Kɛkolu 19:28 - Ala Ya Salatikan Kula Kitabu

²⁸ Jama ka wo mɛn mingɛ, ai k'ai josolakuna bubale ka gbanɔ damina, ai vɛɛ: «Ɛfɛsikalu ya joomoso Aatemesi buɲayine!»

Kɛkolu 19:28 ပူးပေါင်းရင်းမြစ်များ

Matiyu 2:16

Helodi k'a lɔn mingɛ ko lɔnnilalu vɛ a janva, a k'a josolakuna bubale. Wo le k'a kɛ, a ka jamali di ko ai yi dɛnkɛlu bɛ faa Bɛtilɛhɛmu ni a laminin nɔ, minu tɛɛ ma timin ba sanji fila la bene. A ka wo kɛ ka bɛn lɔnnilalu ya loloni ye waate ma, ai tɛɛ vɛ min fɔ a yɛ.

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 19:24

Siyaki dɔ tɛɛ je, min tɔɔ tɛɛ ko Demetiliyusi. Aiya joomoso min tɔɔ tɛɛ ko Aatemesi, a tɛɛ wo ya batobon sawulalu ladanna wɔligbɛ le le. Demetiliyusi ni a baaledenɲɔɔlu tɛɛ tɔnɔ ba le sɔlɔnna baale wo lɔ.

Kɛkolu 7:54

Kititɛɛbalu ka kuma wolu mɛn mingɛ, ai ka mɔnɛ bubale k'ai ɲii sisa i ɲɔɔ na Etiyɛn kanma.

Ko Lankɛnɛmayanin 12:12

Wo lɔ, haijɛnɛ ni a kɔnɔlɔmɔɔlu, ài yi sawa! Kɛɛ duukolo ni kɔɔji, gbalo y'ài yɛ! Kamasɔlɔn Soitana vɛ jii ai ma mɔnɛ ba boloma, a do k'a lɔn ko a halaki waate ma vɛ sulunya.»

Ko Lankɛnɛmayanin 13:4

Mɔɔlu tɛɛ jijala batola, kamasɔlɔn a tɛɛ vɛ aa seetiiya di soofali ma. Ai do tɛɛ soofali batola fana, ai vɛɛ: «Jene yi se a lala soofali ma? Jene yi se a kɛlɛla?»

Ko Lankɛnɛmayanin 17:13

Miliya kelen ne masakɛ wolu la, ai do kɛtɔ aiya fangamaya ni aiya seetiiya donna soofali bolo.