni mɔ ka kɛ kɛnɛyalɔkolu kɛla, iwo Ala gbu yi kɛnɛya lɔ teme, kafonɲɔɔya le kɛtɔ kɛla mɔ wotɛ, ado a Denkɛ Isa jeli yi mɔ lasɛnɛyale ka maa julumbulu bɛ bɔ mɔ ma.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.