Kɛkolu 18:15 - Ala Ya Salatikan Kula Kitabu

¹⁵ Kɛɛ komi ài i ɲɔɔ sɔsɔla ka bɛn kuma dɔlu ma, ani tɔɔ dɔlu, ani àiya seliyakolu, wo lɔ, ǹ tɛ diɲa ka kiti min tɛɛ. Àilu gbu y'a ɲabɔ.»

Kɛkolu 18:15 ပူးပေါင်းရင်းမြစ်များ

Matiyu 27:24

Pilati k'a ye mingɛ ko a kumakan tɛ foi ɲiala, ani jama tɛɛ mulutu bolo le ma, a ka ji ta k'a bolo lako jama ɲakɔlɔ. A do vɛɛ ai yɛ: «Ǹ sen tɛ kɛ́ min faako lɔ. Aa ko y'ài bolo.»

Matiyu 27:4

A vɛɛ ai yɛ: «M̀'ɛ julumbu ta, kamasɔlɔn ǹ na hakɛtabali le janvala.» Kɛɛ ai do vɛɛ a yɛ: «Mɔ mako pa tɛ wo le! I kunko le wo le feu!»

Yohana 18:31

Pilati do vɛɛ ai yɛ: «Àilu gbu yi taa a le ka aa kiti tɛɛ ka bɛn àiya seliya ma.» Wo fɔ, Jahudiya kuntiilu k'a javi, ai vɛɛ: «Mɔɔfaako see tɛ mɔ yɛ ka bɛn àiya seliya ma.»

Kɛkolu 18:13

Ai vɛɛ: «Kɛ́ min yi mɔɔlu lakunfala Ala batokɛɲa gbɛlɛ le ma, min bɛnnin tɛ maa seliya ma.»

Kɛkolu 23:29

Ǹ k'a ye ko a ma ko kɛ min yi kɛ a faa kun ne, niwotɛ aa kasolabila kun ne. Mafɔ, ai tɛɛ a jalakila ka bɛn ai ta seliyakolu le ma dein.

Kɛkolu 25:11

Ni a k'a talan m̀'ɛ seliya dɔ tiɲa, ka ko dɔ kɛ min yi kɛ ǹ faa kun ne, ǹ tɛnala m̀ banna ǹ faako ma. Kɛɛ mɔɔ minu yi ǹ jalakila ko minu la yi ne, ni wolu tɛ tuɲa le, mɔɔ man kan ka ǹ don ai bolo. Wo lɔ saa, fɔ Lɔmu masakɛba Sezale gbu le yi ǹa kiti tɛɛ.»

Kɛkolu 25:19

Mafɔ, ai tɛɛ Pɔli sɔsɔla ka bɛn ailu gbu ya diinakolu le ma, ani kɛ́ sanin dɔ min tɔɔ tɛɛ Isa, Pɔli n'a fɔla min ma ko a a nii la.

Kɛkolu 26:3

Kamasɔlɔn i ka Jahudiyalu ya laanalu ni aiya sɔsɔyalikolu bɛ lɔn ne kosɛvɛ. Wo lɔ, i jon, i i tolomalɔ ǹ na sawali boloma.

1 Timote 1:4

Ai do kà ai jɛlɛ bila faɲafɔ taliku fɔko lɔ, ani jilijaa ɲafɔko le minu tɛ banna. Ko suu wolu le yi nala sɔsɔyali le, ai do tɛ Ala ya baale lataala ɲafɛ min jusiinin limaniya kɔkan.

1 Timote 6:4

wo vɛ kɛla, wo tii v'a fannɔbuɲa, a do ma foi lɔn. Wo ma, sɔsɔyali diyayine a yɛ, ani sɔɔnsɔɔn ka bɛn kumalu kɔlɔ ma. Ko minu yi nala keleya ni falanɲɔɔya le, ani tɔɔtiɲali, ani miliya yon,

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

Tite 3:9

Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.