Kɛkolu 20:16 - Ala Ya Salatikan Kula Kitabu

¹⁶ Pɔli tɛɛ v'a latɛɛ ko a kɛtɔ Ɛfɛsi so malala kulun kɔnɔ, fɔsa a ma kana tamala Esiya koovi lɔ. Kamasɔlɔn a kɔlɔtɔnin ba le tɛɛ ka se Jelusalɛmu jani Tele Biloolunanlon selilon yi se, ni wo tɛɛ se kɛla.

Kɛkolu 20:16 ပူးပေါင်းရင်းမြစ်များ

Kɛkolu 12:13

Piyɛli ka luu da makɔnkɔn mingɛ, bɔidenmoso min tɔɔ tɛɛ ko Loda, wo k'i madon da la k'a tolomalɔ.

Kɛkolu 16:6

Komi Nii Sɛnɛyanin tɛɛ vɛ Pɔli nu dansii Ala kumakan lasenko la Esiya koovi lɔ, wo lɔ, ai ka Filigiya ni Galatiya koovilu lɔtimin.

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 18:21

A do ka siya ɲinin ai fɛ, a vɛɛ: «Ni Ala ka diɲa, ǹ kɛtɔ seikɔla ài ma.» Wo lɔ, a ka don kulunba kɔnɔ Ɛfɛsi ka taa.

Kɛkolu 19:1

Apolosi tɛɛ Kolɛnti waate min nɔ, Pɔli ka Esiya koovi lɔtimin ka taa se Ɛfɛsi so kɔnɔ. A do ka limaniyamɔɔ dɔlu ye je,

Kɛkolu 19:21

Ko wolu bɛ timinnin, Pɔli k'a latɛɛ ko a yi Maseduwani ni Akayi koovilu lɔtimin ka taa Jelusalɛmu. A do vɛɛ: «M̀'ɛ sena Jelusalɛmu, wo kɔ, fɔ ǹ'i se Lɔmu fana.»

Kɛkolu 2:1

Tele Biloolunanlon selilon senin, limaniyamɔɔ bɛ k'ai ladɛn dingila kelen nɔ.

Kɛkolu 20:13

Mɔ ka don kulunba kɔnɔ ka taa Pɔli ɲa Asɔsi so kɔnɔ, kamasɔlɔn Pɔli vɛɛ ko a taatɔ a sen ne ma je, ko mɔ v'i ɲɔɔ yena je, a kɛtɔ donna kulun kɔnɔ.

Kɛkolu 20:18

Ai nanin, a k'a fɔ ai yɛ, a vɛɛ: «Ài k'a lɔn ǹ tɛɛ taamana boloɲa min ma ài wotɛ, ka damina ǹ nalon kunfɔlɔ ma Esiya.

Kɛkolu 20:22

Wo lɔ saa, komi Nii Sɛnɛyanin vɛ ǹ lɔ ko ǹ'i taa Jelusalɛmu, fɔ ǹ'i se je, k'a talan m̀ m'a lɔn ko suu mindɛ le kɛtɔ m̀ masɔlɔnna je.

Kɛkolu 20:4

Sopatɛ min ka bɔ Beleya, Pilusi denkɛ koni, wo ka taa a malɔ, ani Alisitakusi ni Sekundusi ka bɔ Tɛsalonika, Gayusi ka bɔ Dɛlɛbɛ, Timote, ani Tisiki ni Tolofimu, minu mɔɔ fila ka bɔ Esiya.

Kɛkolu 20:6

Bulufununbali Selilon bannin, mɔ ka bɔ Filipi so kɔnɔ kulun kɔnɔ. Mɔ ka tele loolu kɛ kɔɔji kɔkan ka na ai fɛlɔ Tolohasi, ka lɔɔtɛ kelen kɛ je.

Kɛkolu 21:4

Mɔ ka Isa kɔbiladen dɔlu talan je mingɛ, mɔ ka lɔɔtɛ kelen kɛ ai fɛ. Ai do tɛɛ mɔ lalila Nii Sɛnɛyanin fɛ ko Pɔli kà taa Jelusalɛmu.

Kɛkolu 24:17

«Ka talan ǹ tɛɛ vɛ fama tala Jelusalɛmu san siyama kɔlɔ, ǹ ka taa je wɔli dɔ le ǹa jamana fandannilu sɔko lɔ, ani ka niilifen bɔ Ala yɛ.

1 Kolɛntikalu 16:8

Kɛɛ ǹ kɛtɔ tola Ɛfɛsi so kɔnɔ jan ne haan fɔɔ Tele Biloolunanlon Selilon yi se.