Kɛkolu 2:47 - Ala Ya Salatikan Kula Kitabu

⁴⁷ Ai tɛɛ Ala tanula waate bɛ, ai do kokɛɲa tɛɛ mɔɔ bɛ josolajiila. Lon lon, mɔ Tii tɛɛ mɔɔlu lakisila k'ai bɔ aiya julumbulu lɔ, ka wolu kafon mɔɔ lakisininnu kɔkan.

Kɛkolu 2:47 ပူးပေါင်းရင်းမြစ်များ

Luka 19:48

kɛɛ ai tɛɛ tɛ se, kamasɔlɔn Isa ya ko tɛɛ vɛ mɔɔ bɛ kun mina. Ai bɛ tɛɛ ai tolomalɔla a la kobɛn.

Luka 2:52

Isa ka to buɲala, a dɔ vɛ lala aa hangilimaya kɔkan, ani aa ko ka diya Ala ni mɔɔlu yɛ.

Kɛkolu 11:21

Mɔ Tii ya seetiiya tɛɛ ai fɛ, wo lɔ, mɔɔ siyama ka limaniya k'ai jɛlɛ lasei mɔ Tii ma.

Kɛkolu 11:24

Baanabasi tɛɛ mɔɔ ɲuma le le, min ya limaniya walanin tɛɛ kosɛvɛ, ani min joso lafanin tɛɛ Nii Sɛnɛyanin la. Wo le k'a kɛ, mɔɔ siyama ka limaniya mɔ Tii ma je.

Kɛkolu 13:48

Siboloma gbɛlɛ mɔɔlu ka wo mɛn mingɛ, ai bɛ ka sawa ka mɔ Tii kumakan buɲa, ado niimaya banbali latɛɛnin tɛɛ mɔɔ minu ma, wolu bɛ ka limaniya.

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 14:21

Pɔli ni Baanabasi ka Samakan Kein lase so wo kɔnɔ ka mɔɔ siyama kɛ Isa kɔbiladen ne je. Wo kɔ, ai ka bɔ je ka seikɔ Lisitile, ka bɔ je ka taa Ikoniyɔmu, ka bɔ je ka taa Antiyɔsi, min yi Pisidi koovi lɔ.

Kɛkolu 16:5

Wo boloɲa ma, limaniyajamalu sɛmɛ tɛɛ donna limaniya lɔ, ai do ma tɛɛ kafonna lon bɛ.

Kɛkolu 17:12

Wo le k'a kɛ, Jahudiya wolu siyama ka limaniya, ani Gɛlɛkika tɔɔlama siyama, kɛ́lu ni mosolu.

Kɛkolu 2:39

A na wo le lahedi tala àilu ni ài dennu yɛ, ani mɔɔ minu yi dingila majaannu lɔ, mɔ Tii Ala kɛtɔ minu bɛ kilila ka na a ma.»

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Kɛkolu 4:21

Wo lɔ, kititɛɛjama k'a dɔ la aiya masiyannikan kɔkan, ka ban k'ai bila. Ai ma ɲa sɔlɔn ka kolatɔn kɛ ai la, kamasɔlɔn mɔɔ bɛ tɛɛ Ala tanula ka bɛn ko min kɛnin.

Kɛkolu 4:33

Keladennu ka to seleya dila seetiiya ba boloma k'a fɔ mɔɔlu yɛ ko mɔ Tii Isa v'i wuli ka bɔ saya lɔ. Ado Ala ya nɛɛma tɛɛ limaniyamɔɔlu bɛ kɔkan kosɛvɛ.

Kɛkolu 4:4

Kɛɛ wo bɛ n'a kɛ, mɔɔ minu na Ala kumakan mɛnna, wolu siyama ka limaniya, ka limaniyamɔɔlu kɛ mɔɔ waa loolu (5 000) jate le.

Kɛkolu 6:1

Waate wo lɔ, Isa kɔbiladennu ka to siyayala. Ado Jahudiya minu bɔnin tɛɛ jamana gbɛlɛlu lɔ minu tɛɛ Gɛlɛkikan fɔla, wolu ka Jahudiya duulennu matelemasɔɔli di, ko mɔɔ minu tɛɛ balo lɔtalala lon bɛ, wolu jɔyine aiya kɛsamosolu ma.

Kɛkolu 6:7

Wo ma, Ala kumakan ka to jɛzɛnna, ani Isa kɔbiladennu ka to siyayala kosɛvɛ Jelusalɛmu, ado salakalaseba siyama ka limaniya siya lataama.

Kɛkolu 9:31

Wo lɔ, limaniyajama minu tɛɛ Jude, ani Galile ni Samaliya, wolu ka waate dɔ kɛ josolajii lɔ, ai vɛ sawatila. Ai ka to taamana mɔ Tii ɲasiyanɲɛ lɔ, Nii Sɛnɛyanin tɛɛ ai sɛmɛdonna, ani k'ai lasiyaya.

Kɛkolu 9:35

Mɔɔ minu siinin tɛɛ Lida so kɔnɔ, ani Salon gbɛkɛnɛ lɔ, wolu bɛ ka Enese ye k'ai jɛlɛ lasei mɔ Tii ma wo lɔ.

Lɔmukalu 14:18

Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

Lɔmukalu 8:30

Ado a na wo latɛɛla mɔɔ minu ma, a na wolu le kilila fana. Ado a na mɔɔ minu kilila, a na wolu jatela telenmande le fana. Ado a na mɔɔ minu jatela telenmande le, a na magbiliyali dila wolu le ma fana.

Lɔmukalu 9:27

Nabi Ezayi fana k'a kan labɔ ka bɛn Bani Isilankalu ya ko ma, a vɛɛ: «Hali Bani Isilankalu walanin ka kɛ iwo kɔɔji kawunna kiɲɛ, kɛɛ ai dana le kisitɔ dein.

1 Kolɛntikalu 1:18

Samakan ka bɛn Isa gbaanko ma kɔlɔman ma, mɔɔ minu yi halaki siya kɔkan, wolu yi wo yena ko kundan ne le. Kɛɛ do, ǹu minu yi lakisili siya kɔkan, wo yi mɔ bolo Ala ya seetiiya le le.