Kɛkolu 2:17 - Ala Ya Salatikan Kula Kitabu

¹⁷ ‹Ala vɛɛ: Dunuɲa laban waate, ǹ kɛtɔ ǹ Nii Sɛnɛyanin lajiila adamaden bɛ kɔkan. Ài denkɛlu ni ài denmosolu kɛtɔ kelaya kɛla. Ǹ kɛtɔ ko dɔlu lajɛlɛla àiya kavelennu ɲa ma, ani àiya kɛmɔbalu kɛtɔ kolu yena siwolu lɔ.

Kɛkolu 2:17 ပူးပေါင်းရင်းမြစ်များ

Luka 3:6

Wo vɛ kɛla, adamaden bɛ kɛtɔ Ala ya lakisiko yena.› »

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Kɛkolu 10:45

Jahudiya limaniyamɔɔ minu nanin tɛɛ Piyɛli fɛ, wolu ka kawakoya kamasɔlɔn Ala na a Nii Sɛnɛyanin dila k'a lajii hali siboloma gbɛlɛ mɔɔlu gbu kɔkan,

Kɛkolu 11:27

Wo waate, kela dɔlu ka na Antiyɔsi ka bɔ Jelusalɛmu.

Kɛkolu 11:28

Ai lɔ mɔɔ kelen min tɔɔ tɛɛ ko Agabusi, wo k'i lɔ ka kuma Nii Sɛnɛyanin sabu la k'a fɔ ko kɔɔn fitina kɛtɔ donna dunuɲa fan bɛ lɔ. Kelayakuma wo ma ka fa Lɔmu masakɛ ba Kulodi ya waate lɔ.

Kɛkolu 2:16

Mafɔ, ko min sɛvɛnin kitabu kɔnɔ Nabi Jowɛli bolo, wo le yi kɛla yi ne. A sɛvɛnin ko:

Kɛkolu 2:18

Lon wolu lɔ, ǹ kɛtɔ ǹ Nii Sɛnɛyanin lajiila ǹa jɔnnu kɔkan, kɛ́lu ni mosolu, ai do kɛtɔ kelaya kɛla.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 21:9

A denmoso singbili naani tɛɛ je, minu tɛɛ ma kɛ́ ko lɔn ba bene. Wolu tɛɛ kelaya le kɛla.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

1 Kolɛntikalu 12:10

A do yi kawananko kɛ see dila dɔ ma, ka kelayakɛ see di a dɔgbɛlɛ ma, ani ka kolakɔlɔsi see di a dɔgbɛlɛ ma kɔtunun fɔsa a yi se Nii Sɛnɛyanin kɛkolu ni Soitana talu wotɛbɔla teme. A yi see dila dɔ ma ka kuma kan gbɛlɛlu lɔ, ka see di a dɔgbɛlɛ ma ka kan wolu kɔlɔ fɔ.

1 Kolɛntikalu 12:28

Ala na mɔɔ minu lasiila limaniyajama tɛma, keladennu le ka kɛ a kunfɔlɔ le, ka kelalu kɛ a filana le, ka kalanmɔɔlu kɛ a sawana le. A do ka kawanankokɛbalu tuun wolu la, ani mɔɔ minu yi jangalotɔlu lakɛnɛyala, ani mɔɔ minu yi dɔlu madɛmɛnna, ani ɲamɔɔlu, ani mɔɔ minu yi kumala kan gbɛlɛlu lɔ.

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.

Janguba 5:3

Soon vɛ àiya sanu ni wɔligbɛlu mina. Soon wo le kɛtɔ sele le ài kanma k'ài falisoo tiɲa iwo taa. Ài vɛ nafololu ladɛn ài jɛlɛ yɛ waate laban min nɔ.

2 Piyɛli 3:3

Ài y'a lɔn kunfɔlɔ le ko dunuɲa laban waate, lafeyalikɛbalu wulitɔ aiya lafeyalikannu le, ai vɛ bilala ai jɛlɛkanu niikanuko yonnu kɔ.