Kɛkolu 18:24 - Ala Ya Salatikan Kula Kitabu

²⁴ Wo waate, Jahudiya kɛ́ dɔ ka se Ɛfɛsi, min tɔɔ tɛɛ ko Apolosi ka bɔ Alɛzandele so kɔnɔ. A senin tɛɛ kumala kobɛn, ado lɔnni ba le tɛɛ a bolo ka bɛn kitabulu ma.

Kɛkolu 18:24 ပူးပေါင်းရင်းမြစ်များ

Matiyu 13:52

Isa do vɛɛ ai yɛ: «Seliya kalanmɔɔ minu vɛ kalan haijɛnɛ masaya kolu la, wolu bɛ kɛyine iwo lutii min yi fen kula ni fen kɔlɔ bɛ labɔla aa nafolo ladaloya lɔ.»

Luka 24:19

A k'ai maɲininga, a vɛɛ: «Ko mindɛlu?» Ai do vɛɛ a yɛ: «Ko minu kɛnin Nazalɛtika Isa la, min tɛɛ kumala ani ka kawanankolu kɛ seetiiya boloma, k'a jiya Ala ni mɔɔlu bɛ ɲakɔlɔ ko kela le tɛɛ a le.

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 18:21

A do ka siya ɲinin ai fɛ, a vɛɛ: «Ni Ala ka diɲa, ǹ kɛtɔ seikɔla ài ma.» Wo lɔ, a ka don kulunba kɔnɔ Ɛfɛsi ka taa.

Kɛkolu 18:28

Kamasɔlɔn a tɛɛ Jahudiyalu ya kumalu kɔlɔbɔla fanga la bala lɔ, k'a lagbɛ ai yɛ kitabulu fɛ ko Isa le Masa Tɔɔmasenin ne.

Kɛkolu 19:1

Apolosi tɛɛ Kolɛnti waate min nɔ, Pɔli ka Esiya koovi lɔtimin ka taa se Ɛfɛsi so kɔnɔ. A do ka limaniyamɔɔ dɔlu ye je,

Kɛkolu 27:6

Sɔdasi kuntii ka kulunba dɔ ye je, min tɛɛ taala Itali ka bɔ Alɛzandele. Wo lɔ, a ka mɔ ladon wo kɔnɔ.

Kɛkolu 6:9

Kɛɛ a dɔlu k'i wuli Etiyɛn sɔsɔla. Ai bɛ bɔnin tɛɛ Aladalibon kelen ne la, ai tɛɛ a fɔla min ma ko Mɔɔ Lafɛlɛnilu ya Aladalibon. A dɔlu bɔnin tɛɛ Silɛni ni Alɛzandele solu la, ani Silisiya ni Esiya koovilu lɔ.

Kɛkolu 7:22

Wo boloɲa ma, Musa ka kalan Misilankalu ya lɔnni bɛ la, ka kɛ fangama le a kumakan ni a kɛkolu bɛ lɔ.

1 Kolɛntikalu 1:12

N'i min fɔla yi ne, wo le min ne: A dɔ vɛɛ ko: «Ǹe yi Pɔli le fɛ.» A dɔgbɛlɛ vɛɛ ko: «Ǹe yi Apolosi le fɛ.» A dɔgbɛlɛ vɛɛ ko: «Ǹe yi Piyɛli le fɛ.» A dɔgbɛlɛ vɛɛ ko: «Ǹe yi Masa Tɔɔmasenin le fɛ.»

1 Kolɛntikalu 16:12

Mɔ badenma Apolosi koni, ǹ n'a madiyala kosɛvɛ, ǹ ko, ale ni mɔ badenma tɔlu yi taa bɔ ài ma kelen ne, kɛɛ taa lɔɔ t'a la bene feu. Ni a do k'a sen sɔlɔn kɔfɛ, a kɛtɔ nala ài ma.

1 Kolɛntikalu 4:6

M̀ badenmalu, m̀'ɛ ko minu la ǹe ni Apolosi ma ka kɛ misali le ài madɛmɛnko lɔ, fɔsa ko min sɛvɛnin kitabu kɔnɔ, ài kana timin wo la, ani ài kana ài diyanan ta mɔ lɔ fannɔbuɲa boloma.

2 Kolɛntikalu 10:10

Kamasɔlɔn mɔɔ dɔlu y'a fɔla, ai vɛɛ: «Pɔli ya lɛtɛlɛlu magbiliyayine k'ai faiya, kɛɛ ale gbu vɛ kɛla mɔ ɲakɔlɔ, fanga tɛ kɛla a la, ani a dalakan tɛ foi ɲia.»

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

Tite 3:13

I i senko bɛ kɛ ka Zenasi seliya lɔnba ni Apolosi madɛmɛn aiya taamanko lɔ, fɔsa ai kana dɛsɛ foi la.