Kɛkolu 2:41 - Ala Ya Salatikan Kula Kitabu

⁴¹ Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Kɛkolu 2:41 ပူးပေါင်းရင်းမြစ်များ

Yohana 14:12

Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Yohana 21:11

Wo lɔ, Simɔn Piyɛli ka don kulun kɔnɔ ka jɔ sama, ka na a le kawun na. A do lafanin tɛɛ jɛɛ babalu la. Wo bɛ ladɛnnin ka kɛ jɛɛ kɛmɛ, jɛɛ biloolu ni sawa (153) le. Kɛɛ jɛɛ ni a wala bɛ, jɔ lɔ ma fala.

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 13:48

Siboloma gbɛlɛ mɔɔlu ka wo mɛn mingɛ, ai bɛ ka sawa ka mɔ Tii kumakan buɲa, ado niimaya banbali latɛɛnin tɛɛ mɔɔ minu ma, wolu bɛ ka limaniya.

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Kɛkolu 2:47

Ai tɛɛ Ala tanula waate bɛ, ai do kokɛɲa tɛɛ mɔɔ bɛ josolajiila. Lon lon, mɔ Tii tɛɛ mɔɔlu lakisila k'ai bɔ aiya julumbulu lɔ, ka wolu kafon mɔɔ lakisininnu kɔkan.

Kɛkolu 27:37

Ǹu minu tɛɛ kulun kɔnɔ, mɔ tɛɛ mɔɔ kɛmɛ fila ni mɔɔ biwolowulan ni mɔɔ wɔɔlɔ le le (276).

Kɛkolu 3:23

Ni mɔɔ mɔɔ ma kela wo labato, wo tii bɔtɔle Ala ya mɔɔlu tɛma ka halaki.›

Kɛkolu 4:4

Kɛɛ wo bɛ n'a kɛ, mɔɔ minu na Ala kumakan mɛnna, wolu siyama ka limaniya, ka limaniyamɔɔlu kɛ mɔɔ waa loolu (5 000) jate le.

Kɛkolu 7:14

Wo lɔ, Jusufu ka samakan lataa a fa Janguba ma ko a yi na, ale ani aa demaya bɛ. Ai bɛ lakunnin tɛɛ mɔɔ biwolowulan ni mɔɔ loolu (75) le le.

Lɔmukalu 13:1

Mɔɔ kelenkelenna bɛ yi kolo gbafalanama mɔɔlu yɛ, kamasɔlɔn kuntiiya tɛ je ni min ma bɔ Ala bolo. Ado mɔɔ minu siinin ài kunna, wolu lasiinin Ala le bolo.

1 Tɛsalonikakalu 1:6

Ài n'ài sumala mɔ taamaɲa le ma ani mɔ Tii Isa taamaɲa, kamasɔlɔn ài n'ài bolo siila Samakan Kein kɔlɔ sawa bolo le ma, sawa min bɔnin Nii Sɛnɛyanin fɛ, hali ài bannin ka kɛ tɔlɔya siyama masɔlɔnna.

1 Piyɛli 3:20

ka bɛn aiya kolobaliya ma kɔlɔkɔlɔ le Sedina Nuho ya waate lɔ, Ala tɛɛ makɔnɔlila sawali boloma waate min nɔ jani kulunba la tɛɛ dan. Kulunba wo kɔnɔ, mɔɔ dana le ka kisi ka bɔ ji wo ma, minu tɛɛ mɔɔ sein ne.

Ko Lankɛnɛmayanin 16:3

Mɛlɛka filana ka a ta tasa bɔn kɔɔji lɔ, wo do ka jɛlɛma ka kɛ iwo mɔɔ sanin jeli, ado kɔɔjikɔlɔ niimafennu bɛ ka sa.