Kɛkolu 2:39 - Ala Ya Salatikan Kula Kitabu

³⁹ A na wo le lahedi tala àilu ni ài dennu yɛ, ani mɔɔ minu yi dingila majaannu lɔ, mɔ Tii Ala kɛtɔ minu bɛ kilila ka na a ma.»

Kɛkolu 2:39 ပူးပေါင်းရင်းမြစ်များ

Kɛkolu 10:45

Jahudiya limaniyamɔɔ minu nanin tɛɛ Piyɛli fɛ, wolu ka kawakoya kamasɔlɔn Ala na a Nii Sɛnɛyanin dila k'a lajii hali siboloma gbɛlɛ mɔɔlu gbu kɔkan,

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Kɛkolu 15:14

Simɔn Piyɛli n'a ɲafɔla mɔ yɛ, Ala na a hangili bilala teme siboloma gbɛlɛ mɔɔlu lɔ kunfɔlɔ le, k'ai dɔlu kɛ a ta le.

Kɛkolu 15:3

Limaniyajama k'ai lasalanna, ai do ka Fenisi ni Samaliya koovilu lɔtimin, ai v'a ɲafɔla je limaniyamɔɔlu yɛ ko siboloma gbɛlɛ mɔɔlu vɛ tube. Wo ka diya wolu yɛ kosɛvɛ.

Kɛkolu 15:8

Ala min ka adamaden bɛ josokun lɔn, a v'a lagbɛ ko a bolo siinin siboloma gbɛlɛ mɔɔlu kɔlɔ, kamasɔlɔn a na Nii Sɛnɛyanin dila ai ma iwo a na a dila mɔ ma teme.

Lɔmukalu 11:29

Kamasɔlɔn ni Ala ka mɔɔ min sɔ, a tɛ aa sɔli wo minala wo tii ma la. Ni a do ka mɔɔ kili ko dɔ kanma, a tɛ wo bɔla a ma feu.

Lɔmukalu 8:30

Ado a na wo latɛɛla mɔɔ minu ma, a na wolu le kilila fana. Ado a na mɔɔ minu kilila, a na wolu jatela telenmande le fana. Ado a na mɔɔ minu jatela telenmande le, a na magbiliyali dila wolu le ma fana.

Lɔmukalu 9:24

Hali ǹu minu kilinin Ala bolo, mɔ bɛ kilinin tɛ ka bɔ Jahudiyalu tɛma dein, mafɔ siboloma gbɛlɛ mɔɔlu fana.

Lɔmukalu 9:4

Bani Isilanka le ai le, Ala na minu kɛla a jɛlɛkanu dennu le, ka aa magbiliyali jiya ai la, ka salatikannu ta ale ni ailu wotɛ, ani ka aa seliya di ai ma. Ai do vɛ batokɛɲa bɛlɛbɛlɛ sɔlɔn, ani Ala ya lahedilu.

1 Kolɛntikalu 7:14

Kamasɔlɔn kɛ́ limaniyabali vɛ bila a ta fan Ala yɛ ka bɛn a moso ma, ani moso limaniyabali vɛ bila a ta fan Ala yɛ ka bɛn badenmakɛ wo ma. Niwotɛ, ai dennu tɛɛ kɛle Alalɔnbali le, k'a talan ai vɛ bila ai ta fan Ala yɛ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:12

Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

2 Tɛsalonikakalu 1:11

Wo le y'a ma, m'i Ala dalila ài yɛ waate bɛ, fɔsa a n'ài kilila ko min kanma, ài taamaɲa yi bɛn wo ma. Ala a kɛ, koɲuma min bɛ kɛ lɔɔ y'ài la, ài yi se wo bɛ kɛla ka bɛn aa seetiiya ma, ka àiya limaniya baale dafa.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

Hebululu 3:1

Wo lɔ saa, m̀ badenma sɛnɛyaninnu, minu kilinin Ala bolo iwo ǹu, ài m'i mili Isa ma, mɔ lɔnin a la ko Ala na min kelayala k'a lasii salakalase kuntiibaya la.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

2 Piyɛli 1:3

Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»

Ko Lankɛnɛmayanin 19:9

Wo kɔ, mɛlɛka k'a fɔ ǹ yɛ, a vɛɛ: «Min sɛvɛ: Duwawuden ne mɔɔ wolu le minu kilinin ka taa Saa Bolan ya kɔɲɛmalɔ dɔnnikɛya lɔ.» A do vɛɛ ǹ yɛ kɔtunun: «Kuma minu yi Ala ya kuma bɛlɛbɛlɛ le le.»