Kɛkolu 20:21 - Ala Ya Salatikan Kula Kitabu

²¹ Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Kɛkolu 20:21 ပူးပေါင်းရင်းမြစ်များ

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 4:17

Isa ka kawanili damina wo waate le lɔ. A tɛɛ a fɔla mɔɔlu yɛ, a vɛɛ: «Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Malɛkɛ 1:15

A do vɛɛ: «A waate bɛlɛ vɛ se. Ala ya masaya waate ma vɛ sulunya. Wo lɔ saa, ài y'ài dajoo mafalin ka limaniya Samakan Kein ma.»

Malɛkɛ 6:12

Wo lɔ, keladennu vɛ bɔla je ka taa mɔɔlu kawani ko ai y'ai dajoo mafalin.

Luka 13:3

Ɛnɛn dɛ! Kɛɛ ni ài do ma ài dajoo mafalin, àilu fana halakitɔle.

Luka 13:5

Wo tɛ dɛ! Ǹ'a fɔ ài yɛ, ni ài ma ài dajoo mafalin, àilu fana halakitɔle.»

Luka 15:10

Wo boloɲa kelen ma, ǹ'a fɔ ài yɛ, ni julumbutɔ kelen k'a dajoo mafalin, Ala ya mɛlɛkalu yi sawale wo lɔ.»

Luka 15:7

Wo boloɲa kelen ma, ǹ'a fɔ ài yɛ, ni julumbutɔ kelen v'a dajoo mafalinna, sawa min kɛtɔ haijɛnɛ ka bɛn ale kelen ma, wo suu tɛ kɛla hali telenmande bikɔnɔ ni kɔnɔ (99) gbu ya ko lɔ, minu mako tɛ ai dajoo mafalinko la.»

Luka 16:28

Kamasɔlɔn ǹ dɔɔkɛ mɔɔ loolu yi je. Diɲa, a yi taa ai lali, alako ai kana na jangata dingila min nɔ.›

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Kɛkolu 10:43

Seleya dinin ka bɛn a ma kelalu bɛ bolo, ko ni mɔɔ mɔɔ ka limaniya a ma, wo tii ya julumbulu lɔ yi kotole a tɔɔ sabu la.»

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 16:31

Pɔli ni Silasi k'a javi, ai vɛɛ: «I yi limaniya mɔ Tii Isa ma. Wo vɛ kɛla, i yi kisile, ile ni iya bonnamɔɔlu bɛ.»

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Kɛkolu 19:17

Wo mɛn Jahudiyalu ni Gɛlɛkikalu bolo Ɛfɛsi so kɔnɔ, ai bɛ ka siyan kosɛvɛ, ado mɔ Tii Isa tɔɔ ka magbiliyali sɔlɔn.

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 2:40

Piyɛli ka kuma siyama la wo kɔkan ka to ai lalila, a vɛɛ: «Ài y'ài jɛlɛ lakisi ka bɔ jangata ma min natɔ bi mɔɔ yonnu kanma!»

Kɛkolu 20:23

Kɛɛ ǹ ka min lɔn, wo le ne: Nii Sɛnɛyanin yi ǹ lalɔnnila ko kaso ni gbalokolu yi m̀ makɔnɔna so bɛ la.

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 24:24

Tele dana timinnin, Felisi ni a moso Dulusila ka na, min tɛɛ Jahudiya le. Felisi do ka Pɔli kili k'a tolomalɔ a la ka bɛn Masa Tɔɔmasenin Isa malimaniyako ma.

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Kɛkolu 26:20

Ǹ ka Damasekalu le kawani kunfɔlɔ le, wo kɔ, Jelusalɛmu ni Jude koovi bɛ, ani siboloma gbɛlɛlu. Ǹ ko ai bɛ y'ai dajoo mafalin k'ai fannɔsei Ala ma, k'ai kɛkolu kɛ minu bɛnnin ai dajoo mafalinko ma.

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 3:19

Wo lɔ saa, ài y'ài dajoo mafalin, k'ài fannɔsei Ala ma, fɔsa àiya julumbulu yi bɔ ài ma.

Kɛkolu 8:25

Piyɛli ni Yohana wɔlinin seleya dila ka bɛn Isa ma, ani ka mɔ Tii kumakan lase, ai vɛ seikɔla Jelusalɛmu. Ai taatɔla, ai ka to Samakan Kein lasena Samaliyakalu ya soni siyama la.

Lɔmukalu 1:14

A yi diyanigbeya le le m̀ ma ko ǹ'i Samakan Kein lase mɔɔ bɛ ma, sobakɔnɔmɔɔ ni toodalamɔɔlu bɛ, ani lɔnnila ni kalanbalilu bɛ.

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 10:9

Ni i k'i lɔ a la i da le k'a fɔ ko Isa y'i Tii le le, ani ka limaniya i josokun nɔ k'a fɔ ko Ala n'a lawulila ka bɔ saya lɔ, wo vɛ kɛla, i yi kisile.

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

Lɔmukalu 4:24

Wo sɛvɛnin maa ko le lɔ fana, ǹu minu kɛtɔ jatela telenmande le, ǹu minu limaniyanin Ala ma, min na mɔ Tii Isa lawulila ka bɔ saya lɔ.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

1 Kolɛntikalu 1:22

Jahudiyalu y'a fɛ ka kawanankolu ye ai ɲa la. Gɛlɛkikalu do yi hangilimaya le ɲininna.

2 Kolɛntikalu 7:10

Kamasɔlɔn josomakasi min latɛɛnin Ala bolo, wo le yi kɛla sabu le mɔɔ y'a dajoo kolonnu bilala k'a lakisiko masɔlɔn wo fɛ, ado nimisa foi tɛ wo lɔ. Kɛɛ dunuɲa ta josomakasi koni, wo laban yi saya le le.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Ɛfɛsikalu 1:15

Wo le n'a kɛla, ka ta ǹ k'àiya limaniyako mɛn mɔ Tii Isa ma, ani ài yi kanundeya jiyala teme mumininnu bɛ la,

Kɔlɔsikalu 2:5

Hali m̀ ma kɛ ài tɛma yi ne, ǹ hangili y'ài kɔ, ado ǹ sawayine kamasɔlɔn m̀'ɛ a ye ko ài bɛnyine a lɔ k'ài limaniyanin to Masa Tɔɔmasenin ma kosɛvɛ.

Filemɔn 1:5

kamasɔlɔn ǹ'iya kanundeya mangutu mɛnna mumininnu bɛ yɛ, ani iya limaniya mɔ Tii Isa ma.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:5

Jene vɛ see sɔlɔn dunuɲa ma ni a tɛ mɔɔ le min limaniyanin a ma ko Isa yi Ala Denkɛ le le?