Kɛkolu 20:25 - Ala Ya Salatikan Kula Kitabu

²⁵ «M̀'ɛ taama àilu minu tɛma Ala ya masaya lasenko lɔ, m̀'ɛ a lɔn butu ko ài suu suu tɛnala ǹ yena kɔtunun.

Kɛkolu 20:25 ပူးပေါင်းရင်းမြစ်များ

Matiyu 10:7

Ài vɛ timinna tɛɛ o tɛɛ lɔ, ài yi mɔɔlu kawani k'a fɔ ko haijɛnɛ masaya waate ma vɛ sulunya.

Matiyu 13:19

Malo minu na benna siya dala, wolu le mɔɔlu le minu yi Ala ya masaya ko mɛnna, ai do t'a ɲayena. Soitana yi nala wo le lɔ ka kuma wo bɔ ai josokun nɔ.

Matiyu 13:52

Isa do vɛɛ ai yɛ: «Seliya kalanmɔɔ minu vɛ kalan haijɛnɛ masaya kolu la, wolu bɛ kɛyine iwo lutii min yi fen kula ni fen kɔlɔ bɛ labɔla aa nafolo ladaloya lɔ.»

Matiyu 4:17

Isa ka kawanili damina wo waate le lɔ. A tɛɛ a fɔla mɔɔlu yɛ, a vɛɛ: «Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 4:23

Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Luka 16:16

«Nabi Musa ya Taulati ni kela dɔgbɛlɛlu ya kitabulu ka na kunfɔlɔ le, jani Makolikɛba Yaya tɛɛ na. Ka ta wo waate ma, Ala ya masaya ko Samakan Kein la yi sena, ado bɛ y'i lɔjala kosɛvɛ ka don a lɔ.

Luka 9:60

Isa do vɛɛ a yɛ: «Fulenilu to je, ai y'ai fuleni ɲɔɔlu sudoon. Kɛɛ fɔ ile yi taa Ala ya masaya ko lase.»

Kɛkolu 20:38

Pɔli ka kuma min fɔ ko ai tɛnala a yena butu, wo k'ai joso tiɲa bɛlɛbɛlɛ kɛ. Wo kɔ, ai ka taa a lɔsiya kulunba dala.

Kɛkolu 28:31

A do tɛɛ Ala ya masaya ko lasena josolagbeleya boloma, ka mɔɔlu kalan ka bɛn mɔ Tii Masa Tɔɔmasenin Isa ya ko ma, ado mɔɔ foi ma a dansii wo la.

Kɛkolu 8:12

Kɛɛ Samakan Kein ka bɛn Ala ya masaya ma ani Masa Tɔɔmasenin Isa tɔɔ, Filipe ka wo lase ai ma mingɛ, ai ka limaniya. A do k'ai mako ji kɔlɔ, kɛ́ ni mosolu.

Lɔmukalu 15:23

Kɛɛ tandainɔ, dingila tɛ je butu ǹa baaleko lɔ jan koovilu lɔ. Ado ài yenlɔɔ vɛ gba ǹ na san siyama kɔlɔ.

Galatiyakalu 1:22

Kɛɛ Masa Tɔɔmasenin ya limaniyajama minu yi Jude koovi lɔ, wolu tɛɛ ma ǹ lɔn.

Kɔlɔsikalu 2:1

Ǹ'a fɛ ài y'a lɔn ko ǹ'i sɛɛ ba min kɛla yi ne àiya ko le lɔ, ani Layodiseyakalu, ani mɔɔ minu bɛ ma ǹ ye ba ai ɲa la bene.