Kɛkolu 19:38 - Ala Ya Salatikan Kula Kitabu

³⁸ Wo lɔ, ni Demetiliyusi ni a baaledenɲɔɔlu y'a fɛ ka mɔɔ dɔ makojiya, kuntiilu yi je ani kititɛɛlonnu lɔnin. Fɔ ai yi taa wo ɲabɔ wolu le fɛlɔ.

Kɛkolu 19:38 ပူးပေါင်းရင်းမြစ်များ

Kɛkolu 13:12

Jamanatii ka ko min kɛnin ye mingɛ, a ka limaniya, kamasɔlɔn mɔ Tii ya kalan k'a lakawakoya kosɛvɛ.

Kɛkolu 13:7

Baajasuwa tɛɛ Sipele jamanatii bilankɔɲɔɔ dɔ le le. Jamanatii wo tɛɛ hangilima le le, min tɔɔ tɛɛ ko Sɛjiyɔ Pɔlusi. A do ka Baanabasi ni Sawuli kili, kamasɔlɔn a tɛɛ a fɛ ka Ala kumakan lamɛn.

Kɛkolu 13:8

Kɛɛ wɔimakɛ Baajasuwa, ai tɛɛ a fɔla min ma Gɛlɛkikan nɔ ko Elimasi, wo vɛ Baanabasi ni Sawuli sɔsɔla fɔsa jamanatii la yi fili, wo kana limaniya.

Kɛkolu 18:14

Jani Pɔli tɛɛ kuma damina, Galiyo k'a fɔ Jahudiyalu yɛ, a vɛɛ: «Àilu Jahudiyalu, ni kɛ́ min na koyon ne kɛla, niwotɛ kobɛnbali, ǹ tɛɛ ǹ tolomalɔle àiya telemasɔɔli la.

Kɛkolu 19:24

Siyaki dɔ tɛɛ je, min tɔɔ tɛɛ ko Demetiliyusi. Aiya joomoso min tɔɔ tɛɛ ko Aatemesi, a tɛɛ wo ya batobon sawulalu ladanna wɔligbɛ le le. Demetiliyusi ni a baaledenɲɔɔlu tɛɛ tɔnɔ ba le sɔlɔnna baale wo lɔ.

Kɛkolu 19:39

Ni do telemasɔɔli gbɛlɛ y'ài bolo, wo ɲa yi bɔle maa ladɛn ba lɔ ka bɛn maa seliya ma.

1 Kolɛntikalu 6:1

Ni ài lɔ mɔɔ fila ka bila i ɲɔɔ na, mindɛ lɔ ài y'ài wakalila ka taa kiti wo le Alalɔnbalilu ɲakɔlɔ, ka mumininnu to je?