Kɛkolu 18:18 - Ala Ya Salatikan Kula Kitabu

¹⁸ Pɔli wɔlinin tele siyama kɛla Kolɛnti, a ka diɲa ɲinin limaniyamɔɔlu fɛ ka taa. A senin Sengele so kɔnɔ, a k'a kun li, kamasɔlɔn a tɛɛ vɛ dalakan ne ta Ala yɛ. Wo kɔ, a ka don kulunba kɔnɔ ka taa Siliya koovi lɔ, ado Pisila ni a kɛ́ Akuila ka taa a fɛ.

Kɛkolu 18:18 ပူးပေါင်းရင်းမြစ်များ

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Malɛkɛ 6:46

Isa wɔlinin mɔɔlu lasalanala, a vɛ taala Aladaliya lɔ tini dɔ kɔkan.

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 15:23

Ai ka sɛvɛ don wolu bolo ko ai yi taa a le. A sɛvɛnin tɛɛ ko: «Ǹu keladennu ni ɲamɔɔlu, ài badenmalu koni, m'i lɛtɛlɛ min lataala siboloma gbɛlɛ limaniyamɔɔlu ma Antiyɔsi so kɔnɔ ni Siliya ni Silisiya jamanalu lɔ. M'ài fola.

Kɛkolu 15:41

Wo lɔ, ai ka Siliya ni Silisiya koovilu lɔtimin, ai vɛ limaniyajamalu sɛmɛdonna fan bɛ lɔ.

Kɛkolu 18:2

A do ka Jahudiya kɛ́ dɔ ye je, min tɔɔ tɛɛ ko Akuila, min sɔlɔnnin Pɔndu koovi lɔ. Ale ni a moso Pisila nanin kula le tɛɛ ka bɔ Itali jamana lɔ. Ai bɔnin tɛɛ je kamasɔlɔn Lɔmu masakɛba Kulodi tɛɛ vɛ jamali di ko Jahudiyalu bɛ yi bɔ Lɔmu so kɔnɔ. Pɔli ka taa ai ma,

Kɛkolu 18:26

A ka kuma damina Aladalibon na josolagbeleya boloma. Pisila ni a kɛ́ Akuila k'a lamɛn mingɛ, ai ka taa a le ai fɛlɔ ka Ala ya siya ɲafɔ a yɛ k'a lagbɛ.

Kɛkolu 18:27

A lɔɔ tɛɛ Apolosi la mingɛ ka taa Akayi koovi lɔ, limaniyamɔɔlu k'a sɛmɛdon ka sɛvɛ lɔbɛn k'a lataa ai badenmalu ma je, ko ai y'ai bolo sii a kɔlɔ. A ka se je mingɛ, a ka mɔɔlu madɛmɛn kosɛvɛ, minu tɛɛ vɛ limaniya ka bɛn Ala ya nɛɛma ma.

Kɛkolu 21:23

M'i min fɔla i yɛ yi ne, i yi wo kɛ. Kɛ́ naani yi mɔ fɛ jan, minu vɛ dalakan ta Ala yɛ.

Kɛkolu 21:24

I yi wolu bila i fɛ, ài y'ài jɛlɛ lasɛnɛya kelen ne, i lɔ ai kunli sala la. Wo vɛ kɛla, mɔɔ bɛ kɛtɔ a lɔnna ko ai na ko ko si mɛnna ka bɛn i ma, wo suu suu tɛ tuɲa le, mafɔ ile gbu yi Nabi Musa ya seliya labatola.

Kɛkolu 21:3

Mɔ masulunyanin kɔɔtɛmaduu dɔ la, min tɔɔ yi ko Sipele, mɔ ka timin a la bolokini fannɔ. Wo kɔ, mɔ ka se Siliya koovi lɔ k'i lɔ Tili so kɔnɔ, kulunkɔnɔ donilu la tɛɛ ka kan ka jii tɛɛminja.

Lɔmukalu 16:1

Ǹ'i mɔ badenmamoso Fibi matanula ài yɛ, min taanin kɛla limaniyajama makoɲabɔba le Sengele so kɔnɔ.

1 Kolɛntikalu 9:20

M̀'ɛ kɛla Jahudiyalu tɛma, ǹ'i ǹ jɛlɛ kɛla iwo Jahudiya, fɔsa ǹ'i se Jahudiyalu masɔlɔnna teme. M̀'ɛ kɛla Nabi Musa ya seliya kɔlɔ mɔɔlu tɛma, hali ǹe gbu tɛ seliya kɔlɔ, ǹ'i ǹ jɛlɛ kɛla iwo seliya kɔlɔ mɔɔ, fɔsa ǹ'i se seliya kɔlɔ mɔɔlu masɔlɔnna teme.

Galatiyakalu 1:21

Wo kɔ, ǹ ka taa Siliya ni Silisiya koovilu lɔ.