Kɛkolu 2:33 - Ala Ya Salatikan Kula Kitabu

³³ Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 2:33 ပူးပေါင်းရင်းမြစ်များ

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Malɛkɛ 16:19

Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Yohana 14:16

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein,

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 17:5

Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.

Kɛkolu 1:4

A ka to ai fɛ ka jamali di ai ma, a vɛɛ: «Ài kà bɔ Jelusalɛmu, mafɔ ka ǹ Fa ya lahedi mafako makɔnɔ, ǹ na min ya ko fɔla ài yɛ.

Kɛkolu 10:45

Jahudiya limaniyamɔɔ minu nanin tɛɛ Piyɛli fɛ, wolu ka kawakoya kamasɔlɔn Ala na a Nii Sɛnɛyanin dila k'a lajii hali siboloma gbɛlɛ mɔɔlu gbu kɔkan,

Kɛkolu 2:17

‹Ala vɛɛ: Dunuɲa laban waate, ǹ kɛtɔ ǹ Nii Sɛnɛyanin lajiila adamaden bɛ kɔkan. Ài denkɛlu ni ài denmosolu kɛtɔ kelaya kɛla. Ǹ kɛtɔ ko dɔlu lajɛlɛla àiya kavelennu ɲa ma, ani àiya kɛmɔbalu kɛtɔ kolu yena siwolu lɔ.

Kɛkolu 5:31

Ala n'a kɔlɔtala k'a lasii a bolokini fannɔ, k'a kɛ Ɲamɔɔ ni Lakisilikɛba le, fɔsa Bani Isilankalu y'a ɲa sɔlɔn k'ai dajoo mafalin aiya julumbulu lɔkotoko lɔ.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

Galatiyakalu 3:14

A na mɔ kunmakala fɔsa Nabi Ibulahima balaka yi la siboloma gbɛlɛ mɔɔlu kɔkan Masa Tɔɔmasenin Isa sabu la, ani ǹu gbu yi Nii Sɛnɛyanin sɔlɔn limaniya fɛ, min lahedi tanin Ala bolo.

Ɛfɛsikalu 1:13

Àilu fana vɛ limaniya ale Isa ma, ài na tuɲa kuma mɛnna waate min nɔ, min taanin kɛla Samakan Kein ne ka bɛn àiya kisiko ma. Wo lɔ, Ala na Nii Sɛnɛyanin min ya lahedi tala, a na wo lajiila ài kɔkan ka wo kɛ tɔɔmase le,

Ɛfɛsikalu 4:8

A sɛvɛnin tan ne kitabu kɔnɔ, ko: «A jɛlɛnin sanfɛ ka taa kɛlɛkɔlɔden siyama le, ka sɔlifennu di adamadennu ma.»

Tite 3:6

Ala ka mɔ sɔ Nii Sɛnɛyanin sɔ bɛlɛbɛlɛ kɛ mɔ Lakisiba Masa Tɔɔmasenin Isa sabu la,

Hebululu 10:12

Kɛɛ Masa Tɔɔmasenin ban kɔ salaka kelenpesa bɔla ka bɛn julumbulu ma, a k'i sii Ala bolokini fannɔ habadan,

Hebululu 2:9

Kɛɛ mɔ do yi ale le yena, min lɔya ka dɔɔya ka timin mɛlɛkalu ta la waateni kɔlɔ, Isa koni, magbiliyali ni buɲali dinin a ma iwo masayafula ka bɛn aa saya tɔlɔya ma, fɔsa a tɛɛ sa bɛ yɛ ka bɛn Ala ya nɛɛma ma.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.