Kɛkolu 19:26 - Ala Ya Salatikan Kula Kitabu

²⁶ Àilu gbu v'a ye ani k'a mɛn Pɔli yi min fɔla, ko joo minu ladannin mɔɔlu bolo, ko wolu tɛ foi le. Kuma wo vɛ mɔɔ siyama lɔ aiya joo bilako la Ɛfɛsi so kɔnɔ jan, ani faida Esiya koovi fan bɛ lɔ.

Kɛkolu 19:26 ပူးပေါင်းရင်းမြစ်များ

Kɛkolu 14:15

«Kɛ́lu, mindɛ lɔ ài yi ko suu min kɛla yi ne? Ǹu gbu yi mɔɔnivin ne le iwo àilu. Mɔ bɛ yi suu kelen ne le. Mɔ nanin Samakan Kein ne lasena ài ma, fɔsa ài yi kofuun minu to je ka Ɲɛnɛmayatii Ala bato, min na sangbolo ni duukolo ni kɔɔji ladanna ani ai kɔnɔlɔfen bɛ.

Kɛkolu 17:29

Komi Ala den ne mɔ le, wo lɔ, mɔ k'i mili ko a kɛɲa kɛyine iwo sanu le, niwotɛ wɔligbɛ, niwotɛ kawa, fen sawula min ladannin ka bɛn adamadennu ya jatesiili ni ai miliya ma.

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 19:1

Apolosi tɛɛ Kolɛnti waate min nɔ, Pɔli ka Esiya koovi lɔtimin ka taa se Ɛfɛsi so kɔnɔ. A do ka limaniyamɔɔ dɔlu ye je,

Kɛkolu 19:10

A do ka to wo la san fila kɔlɔ, haan fɔɔ Esiya duulen bɛ ka mɔ Tii kumakan mɛn, Jahudiya ni Gɛlɛkika bɛ.

Kɛkolu 19:25

Lon dɔ, a ka a baaledenɲɔɔlu ladɛn, ani minu tɛɛ baale suu wo kɛla. A do vɛɛ ai yɛ: «Kɛ́lu, ài k'a lɔn m'i tɔnɔ ba le sɔlɔnna baale min nɔ.

1 Kolɛntikalu 12:2

Ài k'a lɔn ne ko ài tɛɛ Alalɔnbali le waate min nɔ, ài la ka fili boloɲa suu bɛ dɔ ma k'ài bila joo dandannu kɔ.

1 Kolɛntikalu 8:4

Wo lɔ saa, ka bɛn joosɔsoo dɔnko ma, mɔ k'a lɔn ne ko joo tɛ foi le dunuɲa, ani ko tii o tii tɛ je fɔ Ala kelenpesa.

Galatiyakalu 4:8

Waate lɔ, ài tɛɛ Alalɔnbaliya lɔ mingɛ, ài tɛɛ jɔnya lɔ tii dɔlu bolo, minu tɛ tii bɛlɛbɛlɛlu le.

1 Tɛsalonikakalu 1:9

Kamasɔlɔn mɔɔ wolu gbugbu le yi ko minu dandɛɛli kɛla, ài n'ài bolo siila mɔ kɔlɔ teme, ani ài n'ài kɔdonna joolu la teme ka baale kɛ Ɲɛnɛmayatii Ala yɛ, min kɛnin Ala bɛlɛbɛlɛ le.

Ko Lankɛnɛmayanin 9:20

Kɛɛ adamaden tɔ minu tɛɛ ma faa jangata wolu bolo, wolu m'ai dajoo mafalin ka bɔ ai baaledalu ma. Ai do ka to jinalu le batola ani joo minu ladannin sanu ni wɔligbɛ ni solawulɛnnɛɛ ni kawakulun ni jililu le, k'a talan fen wolu tɛ yeni kɛla, ai tɛ ko mɛnna, ai do tɛ taamana.