Kɛkolu 2:14 - Ala Ya Salatikan Kula Kitabu

¹⁴ Wo lɔ, Piyɛli lɔnin ka to a keladenɲɔɔ mɔɔ tan ni kelen (11) dafɛ, a k'a kan labɔ k'a fɔ jama yɛ, a vɛɛ: «Àilu ǹ Jahudiyaɲɔɔlu ani Jelusalɛmukalu bɛ, ài y'ài tolomalɔ ǹ kumakan na ka ko min lɔn.

Kɛkolu 2:14 ပူးပေါင်းရင်းမြစ်များ

Matiyu 2:1

Isa ka sɔlɔn Bɛtilɛhɛmu so kɔnɔ, Jude koovi lɔ, Helodi ya masaya waate lɔ. Isa sɔlɔn kɔ, lɔnnila dɔlu ka bɔ telebɔ jamana dɔ lɔ ka na Jelusalɛmu.

Kɛkolu 1:26

Wo kɛ, ai ka kalabila kɛ, ado kala ka bɛn Matiyasi tɔɔ le. Wo le k'a kɛ, ai ka a kafon keladen mɔɔ tan ni kelen (11) kɔkan.

Kɛkolu 13:16

Wo lɔ, Pɔli v'i lɔla k'a bolo jate, a vɛɛ: «Bani Isilankalu ni Alaɲasiyanɲɛmɔɔlu bɛ, ài y'ài tolomalɔ.

Kɛkolu 2:22

Piyɛli vɛɛ kɔtunun: «Àilu Bani Isilankalu, ài y'ài tolomalɔ ǹ kumakan na. Isa Nazalɛtika tɛɛ mɔɔ le le, min tɛɛ kawanankolu ni ko makawaninnu ni tɔɔmaselu kɛla ài tɛma Ala ya seetiiya lɔ k'a lagbɛ ài yɛ ko Ala na diɲala ale le ma, iwo àilu gbu k'a lɔn teme.

Kɛkolu 21:28

Ai do vɛ gbanɔla, ai vɛɛ: «Bani Isilanka kɛ́lu, ài yi na, ài yi mɔ madɛmɛn! Kɛ́ min ne yi mɔɔlu bɛ kalanna fan bɛ lɔ mɔ siboloma kanma, ani Nabi Musa ya seliya kanma, ani lɔhɔlɔma dingila min kanma. K'a dɔ la wo bɛ kɔkan, a vɛ na siboloma gbɛlɛ mɔɔlu gbu le lɔhɔlɔmabonba la, ka lɔhɔlɔma dingila min kɔsɔ.»

Kɛkolu 5:35

Wo kɛ, a vɛɛ kititɛɛjama yɛ: «Bani Isilankalu, ài y'a fɛ ka ko min kɛ kɛ́ minu la, ài y'ài mili wo ma bene kosɛvɛ.

Kɛkolu 7:2

Etiyɛn vɛɛ: «M̀ badenmalu ni ǹ fanu, ài y'ài tolomalɔ ǹ na. Ka talan mɔ bema Ibulahima tɛɛ m'i sii ba bene Halan duu kɔnɔ, Nɔɔlɔtii Ala k'a jɛlɛ jiya a la Mesopotami jamana lɔ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?