Kɛkolu 20:19 - Ala Ya Salatikan Kula Kitabu

¹⁹ Ǹ na baale kɛla mɔ Tii yɛ fanmajii ba ni tɔlɔya ni kasi le lɔ, ka bɛn Jahudiyalu ya janvakolu ma.

Kɛkolu 20:19 ပူးပေါင်းရင်းမြစ်များ

Luka 19:41

Isa masulunyanin Jelusalɛmu la ka so ye, a vɛ kasila ka bɛn a ma, a vɛɛ:

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Kɛkolu 17:13

Kɛɛ Tɛsalonika Jahudiyalu k'a mɛn mingɛ ko Pɔli yi Ala kumakan lasena Beleya, ai vɛ taala je ka jama lɔsun ka mangan lawuli.

Kɛkolu 17:5

Kɛɛ wo ɲangbeya ka Jahudiya tɔlu mina mingɛ, ai ka taa lɔɔ lɔ ka mɔɔ kundan dɔlu ta k'ai lamulutu, minu ka so lamaamaa. Ai bɛ k'a latelen Jason ya bon na Pɔli ni Silasi ɲininya lɔ, fɔsa ai tɛɛ na ai le jama ɲakɔlɔ.

Kɛkolu 20:3

ka kalo sawa kɛ je. A tɛɛ taa boloma mingɛ Siliya koovi lɔ kulun kɔnɔ, a k'a mɛn ko Jahudiya dɔlu vɛ janva lasii a ma. Wo le k'a kɛ, a k'a latɛɛ ko a yi seikɔ Maseduwani siya fɛ.

Kɛkolu 20:31

Wo le y'a ma, ài yi to ài ɲana, k'ài hangili to a lɔ ko san sawa kɔlɔ, su ni tele, m̀ ma ǹ nɔningɛ ài kelenkelenna bɛ lalila, ǹ ɲaji vɛ ǹ ɲa kɔlɔ.

Kɛkolu 21:27

Tele wolowulan wo bantɔla, Jahudiya dɔlu ka bɔ Esiya koovi lɔ, wolu ka Pɔli ye lɔhɔlɔmabonba la ka jama lɔsun a kanma k'a mina.

Kɛkolu 27:23

Kamasɔlɔn ǹ'i Ala min ta le, ani ǹ'i baale kɛla min yɛ, wo ya mɛlɛka dɔ k'i lɔ ǹ dafɛ kunun su lɔ.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Lɔmukalu 1:9

Ǹ'i baalela Ala min yɛ ǹ josokun bɛ le a Denkɛ ya Samakan Kein lasenko lɔ, wo le ǹ sele le k'a fɔ ko ǹ'àiya ko lasena a ma waate bɛ lɔ

Lɔmukalu 12:11

Ài kà kɛ saakɔlɔ le, mafɔ ài y'ài tɛsili baaleko la. Ài do yi baale kɛ mɔ Tii yɛ ài josokun bɛ le.

2 Kolɛntikalu 2:4

Ǹ na lɛtɛlɛ wo sɛvɛla ài ma josomakasi ni niilafin ba le boloma, ǹ ɲaji vɛ jiila palapala. Ǹ tɛɛ t'a fɛ k'ài josomakasi, mafɔ k'ài lalɔnni ǹa kanundeya wala jate la ài yɛ.

2 Kolɛntikalu 3:5

A tɛ k'a fɔ ko a see yi mɔ yɛ ka baale suu wo kɛ mɔ jɛlɛ yɛ, kɛɛ maa see bɛ yi bɔla Ala le lɔ.

2 Kolɛntikalu 7:5

Kamasɔlɔn ka ta mɔ senin vɛ Masaduwani, mɔ ma laha ba bene, mafɔ mɔ na gbalo le sɔlɔnna fan bɛ lɔ. Mɔɔlu tɛɛ mɔ sɔsɔla, ado siyan tɛɛ mɔ josokun nɔ.

Galatiyakalu 1:10

Jalasa ǹ'i adamadennu ya matɔɔli le ɲininna yi ne, baa Ala ta? Jalasa ǹ'a fɛ ǹa ko yi diya mɔɔlu le yɛ? Ni ǹ tɛɛ a fɛ ǹa ko yi diya mɔɔlu yɛ kɔtunun, ǹ tɛɛ tɛnala kɛla Masa Tɔɔmasenin ya bɔiden ne.

Ɛfɛsikalu 6:7

Ài yi baale kɛ kɔnɔlɔdiya boloma, iwo ài yi baale kɛla mɔ Tii gbu yɛ teme, adamadennu ya ko tɛ.

Filipikalu 3:18

M̀'ɛ a fɔ ài yɛ siɲa siyama le, ado ǹ'a fɔla ǹ ɲaji le lɔ yi ne, ǹ ko, mɔɔ siyama le yi je, minu taamaɲa y'a jiyala ko ai vɛ ai jɛlɛ kɛ juulu le Masa Tɔɔmasenin gbaankɔlɔman kanma.

Kɔlɔsikalu 3:24

Kamasɔlɔn ài k'a lɔn ne ko mɔ Tii yi balayi minu ladalola a jɛlɛkanu mɔɔlu yɛ, ài kɛtɔ wolu le sɔlɔnna ka kɛ ài sala le. Ài do yi mɔ Tii Masa Tɔɔmasenin Isa ya bɔidenya le la.

1 Tɛsalonikakalu 1:9

Kamasɔlɔn mɔɔ wolu gbugbu le yi ko minu dandɛɛli kɛla, ài n'ài bolo siila mɔ kɔlɔ teme, ani ài n'ài kɔdonna joolu la teme ka baale kɛ Ɲɛnɛmayatii Ala yɛ, min kɛnin Ala bɛlɛbɛlɛ le.

2 Timote 1:4

Ǹ hangili toyine iya kasi lɔ mɔ falan waate i ɲɔɔ ma, ado i yenlɔɔ yi ǹ na kosɛvɛ fɔsa ǹ josola yi fa sawa le.

Janguba 1:2

M̀ badenmalu, ni tɔlɔya suu suu k'ài masɔlɔn, ài yi wo bɛ jate kɔnɔlɔdiyako le.

1 Piyɛli 1:6

Wo le àiya kɔnɔlɔdiya le, hali ni a kɛɲa gbɛlɛ tɛ je, fɔ ài josoma yi kasi waateni kɔlɔ ka bɛn lɔsumali suu bɛ dɔ ma.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Ko Lankɛnɛmayanin 7:15

Wo le n'a kɛla, ai lɔnin Ala ya masayasiifen ɲafɛla lɔ, ka to baale kɛla a yɛ su ni tele aa lɔhɔlɔmabonba la. Ale min siinin masayasiifen nɔ, a kɛtɔ kɛla ai fɛ k'ai lakana.