Kɛkolu 2:46 - Ala Ya Salatikan Kula Kitabu

⁴⁶ Lon lon, ai deinin tɛɛ ai ladɛnna lɔhɔlɔmabonba luu kɔnɔ, ka kɛ bulu lɔtalale i ɲɔɔ wotɛ aiya bonnu la, ani k'i ɲɔɔ sɔ sawa ni josolɔgbɛya boloma.

Kɛkolu 2:46 ပူးပေါင်းရင်းမြစ်များ

Matiyu 6:22

«Mɔɔ ɲaden kɛyine a falikolo ma iwo fitina. Ni i ɲaden kɛnɛyanin, kɛnɛya yi kɛle i falikolo fan bɛ lɔ.

Luka 11:41

Kɛɛ fɔ ài y'ài josokun lɔgbɛnin di fandannilu ma. Wo vɛ kɛla, àiya ko bɛ yi sɛnɛyale.

Luka 24:30

Ai k'i sii dɔnnikɛya lɔ mingɛ, a ka bulu ta ka balika bɔ Ala yɛ, k'a lɔkalikali k'a di ai ma.

Luka 24:53

Ai do tɛɛ taala lɔhɔlɔmabonba la ka Ala tanu waate bɛ.

Kɛkolu 16:34

A do ka taa Pɔli ni Silasi le aa bon na, k'ai faana. Sawa ba le tɛɛ ale ni aa bonnamɔɔlu bɛ la, kamasɔlɔn ai tɛɛ vɛ limaniya Ala ma.

Kɛkolu 2:42

Limaniyamɔɔlu k'ai sɛmɛdon kalan ma keladennu fɛ, ani ka ladɛn kɛ i ɲɔɔ fɛ iwo badenmalu, ani ka kɛ bulu lɔtalale i ɲɔɔ wotɛ, ani ka Ala dali i ɲɔɔ fɛ.

Kɛkolu 20:7

Sivililon wula la, mɔ ka mɔ ladɛn bulu lɔtalako lɔ waate min nɔ, Pɔli ka to kumala mɔɔlu fɛ haan fɔɔ su tala, kamasɔlɔn a jii tɛɛ a taako ma wo dusagbɛlon.

Kɛkolu 3:1

Lon dɔ, wuladala lɛlɛ sawa waate, Piyɛli ni Yohana tɛɛ taala lɔhɔlɔmabonba la Ala daliya lɔ.

Kɛkolu 5:21

Kuma wo mɛn ai bolo, ai ka taa lɔhɔlɔmabonba luu kɔnɔ sɔɔmadanina ka mɔɔlu kalan damina. Salakalase kuntiiba ni a bilankɔɲɔɔlu ka na mingɛ, ai ka Bani Isilanka ɲamɔɔlu kili ko kititɛɛbalu bɛ y'ai ladɛn. Ai do ka jamali di ko ai yi na keladennu le ka bɔ kaso la.

Kɛkolu 5:42

Lon bɛ, ai tɛɛ mɔɔlu kalanna lɔhɔlɔmabonba luu kɔnɔ ani mɔɔlu ya bonnu la, ka to Samakan Kein lasena ko Isa le Masa Tɔɔmasenin ne.

Lɔmukalu 12:8

Ni min ta ka kɛ sɛmɛdonko le, wo tii yi mɔɔlu sɛmɛdon. Ni mɔɔsɔko see dinin mɔɔ min ma, wo tii bolo yi fɔlin sɔli boloma. Ni kuntiiya see dinin ka kɛ mɔɔ min ma, wo tii y'a baale kɛ sɔvɛdon boloma. Ni do see dinin mɔɔ min ma ka henandeyakolu kɛ, wo tii y'a kɛ sawa boloma.

1 Kolɛntikalu 10:16

M'i balika bɔla Ala yɛ duwawu jiyafɛ min ya ko lɔ, mɔ vɛ kɛla mɔ minna wo lɔ, jalasa wo tɛ mɔ dɛnko le le Masa Tɔɔmasenin jeli la? M'i bulu min lɔkalikalila, mɔ vɛ kɛla wo dɔnna, jalasa wo tɛ mɔ dɛnko le le Masa Tɔɔmasenin falikolo la?

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

Ɛfɛsikalu 6:5

Jɔnnu, ài àiya jɔnfalu kumakan labato ɲasiyanɲɛ ni buɲali boloma, ka baale kɛ ai yɛ josolɔgbɛya boloma iwo ài y'a kɛla Masa Tɔɔmasenin gbu yɛ teme.

Kɔlɔsikalu 3:22

Jɔnnu, ài yi kolo àiya jɔnfalu yɛ ko bɛ lɔ minu y'ài kunna dunuɲa. Ài kà baale kɛ ka bɛn ai ɲakɔlɔla ma dein, fɔsa àiya ko yi diya ai yɛ teme, mafɔ ài yi baale josolɔgbɛya lɔ ka bɛn mɔ Tii ɲasiyanɲɛ ma.