Kɛkolu 2:24 - Ala Ya Salatikan Kula Kitabu

²⁴ Kɛɛ Ala ka a lawuli ka bɔ saya lɔ, k'a lafɛlɛ ka bɔ saya fanga kɔlɔ, kamasɔlɔn saya tɛɛ tɛ se nɔ sɔlɔnna a ma.

Kɛkolu 2:24 ပူးပေါင်းရင်းမြစ်များ

Matiyu 27:63

Ai do vɛɛ a yɛ: «Mɔ kuntii, mɔɔlafiliba wo ka kuma dɔ fɔ a tɛɛ a nii la waate min nɔ, mɔ hangili toyine wo lɔ, ko tele fila a sawana a wulitɔ ka bɔ saya lɔ.

Yohana 10:18

Mɔɔ suu suu tɛ se ǹ nii minala ǹ na, ǹe gbu le y'a dila. See yi ǹ yɛ k'a di, ani see yi ǹ yɛ k'a sɔlɔn kɔtunun. Ǹ Fa na ǹ jamalila min na, wo le ve.»

Yohana 10:35

Ala na a kumakan lasena mɔɔ minu ma, a n'a fɔla wolu ma ko tiilu, ado min sɛvɛnin kitabu kɔnɔ, wo ma tɛ se falinna.

Yohana 12:39

Wo le n'a kɛla, ai ma se limaniyala, kamasɔlɔn Nabi Ezayi k'a fɔ kɔtunun, a vɛɛ:

Yohana 20:9

Wo bɛ lɔ, ai tɛɛ ma kitabu kɔnɔ kuma ɲaye ba bene, min y'a fɔla ko Isa ka kan k'i wuli ka bɔ saya lɔ.

Kɛkolu 1:16

A do vɛɛ ai yɛ: «M̀ badenmalu, fɔ kitabu kɔnɔ kuma ma tɛɛ fa, Nii Sɛnɛyanin ka Nabi Dawuda lɔ min fɔla ka bɛn Judasi ma, min na kɛla Isa minabalu ɲabila le.

Kɛkolu 13:30

Kɛɛ Ala k'a lawuli ka bɔ saya lɔ.

Kɛkolu 13:37

Kɛɛ Ala na mɔɔ min lawulila ka bɔ saya lɔ, wo fuleni ma tolin.

Kɛkolu 17:31

Kamasɔlɔn lon dɔ latɛɛnin a bolo, a kɛtɔ dunuɲamɔɔlu bɛ ya kiti tɛɛla lon min na telenmandeya boloma aa kɛ́ tanin sabu la. A do na wo lagbɛla bɛ yɛ ka bɛn a lawuliko ma ka bɔ saya lɔ.»

Kɛkolu 2:32

«Ala na Isa wo le lawulila ka bɔ saya lɔ. Ǹu gbu yi min sele le.

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Kɛkolu 3:26

Wo lɔ, Ala na aa bɔiden tala k'a lana ài ma kunfɔlɔ le, fɔsa a yi balaka don ài lɔ, k'ài kelenkelenna bɛ bɔ àiya siya yonnu kɔkan.»

Kɛkolu 4:10

Wo lɔ saa, àilu ni Bani Isilankalu bɛ y'a lɔn ko Masa Tɔɔmasenin Isa Nazalɛtika, ài na min gbaanna kɔlɔman ma, kɛɛ Ala n'a lawulila ka bɔ saya lɔ, wo le tɔɔ kɛnin sabu le kɛ́ min lakɛnɛyanin lɔnin ài ɲakɔlɔ.

Kɛkolu 5:30

Mɔ bemanu Tii Ala na Isa lawulila ka bɔ saya lɔ, ài na min gbaanna kɔlɔman ma k'a faa.

Lɔmukalu 10:9

Ni i k'i lɔ a la i da le k'a fɔ ko Isa y'i Tii le le, ani ka limaniya i josokun nɔ k'a fɔ ko Ala n'a lawulila ka bɔ saya lɔ, wo vɛ kɛla, i yi kisile.

Lɔmukalu 14:9

Wo le k'a kɛ, Masa Tɔɔmasenin ka sa ka niimaya kɛ kɔtunun, fɔsa a yi kɛ fuleni ni niimalu bɛ Tii le.

Lɔmukalu 4:24

Wo sɛvɛnin maa ko le lɔ fana, ǹu minu kɛtɔ jatela telenmande le, ǹu minu limaniyanin Ala ma, min na mɔ Tii Isa lawulila ka bɔ saya lɔ.

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

Lɔmukalu 8:11

Ala min na Masa Tɔɔmasenin Isa lawulila ka bɔ saya lɔ, ni wo Nii Sɛnɛyanin lasawatinin ka kɛ ài lɔ, ale Ala kelen ne kɛtɔ niimaya dila ài fali satalu ma a Nii Sɛnɛyanin sabu la, min lasawatinin ài lɔ.

Lɔmukalu 8:34

Jene yi se ai jobaliyala? Kamasɔlɔn Masa Tɔɔmasenin Isa le na sala. K'a dɔ la wo kɔkan, a lawulinin ka bɔ saya lɔ. A do siinin Ala bolokini fannɔ, a vɛ mɔ masolonali minala Ala ma.

1 Kolɛntikalu 15:12

Komi m'i kawanili kɛla k'a fɔ ko Masa Tɔɔmasenin la vɛ wuli ka bɔ saya lɔ, a yi di vɛ ài dɔlu y'a fɔla ko fulenilu la tɛ wulila ka bɔ saya lɔ?

1 Kolɛntikalu 15:15

K'a dɔ la wo kɔkan, mɔ tɛɛ kɛle faɲafɔ selelu le ka bɛn Ala ma, kamasɔlɔn mɔ na seleya dila k'a fɔ ko ale le na Masa Tɔɔmasenin lawulila ka bɔ saya lɔ. Kɛɛ ni fulenilu lawuliko tɛ tuɲa le, wo vɛ kɛla, Ala ma a lawuli feu!

1 Kolɛntikalu 15:20

Kɛɛ tuɲa le, Masa Tɔɔmasenin la vɛ lawuli ka bɔ saya lɔ, ka kɛ mɔɔ lawulinin kunfɔlɔ le mɔɔ saninnu tɛma.

1 Kolɛntikalu 15:4

A do sudoonnin, a tele sawana lon, a k'i wuli ka bɔ saya lɔ, iwo a sɛvɛnin kitabu kɔnɔ teme.

1 Kolɛntikalu 6:14

Ala na mɔ Tii Isa lawulila aa foniseleya le lɔ, a do kɛtɔ ǹu fana lawulila ten ne.

2 Kolɛntikalu 4:14

Ado mɔ k'a lɔn ne ko Ala min na mɔ Tii Isa lawulila ka bɔ saya lɔ, wo le kɛtɔ ǹu fana lawulila ka kɛ Isa fɛ, ka mɔ ni àilu bɛ ladɛn a ɲakɔlɔ.

Galatiyakalu 1:1

Ǹe Keladen Pɔli le yi lɛtɛlɛ min sɛvɛla, ǹe min kelayanin tɛ adamadennu bolo, kumatɛ mɔɔlu ya seetiiya ma, mafɔ Masa Tɔɔmasenin Isa ani mɔ Fa Ala min na a lawulila ka bɔ saya lɔ.

Ɛfɛsikalu 1:20

Ala ka foniseleya kelen wo le labaale, a ka Masa Tɔɔmasenin lawuli waate min nɔ ka bɔ saya lɔ, ka ban k'a lasii a bolokini fannɔ haijɛnɛ.

Kɔlɔsikalu 2:12

Àilu ni Masa Tɔɔmasenin le sudoonnin kelen ne ka bɛn àiya makoli ma, ado àilu ni ale la ka wuli kelen ne fana ka bɛn àiya limaniya ma Ala ya foniseleya ma, min n'a lawulila ka bɔ saya lɔ.

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

Hebululu 13:20

Ala min yi josolajii dila, min na mɔ Tii Isa lawulila ka bɔ saya lɔ, wo min yi Saakunnasiiba Makawanin ne min na salatikan banbali lasilila a jeli bɔnko sabu la,

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

Ko Lankɛnɛmayanin 1:18

ani niima. Ǹ tɛɛ vɛ sa, kɛɛ a ye, ǹ'i niimaya le lɔ yi ne habadan. Saya ni Laikila koɲii yi ǹe le bolo.