Kɛkolu 18:21 - Ala Ya Salatikan Kula Kitabu

²¹ A do ka siya ɲinin ai fɛ, a vɛɛ: «Ni Ala ka diɲa, ǹ kɛtɔ seikɔla ài ma.» Wo lɔ, a ka don kulunba kɔnɔ Ɛfɛsi ka taa.

Kɛkolu 18:21 ပူးပေါင်းရင်းမြစ်များ

Matiyu 26:39

A ka taa ɲafɛ dɔni ne k'a ten bilin duu ma. A do vɛ Ala dalila, a vɛɛ: «Ǹ Fa, ni a yi sene kɛla, i kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Malɛkɛ 6:46

Isa wɔlinin mɔɔlu lasalanala, a vɛ taala Aladaliya lɔ tini dɔ kɔkan.

Luka 9:61

A dɔgbɛlɛ k'a fɔ a yɛ kɔtunun, a vɛɛ: «Ǹ Kuntii, ǹ'i bilale i kɔ, kɛɛ diɲa ǹ'i taa ǹ sala m̀ balamɔɔlu la bene.»

Kɛkolu 15:29

Ài kà joosɔsoo dɔn, niwotɛ jufaasoo, niwotɛ jeli, ani ài kà kanu kɛ. Ni ài ka ko wolu matanga, wo yi bɛnne. Ala yi to ài fɛ.»

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 18:20

Wolu k'a madiya ko a yi waate dana kɛ ai fɛ je, kɛɛ Pɔli ma diɲa.

Kɛkolu 18:24

Wo waate, Jahudiya kɛ́ dɔ ka se Ɛfɛsi, min tɔɔ tɛɛ ko Apolosi ka bɔ Alɛzandele so kɔnɔ. A senin tɛɛ kumala kobɛn, ado lɔnni ba le tɛɛ a bolo ka bɛn kitabulu ma.

Kɛkolu 19:1

Apolosi tɛɛ Kolɛnti waate min nɔ, Pɔli ka Esiya koovi lɔtimin ka taa se Ɛfɛsi so kɔnɔ. A do ka limaniyamɔɔ dɔlu ye je,

Kɛkolu 19:17

Wo mɛn Jahudiyalu ni Gɛlɛkikalu bolo Ɛfɛsi so kɔnɔ, ai bɛ ka siyan kosɛvɛ, ado mɔ Tii Isa tɔɔ ka magbiliyali sɔlɔn.

Kɛkolu 19:21

Ko wolu bɛ timinnin, Pɔli k'a latɛɛ ko a yi Maseduwani ni Akayi koovilu lɔtimin ka taa Jelusalɛmu. A do vɛɛ: «M̀'ɛ sena Jelusalɛmu, wo kɔ, fɔ ǹ'i se Lɔmu fana.»

Kɛkolu 20:16

Pɔli tɛɛ v'a latɛɛ ko a kɛtɔ Ɛfɛsi so malala kulun kɔnɔ, fɔsa a ma kana tamala Esiya koovi lɔ. Kamasɔlɔn a kɔlɔtɔnin ba le tɛɛ ka se Jelusalɛmu jani Tele Biloolunanlon selilon yi se, ni wo tɛɛ se kɛla.

Kɛkolu 21:14

Mɔ k'a ye mingɛ ko Pɔli tɛnala a miliya mafalinna, mɔ k'a to ten. Mɔ do vɛɛ: «Mɔ Tii sawo yi kɛ.»

Kɛkolu 21:29

Ai ka wo fɔ kamasɔlɔn ai na Ɛfɛsika Tolofimu ni Pɔli yena i ɲɔɔ fɛ so kɔnɔ. Wo lɔ, a tɛɛ ai kɔnɔ ko Pɔli nayine a le lɔhɔlɔmabonba la.

Lɔmukalu 1:10

ǹa madaililu lɔ. Ǹ'i Ala dalila, ǹ ko, ni a ka diɲa a ma, a yi siya laka ǹ yɛ butu fɔsa ǹ'i taa bɔ ài ma.

Lɔmukalu 15:32

Wo vɛ kɛla, ni Ala ka diɲa, ǹ kɛtɔ nala ài fɛlɔ sawa boloma ka ǹ lɔfɔlin dɔni ne ài fɛ.

1 Kolɛntikalu 15:32

Ǹ na sɛɛ min kɛla Ɛfɛsi so kɔnɔ ka kɛ iwo ǹe ni soofalilu tɛɛ v'i ɲɔɔ na, ni wo kɛnin tɛɛ m̀ bolo adamadennu ya ko le lɔ dein, ǹ kɛtɔ nafa mindɛ le sɔlɔnna wo la? Ni fulenilu la tɛnala wulila ka bɔ saya lɔ, wo vɛ kɛla: «Ài m'i dɔnni kɛ k'i min, kamasɔlɔn mɔ satɔle sinin.»

1 Kolɛntikalu 16:7

Ǹ t'a fɛ siɲa min nɔ ǹ'i taa ǹ ɲa la ài ma dein ka timin. Ǹ'a fɛ ǹ'i waateni kɛ ài fɛlɔ, ni mɔ Tii ka diɲa.

1 Kolɛntikalu 16:8

Kɛɛ ǹ kɛtɔ tola Ɛfɛsi so kɔnɔ jan ne haan fɔɔ Tele Biloolunanlon Selilon yi se.

1 Kolɛntikalu 4:19

Kɛɛ ni mɔ Tii ka diɲa, a lɔ tɛnala mɛnna, ǹ kɛtɔ nala ài ma. Wo vɛ kɛla, ǹ kɛtɔ mɔɔ kafanin wolu fanga lɔnna, ai kumakan makan tɛ.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

Ɛfɛsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹ'i lɛtɛlɛ min sɛvɛla mumininnu ma Ɛfɛsi so kɔnɔ, minu yi lanande le Masa Tɔɔmasenin Isa ya kafonɲɔɔya lɔ.

Hebululu 6:3

Mɔ do kɛtɔ wo le kɛla, ni Ala ka diɲa a ma.

Janguba 4:15

Ài do ka kan k'a fɔ le ko: «Ni mɔ Tii ka diɲa, m'i tole mɔ nii la ka ko minu kɛ.»

1 Piyɛli 3:17

Tuɲa le, ni a ka kɛ Ala sawo le ko ài yi tɔlɔya masɔlɔn koɲumakɛko lɔ, wo fisayayine jani ài yi tɔlɔya masɔlɔn koyonkɛko lɔ.

Ko Lankɛnɛmayanin 1:11

A do vɛɛ ǹ yɛ: «I natɔ ko minu yena, i yi wolu sɛvɛ kitabu kɔnɔ k'a lataa limaniyajama wolowulan ma minu yi Ɛfɛsi, Similina, Pɛlɛgamu, Tiyatila, Salidɛsi, Filadɛfiya, ani Layodiseya.»

Ko Lankɛnɛmayanin 2:1

«A sɛvɛ k'a lataa limaniyajama ya mɛlɛka ma min yi Ɛfɛsi so kɔnɔ, i vɛɛ: ‹A ye, min yi loloni wolowulan minala a bolokini la, ka taama sanu fitinasiifen wolowulan tɛma, wo kan ne min ne: