Kɛkolu 18:26 - Ala Ya Salatikan Kula Kitabu

²⁶ A ka kuma damina Aladalibon na josolagbeleya boloma. Pisila ni a kɛ́ Akuila k'a lamɛn mingɛ, ai ka taa a le ai fɛlɔ ka Ala ya siya ɲafɔ a yɛ k'a lagbɛ.

Kɛkolu 18:26 ပူးပေါင်းရင်းမြစ်များ

Malɛkɛ 10:15

Ǹ'i tuɲa fɔ ài yɛ, ni mɔɔ min m'a bolo sii Ala ya masaya kɔlɔ iwo denni, wo tii tɛnala donna a lɔ tuun.»

Luka 19:26

Kɛɛ masakɛ do vɛɛ ai yɛ: ‹Ǹ'a fɔ ài yɛ, ni fen ka kɛ mɔɔ min bolo, a dɔ latɔ wo tii ma ta kɔkan ka siyaya. Kɛɛ ni fen ma kɛ mɔɔ min bolo, hali minni y'a bolo, wo minatɔle a la.

Luka 24:27

Wo kɔ, kuma minu sɛvɛnin kitabulu kɔnɔ ka bɛn a ma, Isa vɛ wo bɛ ɲafɔla ài yɛ, ka damina Nabi Musa ya Taulati ma ka sii kela dɔgbɛlɛlu ya kitabulu bɛ la.

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Kɛkolu 14:3

Wo bɛ n'a kɛ, Pɔli ni Baanabasi ka waate siyama kɛ je, ai vɛ kawanili kɛla josolagbeleya boloma, ado mɔ Tii gbu tɛɛ seleya dila ka bɛn aa nɛɛma kuma ma, kamasɔlɔn a ka see di ai ma tɔɔmase ni kawanankolu kɛko lɔ.

Kɛkolu 18:18

Pɔli wɔlinin tele siyama kɛla Kolɛnti, a ka diɲa ɲinin limaniyamɔɔlu fɛ ka taa. A senin Sengele so kɔnɔ, a k'a kun li, kamasɔlɔn a tɛɛ vɛ dalakan ne ta Ala yɛ. Wo kɔ, a ka don kulunba kɔnɔ ka taa Siliya koovi lɔ, ado Pisila ni a kɛ́ Akuila ka taa a fɛ.

Kɛkolu 18:25

A kalannin tɛɛ mɔ Tii ya siya le la fana. A sɛmɛdonnin tɛɛ Isa ya ko lasena ka bɛn tuɲa ma, k'a talan a tɛɛ ka Yaya ya makoliko le lɔn dein.

Kɛkolu 19:8

Kalo sawa kɔlɔ, Pɔli tɛɛ taala Aladalibon na ka kuma mɔɔlu fɛ josolagbeleya boloma, k'i lɔja k'ai lakunfa Ala ya masaya ma.

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 8:31

A do vɛɛ Filipe yɛ: «Ni mɔɔ ma a kɔlɔ fɔ ǹ yɛ, ǹ'i se a ɲayena di?» A do k'a fɔ Filipe yɛ ko a yi jɛlɛ k'i sii a tɔɔfɛ soowotolo kɔnɔ.

1 Kolɛntikalu 12:21

Wo lɔ, ɲaden tɛ se a fɔla bolo yɛ, ko: «M̀ mako pa t'i la.» Kun tɛ se a fɔla sennu yɛ, ko: «M̀ mako pa t'ài la.»

1 Kolɛntikalu 3:18

Mɔɔ mɔɔ kà a jɛlɛ manɛɛ. Ni mɔɔ dɔ y'ài tɛma min y'a jɛlɛ tala hangilima le ka bɛn dunuɲamɔɔlu miliyalu ma, wo tii y'a jɛlɛ kɛ hangilindan ne, fɔsa a yi kɛ hangilima bɛlɛbɛlɛ le.

1 Kolɛntikalu 8:2

Ni a ka kɛ mɔɔ dɔ kɔnɔ ko a ka ko dɔ lɔn, wo tii ma wo lɔn ba bene iwo a ka kan k'a lɔn teme.

Hebululu 6:1

Wo le y'a ma, ài m'i taa ɲafɛ ka timin kalan kunfɔlɔlu la ka bɛn Masa Tɔɔmasenin ma, fɔsa m'i kɛ mɔɔ dafanin ne. Mɔ do man kan ka maa limaniya jusii kɔtunun, iwo mɔ ka kan ka mɔ dajoo mafalin teme ka bɔ mɔ kɛkolu ma, minu yi saya lasena mɔ ma, ka limaniya Ala ma,

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.